5. E Spiritu Santu

5.2 E Fruta di Spiritu

 

1 . Kiko ta e fruta di Spiritu?  

Galationan  5: 22,23

22  Ma fruta di e Spiritu ta amor, goso, pas, pasenshi, kariño, bondat, fieldat,

23  mansedumbre, dominio propio; kon­tra kosnan asina no tin lei.

 

2 .  Kiko ta e obranan di karni?    

Galationan  5: 19-21

19  Awor e obranan di karni ta eviden­te, kualnan ta: inmoralidat, impuresa, sensualidat,

20  idolatria, bruheria, hosti­lidat, bringamentu, yalursheit, rabia­mentu, pleitamentu, desakuèrdo, doktri­na falsu,

21  envidia, buracheria, paran­diamentu, i kosnan asin' aki, di kualnan mi ta spièrta boso di antemano, meskos ku mi a spièrta boso kaba di antemano, ku esnan ku praktiká sorto di kosnan asina lo no eredá e reino di Dios.

 

 3 . Kon hende por wòrdu librá for di obranan di karni?  

Galationan  5: 16  Ma mi ta bisa, kana segun e Spiri­tu, i boso lo no kumpli ku deseo di e karni.

 

4 .  Dor di kiko e amor di Dios ta wòrdu deramá den e kurason? 

Romanonan 5: 5  i speransa no ta desapuntá, pasobra e amor di Dios a wòrdu dramá den nos kurason dor di Spiritu Santu, Kende a wòrdu duná na nos.

 

5 . Kon amor ta wòrdu konsidrá? 

Kolosensenan 3: 14  I ademas di tur e kosnan aki bisti amor, kual ta e laso perfekto di unidat.

 

6 .  Dor di kiko fe sinsero ta obra?  

Galationan  5: 6  Pasobra den Cristo Jesus ni sirkumsishon ni insir­kumsishon no ta nifiká nada, ma fe ku ta obra dor di amor.

 

7 . Kiko amor ta hasi?  

Proverbionan 10:12  Odio ta lanta pleitu, ma amor ta tapa tur piká.

 1 Pedro 4: 8  Riba tur kos, keda fer­viente den boso amor pa otro, pasobra amor ta kubri un multitut di piká.

 

8 .  Di kiko Reini di Dios ta konsistí?   

Romanonan 14:17  pasobra e reino di Dios no ta komementu i bebementu, sino hustisia, pas i goso den Spiritu Santu.

 

9 . Di ki manera amor ta manifestá su mes?  

1Korintionan 13: 4, 5

4  Amor tin pasenshi, amor ta kariñoso i no ta yalurs; amor no ta gaba, i no ta

5  e no ta regosihá den inhustisia, ma ta arogante,

 

10. Kiko e gentilesa di Dios ta hasi pa nos?

Salmo 18: 35  Tambe Bo a dunami e eskudo di Bo salbashon, i Bo man drechi ta sostenémi, i Bo gentilesa ta hasimi grandi.

 

11. Kua spiritu nos mester demonstrá un na otro?

2 Timoteo 2:24  I e sirbidó di Señor no mester ta pleitadó, ma kariñoso ku tur hende, ku kapasidat pa siña, ku pasenshi ora ku e wòrdu tratá inhusta­mente,

 

12. Kiko e kariño di Dios ta hasi?

Romanonan  2: 4  òf bo ta menospresiá e rikesa di Su kariño, toleransia i pasen­shi, sin sa ku e kariño di Dios ta hibabo na repentimentu?

 

13. Kon nos mester trata esnan ku ta trata nos malu?

Romanonan 12: 19, 20

I9  Nunka no venga boso mes, stimánan, ma laga lugá pa e furia di Dios, pasobra ta pará skirbí: "'Ta di Mi vengansa ta, Ami lo paga bèk,'a Señor ta bisa."

20   "Ma si bo enemigu tin hamber, dun'é di kome, i si e tin set, dun'é di bebe; pasobra hasiendo asina lo bo montoná karbon sendí riba su kabes.

 

14. Kon fe ta determiná nos relashon ku Dios?

Hebreonan 11: 6  I sin fe ta imposibel pa agrad'E, paso­bra esun ku bin serka Dios mester kere ku E ta, i ku E ta Esun ku ta rekompensá esnan ku ta busk'E.

 

15. Kon Dios ta konsiderá esnan ku un spiritu suave i ketu?

1 Pedro 3: 3,4

3  I no laga boso dòrnamentu ta di pafó so flègtmentu di kabei, bisti­mentu di hoya di oro, o bistimentu di paña luhoso;

4  ma lagu'é ta e persona skondi di e kurason, ku e kalidat inkorup­tibel di un spiritu suave i ketu, lokual ta presioso den bista di Dios.

 

16. Kiko ta añadí na fe, birtut i konosementu den nos eksperensia Kristian?

 2 Pedro 1: 5, 6

5  Awor pa e mesun motibu aki tambe, hasiendo tur diligensia, añadí na boso fe, birtut, i na boso birtut, konosementu;

6  i na boso konosementu, dominio propio, i na boso dominio propio, pèrseveransia, i na boso pèrseveransia, santidat;

 

17. Ki kosnan grandi ta wòrdu bisá di esnan ku por goberná nan spiritu?

Proverbionan 16: 32  Esun ku no ta rabia lihé ta mihó ku e poderoso, i esun ku ta goberná su spiritu ta mihó ku esun ku ta kapturá un stat.

 

18. Kiko ta wòrdu bisá tokante tur e diferente birtutnan?

Galationan  5: 23  kon­tra esnan asina no tin lei.

 

19. Kiko ta wòrdu bisá di esnan ku ta wòrdu guiá pa Spiritu?

Galationan 5: 18  Ma si boso ta wòrdu guiá pa e Spiritu, boso no ta bou di Lei.

 

 20. Kua unidat nos kristian ta wòrdu konsehá pa preservá?  

Efesionan 4:3  siendo diligente pa preservá e unidat di e Spiritu den e vinkulo di pas.