3. E Kaminda na Kristo

3.14 Importansha di e Doktrina sanu

 

1 . E ta dependé di loke un hende kere tanten e ta sinsero?

2 Tesalonisensenan 2: 13  Ma nos mester gradisí Dios semper pa boso, rumannan stimá di Señor, paso­bra Dios a skohe boso for di prinsipio pa salbashon pa medio di e obra di santifi­kashon dor di e Spiritu i fe den e bèrdat.

 

2 . Josue tabata indiferente tokante kua Dios e ta sirbi?

 Josue 24: 14, 15  

14  Pesei anto, terne Señor i sirbiE ku sinseridat i den bèrdat; i pone un banda e diosnan ku boso tatanan tabata sirbi na e otro banda di Riu Eufrates i na Egipto, i sirbi Señor.

15  I si ta desagradabel den boso bista pa sirbi Señor, skohe pa boso mes awe kende boso lo sirbi: sea e dios­nan ku boso tatanan tabata sirbi, kualnan tabata na e otro banda di Riu Eufrates, òf e diosnan di e amoreonan, den kende nan tera boso ta biba; ma pa loke ta ami i mi kas, nos lo sirbi Señor.   

 

3 . Kon nos por determiná e bèrdat di un siñansa?  

1 Tesalonisensenan  5: 21  Saminá tur kos; tene duru na loke ta bon;  

 

 4 . Na man di kiko nos mester saminá kada siñansa?

Isaias  8: 20   Bai na (segun) e lei i e testimonio! Si nan no ta papia konforme e palabra aki, ta pasobra nan no tin lus den nan.

 

5 . Pa kua tipo di siñansa nos mester paga tinu? 

Efesio 4: 14  pa nos no ta mucha mas, tirá p'aki p'aya dor di olanan, i hibá dor di tur bientu di doktrina, dor di triki di hende, dor di astusia den trahamentu di plan engañoso;

Hebreonan 13: 9  No laga boso wòrdu hibá p'aki p'aya dor di tur sorto di siñansa straño; paso­bra ta bon pa e kurason wòrdu fortifiká dor di grasia, no dor di kuminda, pa medio di kual esnan ku tabata okupá nan mes ku esaki no a wòrdu benefisiá.

 

6 . Kiko ta “bientu di siñansa”?

Jeremias  5: 13  E profetanan ta manera bientu, i e palabra no ta den nan. E kosnan ei lo sosodé ku nan mes!"

 

7 . Pa kiko henter skritura ta util? 

2 Timoteo 3: 16  Tur Skritura ta inspirá pa Dios i ta útil pa siñansa, pa reprendementu, pa korekshon, pa eduká den hustisia,

 

8 . Kua konseho a wòrdu duná na Timoteo ora e tabata prepará su mes pa servisio di evangelismo?

1 Timoteo 4: 13-16 

13  Te ora mi bin, okupá bo mes ku lesa­mentu di Skritura, eksortashon i siña­mentu.

14  No neglishá e don spiritual ku tin den bo, ku a wòrdu duná na bo pa medio di e palabra di profesia ora ku e ansianonan a pone man riba bo.

15  Pèrkurá pa e kosnan aki; sea dediká na nan, pa bo progreso por ta bisto pa tur hende.

16  Paga bon tino na bo mes i na bo siñansa; pèrseverá den e kosnan aki; pasobra hasiendo esaki lo bo sigurá sal­bashon, tantu pa bo mes komo pa esnan ku ta tendebo

 

9 . Kua mandato solemne a wòrdu duná na dj’e en relashon ku su trabao publiko? 

2 Timoteo 4: 1, 2

1  Mi ta hurabo den e presensia di Dios i di Cristo Jesus, Kende lo huzga e

bibunan i e mortonan: (mi ta hurabo) dilanti di Su aparishon i Su reino:

2  pre­diká e palabra; sea prepará na tempu i for di tempu; spièrta, reprendé, eksortá, ku hopi pasenshi i instrukshon.

 

10. Dikon Pablo a bisa ku e kosnan aki ta asina nesesario?

2 Timoteo 4: 3, 4

3  Pasobra e tempu lo bin ku nan lo no soportá doktrina sano mas; ma alkontrario, pa satisfasé nan mes deseonan, nan lo aku­mulá pa nan mes siñadónan pa bisa nan loke nan orea ku ta kishiki kier tende,

4  i lo bira nan orea for di e bèrdat, i lo bolbe na fábula.

 

11. Ki amonestashon igual Tito a risibí?

Tito 2: 1-7

1  Ma pa loke ta boso, papia e kosnan ku ta pas pa doktrina sano.

7  den tur kos presentá bo mes komo un ehèmpel den bon obra, ku puresa den doktrina, ku dignidat,

 

12. Pa kiko e siñansa sanu ta hasi e sirbidor fiel kapas?

Tito 1: 9  ku ta tene firme na e palabra fiel ku ta segun e siñansa, pa e por eksortá ku doktrina sano i refutá" esnan ku ta kontradisí.

 

13. Ki peliger ta konektá ku siñamentu di doktrinanan falsu?

2 Timoteo 2: 18    hòmbernan ku a desviá for di e bèrdat, bisando ku resurekshon a tuma lugá kaba, i asina nan ta trastorná fe di algun hende.

 

14. Ken ta disipelnan di Hesus i ki trabao maravioso e bèrdat ta hasi pa esnan ku akseptá Hesus?

Juan 8: 31, 32 

31  Pesei, Jesus a bisa e hudiunan ei ku tabata kere den djE: "Si boso keda den Mi palabra, boso ta bèrdaderamente di­sipelnan di Mi.

32  i boso lo konosé e bèrdat, i e bèrdat lo hasi boso liber."

 

15. Dor di kua medio nos ta wòrdu santifiká?

Juan 17: 17 Santifiká nan den Bo bèr­dat; Bo palabra ta bèrdat.

 

16. Kiko ta e resultado di siñansa falsu?

Mateo  15: 9  I ta en bano nan ta adoráMi, siñando preseptonan di hende komo doktrina.

 

17. Nos por sera nos wowo pa e bèrdat ik keda inosente dilanti di Dios?

Proverbionan 28: 9 Esun ku hasi su mes sordo pa no skucha lei, asta su orashon ta un abominashon.

 

18. Kiko Cristo ta bisa di esnan ku kier sa e boluntat di Dios?

Juan 7: 17 Si un hende kier hasi Su boluntat, e lo sa di e siñansa, si ta di Dios e ta, òf si ta Mi mes ta papia.    

Salmo 25: 9  E ta guia e umildenan den huisio, i E ta siña e umildenan Su kaminda.

Juan 8: 12   E ora ei Jesus a bolbe papia ku nan, bisando: "Ami ta e lus di mundu; esun ku siguiMi lo no kana den skuridat, ma lo tin e lus di bida."

 

19. Kiko Dios Dios lo permití bin riba esnan ku ta rechasá e bèrdat?

2 Tesalonisensenan 2: 10 – 12 

10  i ku tur e engaño di inikidat pa esnan ku ta peresé, pasobra nan no a aseptá e amor pa e bèrdat, pa nan por wòrdu salbá.

11  I pa e motibu aki Dios lo manda riba nan un influensia di eror, pa nan kere men­tira,

12  pa nan tur wòrdu huzgá, kende­nan no a kere e bèrdat, ma a hiba gustu den maldat.

 

20. Dor di kua tipo di siñansanan hendenan lo wòrdu tentá den e ultimo dianan?

1 Timoteo 4: 1  Ma e Spiritu ta bisa klaramente ku den e ultimo tempunan algun lo kai for di fe, dor di paga atenshon na spiri­tunan engañoso i doktrinanan di de­moñonan,

 

 21. Kiko ta e destinashon di lidernan siegu i nan suigidor

Mateo  15: 14  Laga nan numa; nan ta guiadó siegu di e siegunan. I si siegu guia siegu, tur dos lo kai den buraku."

 

22. Pa ken e portanan di e stat selestial lo habri?

Isaias 26:2  Habri e portanan di stat pa e nashon hustu drenta, esun ku ta keda fiel.

Revelashon 22: 14  Bendishoná ta esnan ku ta laba nan pañanan, pa nan tin derecho riba e palu di bida, i pa nan por drenta e stat dor di e portanan.