3. Kaminda na Kristo

3.4 Konfeshon i Pordon

 

1 . Ki preskription Beibel ta duna tokante pordon?  

Numbernan 5: 6, 7

6  "Papia ku e yunan di Israel: 'Ora ku un hòmber öf muhé kometé kualke di e pikánan di humanidat, ak­tuando infielmente kontra Señor, i e persona ei ta kulpabel,

7   e ora ei e mester konfesá su pikánan ku el a kometé, i e mester hasi restitushon kompleto pa su maldat, i añadi na djé un di sinku paarti, i duna esaki na esun ku el a hasi malu.

 

 2 . Kon bobo e ta pa skonde bo kulpabilidat pa Dios? 

Numbernan 32: 23  Ma si boso no hasi asina, mira, boso a peka kontra Señor, i sea sigur ku boso piká lo alkansá boso.

Salmo 90: 8 Bo a pone nos inikidatnan Bo dilanti, nos pikánan sekreto den e lus di Bo presensia.

Hebreonan 4: 13  I no tin ningun kriatura skondí pa Su bista, ma tur kos ta habri i bisto dilanti di wowo di Esun ku nos tin di aber kunE.

 

 3 . Kua promesa ta wòrdu duná na esnan ku ta konfesá nan pikánan? 

1 Juan 1: 9  9  Si nos konfesá nos pikánan, E ta fiel i hustu pa pordoná nos nos pikánan i pa limpia nos di tur inhustisia.

 

 4 . Kiko ta e konsekuensia ora nos skonde nos pikánan i no konfesá nan? 

Proberbionan 28: 13  Esun ku skonde su pikánan lo no prosperá, ma esun ku konfesá i laga nan lo haña miserikòrdia.

 

 5 . Kon eksakto nos mester ta den konfeshon di nos pikánan?  

Levitiko 5: 5  I lo t'asina ku ora e bira kuIpabel den un di e kosnan aki, e mester konfesá ku den esei el a peka.

 

 6 . Kon kompleto i eksakto Israel un biaha a konfesá nan  pikánan? 

1 Samuel 12: 19  E ora ei henter e pueblo a bisa Samuel: "Pidi Señor bo Dios pa bo sirbidónan, pa nos no muri, pasobra na tur nos pikánan nos a añadií e maldat aki di pidi un rei pa nos mes.

 

 7 . Kiko David di, ku Dios a hasi, ora ela konfesá su piká? 

Salmo 32: 5 Den Bo man mi ta enkomendá mi spiritu; Bo a redimí mi, O Señor, Dios di fieldat.

 

8 . Riba kiko ela buta su konfiansa pa pordon?  

Salmo 51: 1, 2

1 . Tene misenkòrdia di mi, O Dios, segun Bo miserikòrdia; segun e grandes a di Bo kompashon, kita mi transgreshonnan.

2  Labami kita tur mi inikidat, i purifikámi di mi piká.

 

9 . Kiko Dios ta despuesto pa hasi pa esnan ku ta pidi pordon?  

Salmo  86: 5  Pasobra Abo, Señor, ta bon, i kla pa pordoná, i abundante den miserikòrdia pa tur esnan ku ta sklama na Bo.

 

 10. Kiko ta midí di e grandesa di Dios Su kompashon?

Salmo 103: 11  Pasobra mes haltu ku e shelunan ta for di tera, mes grandi Su miserikòrdia ta pa esnan ku ta tem'E,

 

11. Kon kompleto Dios ta pordoná, ora un hende a kòmbertí?

Isaias  55: 7  Laga e malbado bandoná su kaminda, i e hende inhustu su pensamentunan; i lagu'é bolbe serka Señor, i E lo tin kompashon kuné; i serka nos Dios, pasobra E lo pordoná abundantemente.

 

12. Ki rason ta wòrdu duná pa dios Su boluntat pa pordoná piká?

Mikeas 7: 18  18  Ken ta un Dios manera Bo, Kende ta pordoná inikidat i ta pasa e akto di rebeldia di erestante di Su erensia forbei? E no ta keda rabiá pa semper, pasobra E tin delisia den miserikòrdia ku no ta kambia.

Salmo 78: 38  Ma E, siendo miserikòrdioso, a pordoná nan inikidat, i no a destruí nan; hopi biaha El a kita Su rabia for di riba nan, i no a lanta tur-tur Su furia.

 

13. Di kon Dios ta demonstrá tantu kompashon i grasia na hende?

 2 Pedro 3: 9  Señor no ta tarda ku Su promesa mane­ra algun tin esaki pa tardansa, ma E tin pasenshi pa ku boso, i no kier pa ningun hende bai pèrdi, ma pa tur bin na repen­timentu.

 

14. Ki orashon Moses a hasi pa bienestar di Israel?

Numbernan 14: 19  Mi ta pidiBo, pordoná e inikidat di e pueblo aki konforme e gran­desa di Bo miserikòrdia, meskos ku Bo a pordoná e pueblo aki for di Egipto te awor.

 

15. Ki kontesta Dios a duna al instante?

Numbernan 14: 20  I Señor a bisa: "Mi a pordoná nan konforme bo palabra;

 

16. Ora e yu prodigo a sinti duele i a bolbe kas, kiko e tata a hasi?

 Lukas 15: 20  I el a lanta i a bai serka su tata. "Ma ora ku e tabata hopi leu ainda, su tata a mir'é i a sinti kompashon p'é, i a kore bai bras'é, i a sunch'é.

 

17. Kon e tata a demonstrá su goso tokante e regreso di su yu?

Lukas 15: 22 – 24 

22  "Ma e tata a bisa su esklabunan: 'Pura trese e paña di mas mihó i pon'é na su kurpa, i pone un renchi na su man i sandalia na su pia;

23  i trese e bishé gòrdá, mat'é, i laga nos kome i fiesta;

24  pasobra e yu di mi aki tabata morto i a bolbe biba; e tabata pèrdi, i a wòrdu hañá.' I nan a kuminsá fiesta.

 

 18. Kiko Hiskia a bisa ku Dios a hasi ku su piká?

Isaias 38: 17 

17  Zie, mijn bittere beproeving werd tot heil. Gij toch zijt het, die mijn leven gered hebt van de groeve der vernietiging, want Gij hebt al mijn zonden achter uw rug geworpen.

 

19. Kon kompleto Dios ke alehá nos transgreshonnan?

Mikeas 7: 19  E lo tene kompashon ku nos atrobe; E lo trapa nos inikidatnan.

Si, Abo lo tira tur nan pikánan den e profundidatnan di laman.

Salmo 103: 12

12  Mes leu ku pariba ta for di pabou, mes leu EI a alehá nos transgreshonnan for di nos.

 

 20. Kon e pueblo a reakshoná riba predikashi di Juan?

Mateo 3: 5, 6 

5  Anto Jerusalèm i henter Judea, i henter e distrikto rònt di Jordan, tabata sali bai serka djé;

6  i nan tabata wòrdu batisá dor di djé den Riu Jordan, mien­tras ku nan tabata konfesá nan pikánan.

 

21. Riba kual manera algun kreyente di Efesio a mustra sinseridat  pa ku nan konfeshon? 

Echonan 19: 18, 19

18  Tam­be hop i di esnan ku a kere a sigui bin, i tabata konfesá i revelá nan práktikanan.

19  I hopi di esnan ku tabata praktiká magia a trese nan bukinan huntu i a kima nan dilanti di tur; i nan a kalkulá nan balor iesaki tabata sinkuenta mil pida plata.

 

22. Ken ta duna ripentimentu i pordon?

Echonan 5: 30, 31

30  E Dios di nos tatanan a lanta Jesus, Kende boso a laga mata dor di kologu'E na krus.

31  E ta Esun ku Dios a halsa na Su man drechi komo un Prens i un Salbador, pa duna Israel repentimen­tu i pordon di piká.

 

23. Kiko ta e uniko piká inpordonabel?

Mateo 12: 31, 32 

31  Pesei Mi ta bisa boso, tur piká i blasfemia lo wòrdu pordoná na hende, ma blasfemia kontra e Spiritu lo no wòrdu pordoná.

32  I ken ku papia un palabra kontra e Yu di Rende, esei lo wòrdu pordoná na djé; ma ken ku papia kontra Spiritu Santu, esei lo no wòrdu pordoná na djé, ni den e siglo aki, ni den e siglo ku ta bin.

 

24. A base di kiko Cristo a siña nos pa pidi pordon?

Mateo  6: 12  I pordoná nos nos debenan, meskos ku nos tambe ta pordoná nos debedónan.

 

 25. Kua spiritu mester reina den esunnan ku Dios a pordoná?

Mateo 6: 14, 15 

14  Pasobra si boso pordoná hende nan transgreshonnan, boso Tata selestial tambe  pordoná boso.

15  Ma si boso no pordoná hende, boso Tata tampoko lo no pordoná boso transgreshonnan.

 

 26. Ki atmonestashon ta basá riba e echo ku Dios a pordoná nos?

Efesio 4: 32  I sea kariñoso ku otro, miserikòrdioso, pordonando otro, meskos ku Dios den Cristo tambe a pordoná boso.

 

27. Den ki estado un hende ta, ora su pikána a wòrdu pordoná?

Salmo  32: 1, 2

1  Bendishoná ta esun, kende su transgreshon ta pordoná, kende su piká ta tapá!

2  Bendishoná ta e hende, kende su inikidat Señor no ta tuma na kuenta,

i den kende su spiritu no tin engaño!