2. Orígen, Konsekuensia i Remedi Kontra Piká

2.9 Kristo e Kaminda di Bida

 

1 . Kiko Kristo a deklará ku E ta?  

Juan 14: 6

6 Jesus a bis'é: "Ami ta e kaminda, i e bèrdat, i e bida; ni un hende no ta bin serka eTata, sino pa medio di Mi.

 

2 . Kiko ta e kondishon di tur hende segun Skritura?  

Galationan 3: 22 Ma Skritura a sera tur hende bou di piká, pa e promesa pa medio di fe den Jesu­Cristo por a wòrdu duná na esnan ku ta kere.

Romonan 3: 23  pasobra tur a peka i ta falta e gloria di Dios,

 

3 . Kiko ta e pago di piká?

 Romanonan 6: 23 Pasobra e pago di piká ta morto, ma e don di grasia di Dios ta bida etèrno den Cristo Jesus, nos Señor

 

4 . Kuantu hende ta kai bao di e violashon di Adam?

Romanonan 5: 12 Pesei, meskos ku dor di ún hende piká a drenta den mundu, i morto dor di piká, i asina morto a pasa pa tur hende, pasobra tur a peka.

 

5 . Kiko ta e don di grasia di Dios?

Romanonan 6: 23 Pasobra e pago di piká ta morto, ma e don di grasia di Dios ta bida etèrno den Cristo Jesus, nos Señor.

 

6 .Ken por risibí e don di grasia?

Revelashon 22: 17  I e Spiritu i e brùit ta bisa: "Bin." I laga esun ku tende, bisa: "Bin." I laga esun ku tin set, bin; laga esun ku kier, tuma e awa di bida pòrnada. 

 

7 . Den ken e don ta? 

1 Juan 5: 11 I e testimonio ta esaki, ku Dios a duna nos bida etèrno, i e bida aki ta den Su Yu.

 

8 . Kiko nos tin ora nos risibí e Yu?  

1 Juan 5: 12  Esun ku tin e Yu tin e bida; esun ku no tin e Yu di Dios no tin e bida.

 

9 . Kiko esnan ku no ta risibíE ta perde?  Welk verlies lijden degenen, die Hem niet aannemen?

1 Juan 5: 12  Esun ku tin e Yu tin e bida; esun ku no tin e Yu di Dios no tin e bida.

 

10. Riba kual otro manera e mesun berdat aki ta wordu ekspresá?

Juan 3: 36  Esun ku kere den e Yu tin bida etèrno; ma esun ku no obedesé e Yu lo no mira bida, ma e furia di Dios ta keda riba djé."

 

11. Despues di un hende a risibí Kristo den berdat, ken su bida ta wòrdu revelá na dje?   

Galationan 2: 20  Mi a wòrdu krusifiká ku Cristo; i no ta ami ta biba mas, ma Cristo ta biba den mi; i e bida ku mi ta biba awor den karni, mi ta biba pa medio di fe den e Yu di Dios, Kende a stimami, i a entregá Su mes pa mi.

 

12. Den kua kondishon tur hende ta, prome ku Ela hasi nan bibu?   

Efesionan 2: 4, 5

4   Ma Dios, siendo riku den miserikòrdia, pa motibu di Su gran amor ku kual El a stima nos,

5  asta tempu ku nos tabata morto den nos transgreshen­nan, a hasi nos bibu huntu ku Cristo (pa medio di grasia boso a wòrdu salbá),  

 

13. Kon e transishon foi morto pa bida ta wòrdu menshoná?  

1 Pedro 1: 23  pasobra boso a nase di nobo, no di simia ku ta koruptibel sino inkoruptibel, esta, pa medio di e palabra di Dios ku ta biba i ta permanesé pa semper.

 

14. Ora hende a peka den prinsipio, kiko a wòrdu hasí pa evitá ku lo e keda biba den pika pa semper?

Genesis 3: 22-24

22 E ora ei Señor Dios a bisa: "Mira, e hòm­ber a bira manera un di Nos, konosiendo bon i malu. I awor, pa e na saka su man kohe for di e palu di bida tambe, i kome i biba pa semper"-

23 pesei Señor Dios a mand'é bai for di e hòfi di Edén, pa kultivá e tera for di kual el a wòrdu tumá.

24 Asina EI a saka e hòmber afó; anto parti pariba di hófi di Edén EI a stashoná e kerubinnan i un spada tur na fIam di kandela ku tabata bira den tur direkshon, pa warda e kaminda ku ta bai na e palu di bida.

 

15. Kiko tabata un proposito di e morto di Kristo?  

Hebreonan 2: 14  Asina anto, komo ku e yunan ta kompartí den karni i sanger, E mes tambe a tuma parti na e mesun manera, asina ku pa medio di morto E por a destrui esun ku tabatin poder riba morto, esta, diabel,

 

16. For di ken Abraham lo a risibí e promesa di e futuru herensia?   

Genesis 12: 7  I Señor a paresé na Abram i a bisa: "Bo desendientenan lo Mi duna e tera aki." I ayanan el a traha un altar pa Señor, Kende a paresé na djé.

 

17. Kuantu hende ta inkluí den e promesa di Dios na Abraham? 

Echonan 3: 25  Ta boso ta e yunan di e profetanan i di e aliansa ku Dios a sera ku boso tatanan, bisando Abraham: 'I den bo simia tur e famianan di mundu lo wòrdu bendishoná.  

 

 18. Ku ken e semia den e promesanan ta relashoná?

Galationan 3: 16  Awor e prome­sanan a wòrdu hasi na Abraham i na su simia. E no ta bisa: "I na simianan," komo si fuera e ta referí na hopi, ma mas bien na ún: "I na bo simia, " esta, Kristo.

 

 19. Kiko lo hasi e morto di Kristo enbano? 

Galationan 2: 21  Mi no ta anulá e grasia di Dios; pasobra si hustisia ta bin dor di Lei, e ora ei ta enbano Kristo a muri. "

 

20. Dikon tur hende ta sera bao di pika?  

Galationan 3: 22  Ma Skritura a sera tur hende bou di piká, pa e promesa pa medio di fe den Jesu­Cristo por a wòrdu duná na esnan ku ta kere.

 

 21. Kon tur por bira yunan di Dios?  

Galationan 3: 25  Pasobra boso tur ta yunan di Dios dor di fe den Kristo Jesus.

 

 22. Ku ken e yunan di Dios ta ko-eredero?   

Romanonan 8: 17  i si nos ta yu, nos ta eredero tambe, eredero di Dios i ko-eredero ku Cristo, si di bèrdat nos ta sufri huntu kunE, pa nos wòrdu glorifiká tambe huntu kunE. E gloria ku lo wàrdu revelá na nos.