3. Kaminda na Kristo
3.2 Speransa
1 . Kon fe i speransa ta relashoná ku otro?
Hebreonan 11: 1 Awor fe ta e siguransa di kosnan ku hende ta spera, e konvikshon di kosnan ku hende no ta mira.
2 . Kiko ta e proposito di Skritura Santu?
Romanonan 15: 4 Pasobra tur loke a wòrdu skirbí promé aya a wòrdu skirbí pa nos instrukshon, pa dor di pèrseveransia i enkurashamentu di Skrituranan nos por tin speransa.
3 . Di kon e gran obranan maravioso di Dios mester wòrdu kontá na muchanan?
Salmo 78: 4-8
4 Nos lo no tene nan skondî pa nan yunan, ma nos lo konta e generashon benidero di e alabansanan di SEÑOR, di Su forsa i di Su obranan maraviyoso ku El ahasi.
5 Pasobra El a stablesé un testimonio den Jakob, i a pone un lei den Israel, ku El a ordená nos tatanan, pa nan siña nan yunan esei;
6 pa e generashon benidero por konosé nan, esta, e yunan ku tin ku nase ainda, pa nan por lanta i konta nan yunan,
7 pa nan por pone nan konfiansa den Dios, i no lubidá e obranan di Dios, ma warda Su mandamentunan;
8 i pa nan no ta manera nan tatanan, un generashon kabesura i rebelde,
un generashon ku no a prepará su kurason, i su spiritu no tabata fiel na Dios.
4 . Kiko ta kondishon de hende ku ta pafo di Kristo?
Efesio 2: 11, 12
11 Pesei, kòrda ku antes boso, e paganonan den karni, kendenan ta wòrdu
yamá "Insirkumsishon" dor di esnan yamá "Sirkumsishon", lokual ta wòrdu hasi den karn i dor di man di hende-
12 kòrda ku den e tempu ei boso tabata separá di Cristo, ekskluí for di e siudadania di Israel i stranhero pa ku e aliansanan di promesa, sin speransa i sin Dios den mundu.
5 . Kiko speransa ta bira pa e krstian?
Hebreonan 6: 19 E speransa aki nos tin komo un anker di e alma, un speransa sigur i firme, un ku ta drenta tras di e velo,
6 . Ken tin speransa denna morto? Di kon k no ta keda tristu di mas ora nan keríristian
Proverbio 14: 32 E malbado ta keda bentá abou den su maldat, ma e hustu tin un refugio na ora di su morto.
7 . Di kon kristiannan no ta bira demasiodo tristu ora nan kerí a muri?
1 Tesalonisensenan 4: 13 Ma nos no kier, rumannan, pa boso keda den ignoransia tokante di esnan ku a muri, pa boso no ta tristu manera e otronan ku no tin speransa.
8 . Ki nasementu nobo e resurekshon de Kristo a okashoná?
1 Pedro 1: 3 Bendishoná sea e Dios i Tata di nos Señor Jesu-Cristo, Kende, segun Su gran miserikòrdia, a hasi nos nase di nobo den un speransa bibu pa medio di e resurekshon di Jesu Cristo for di e mortonan,
9 . Kon e speransa di e kristian ta wórdu jamá?
Tito 2: 13 wardando riba e speransa bendishoná I e aparishon di e gloria di nos gran Dios i Salbador, Cristo Jesus,
10. Ki dia Pablo ta spera e realisashon di su speransa?
2 Timoteo 4: 8 den futuro ta wardá pa mi e korona di hustisia, kual Señor, e Hues hustu, lo dunami riba e dia ei; i no ami so, ma tambe na tur esnan ku a stima Su binida.
11. Na unda un speransa asina tin ku guia nos?
1 Juan 3: 3 I kada un ku tin e speransa aki den djE ta purifiká su mes, meskos ku E ta puru.
12. Kiko e profeta Jeremias ta bisa ku ta bon pa un hende hasi?
Lamentashonnan 3: 26 Ta bon pa warda den silensio riba e salbashon di Señor.
13. Kiko ta wórdu bisá di e speransa di un malbadonan?
Job 8; 13, 14
13 Asina e berehanan di tur esnan ku ta lubidá Dios ta, i e speransa di e hende sin Dios lo peresé,
14 kende su speransa ta frágil, i kende su konfiansa ta kas di araña,
14. Kiko ta e kondishon di esnan ku tin nan speransa den Dios?
Salmo 146: 5 Bendishoná ta esun, kende su yudansa ta e Dios di Jakob, kende su speransa ta den SEÑOR su Dios,
Jeremias 17: 7 "Bendishoná ta e hende ku ta konfia den SEÑOR, i kende su konfiansa ta den SEÑOR.
15. Den kiko e yiu di Dios por ta abundá?
Romanonan 15: 13 Awor, ku e Dios di speransa yena boso ku tur goso i pas den kerementu, pa boso por abundá den speransa pa medio di e poder di Spiritu Santu.
16. Den kiko e kristian ta regosihá?
Romanonan 5: 2 dor di Kende tambe nos a haña entrada pa medio di fe den e grasia aki, den kual nos ta para; i nos ta regosihá den speransa di e gloria di Dios.
17. Kiko lo warda nos for di desapuntamentu?
Romanonan 5: 5 i speransa no ta desapuntá, pasobra e amor di Dios a wòrdu dramá den nos kurason dor di Spiritu Santu, Kende a wòrdu duná na nos.
18. Kiko lo ta e speransa di e pueblo di Dios de tempu di angustia?
Joel 3: 16 I Señor ta broma for di Sion i ta lanta Su bos for di Jerusalèm, i e shelunan I e tera ta tembla. Ma Señor ta un refugio pa Su pueblo i un fortalesa pa e yunan di Israel.
19. Ki palabranan fortifiká ta wórdu dirigí na esnan ku a buta nan konfiansa den Dios?
Salmo 31: 24 Sea fuerte i fortalesé boso kurason, boso tur ku ta spera den Señor.
20. Pa kuantu tempu nos speransa tin ku dura?
Hebreonan 6: 11 I nos ta deseá ku kada un di boso lo mustra e mesun diligensia pa asina realisá e siguransa kompleto di speransa te na fin,