3. Kaminda na Kristo

3.5 Kombershon i nansementu di nobo 

 

1 . Ku ki palabranan Hesus a mustra ku énfasis e nesesidat di nansementu di nobo?

Mateo 18: 3  i a bisa: "Di bèrdat Mi ta bisa boso, si boso no kombèrti i bira manera mucha, boso lo no drenta e reino di shelu.

 

2 . Ku kua otro palabranan  e tabata siña e mesun berdat?  

Juan 3: 3 Jesus a kontestá i a bis'é: "Di bèrdat, di bèrdat, Mi ta bisabo, si un hende no nase di nobo, e no por mira e reino di Dios."

 

3 . Kon el a sigui splika e nansementu di nobo? 

Juan 3: 5  Jesus a kontestá: "Di bèrdat, di bèr­dat, Mi ta bisabo, si un hende no nase di awa i di e Spiritu, e no por drenta e reino di Dios.

 

4 . Ku kua otro komparashon El a aklará e punto aki?

Juan 3: 8  Bientu ta supla unda ku e kier i bo ta tende su zonidu, ma bo no sa di unda e ta bin ni na unda e ta bai; asina ta tur esnan ku nase di e Spiritu."

 

5 . Ki kambio ta tuma luga despues di kombertimentu òf nansementu di nobo? 

Efesio 2: 5  asta tempu ku nos tabata morto den nos transgreshen­nan, a hasi nos bibu huntu ku Cristo (pa medio di grasia boso a wòrdu salbá),

 

6 . Kiko ta sirbi komo testimonio di e kambio di bida aki? 

1 Juan 3: 14  Nos sa ku nos a pasa di morto pa bida, pasobra nos ta stima e rumannan. Esun ku no ta stima ta permanesé den morto

 

7 . For di kiko e pekador kombertí ta wòrdu salbá?

Santiago 5: 20  Iagu'é sa ku esun ku hasi un pekadó bolbe di e eror di su kaminda lo salba su alma for di morto, i lo kubri un multitut di piká.

Lesa Echonan  26: 14 – 18

18  pa habri nan wowo pa nan bira for di skuridat na lus i for di e dominio di Satanás na Dios, pa nan risibi pordon di piká i un erensia entre esnan ku a wòrdu santifiká pa medio di fe den Mi.'

 

 8 . Na serka ken pekadornan ta kombèrtí?

Salmo  51: 10 – 13

10  Krea den mi un kurason limpi, O Dios, i renobá un spiritu rekto den mi.

11  No tirami for di Bo presensia, i no kita Bo Spiritu Santu for di mi.

12  Dunami atrobe e goso di Bo salbashon, i sostenémi ku un spiritu boluntario.

13  E ora ei lo mi siña transgresornan Bo kamindanan, i pekadónan lo kombèrtí na Bo.

 

9 . Ku kua palabranan dirigí na Pedro, Hesus  a indiká e tipo di servicio e hende komberti tin ku ofresé na su rumannan?

 Lukas 22: 31, 32

31  "Simon, Simon, mira, Satanás a pidi pèrmit pa sefta boso maner a trigo,

32  ma Ami a hasi orashon pa bo, pa bo fe no faya; i abo, unabes ku bo a kombèrti, fortalesé bo rumannan."

 

10. Kua otro experensia ta bai huntu ku kombértimentu?

Mateo 13: 15  pasobra kurason di e pueblo aki a bira insensitivo, i ku nan orea apenas nan ta tende, i nan a sera nan wowo, pa nan no mira ku nan wowo, i tende ku nan orea, i komprendé ku nan kurason i kombèrtí, i Ami kura nan.

 

 11. Kua promesa dushi Dios ta ofrese su pueblo?

Oseas 14: 4 "Lo Mi kura nan apostasia, lo Mi stima nan abundantemente, pasobra Mi rabia a kita for di riba nan.

 

12. Dor di kua medio nos ta wòrdu kurá?

Isaias 53: 5  Ma EI a wòrdu traspasá pa nos transgreshonnan, El a wòrdu gòlpiá pa nos inikidatnan; e kastigu ku a trese pas pa nos tabata riba djE, i pa medio di Su heridanan nos ta kurá.

 

13. Kiko kambio ta tuma luga ora un hende kombértí na Cristo?

2 Korinthe 5: 17  Pe­sei, si un hende ta den Cristo, ta un kriatura nobo e ta; e kosnan bieu a pasa kaba; ata, tur kos a bira nobo.

Lesa Echonan 9: 1– 22 i Echonan 22: 1-21 i echonan 26: 1- 23 

 

14. Ki balor ti den formashon externo i bashi?

Galationan 6: 15  Pasobra ni sirkumsi­shon no ta nada, ni insirkumsishon, ma un kreashon nobo.

 

15. Dor di kiko e kreashon original a bin den existensia?

Psalm 33: 6  Dor di e palabra di SEÑOR e shelunan a wòrdu trahá, i dor di e rosea di Su boka, henter nan ehérsito.

 

16. Pa medio di kiko kombértimentu ta wòrdu realisá?

1 Pedo 1: 23  pasobra boso a nase di nobo, no di simia ku ta koruptibel sino inkoruptibel, esta, pa medio di e palabra di Dios ku ta biba i ta permanesé pa semper.

 

17. Ki kambio ta tuma luga ora nos figa nos wowo riba Hesus?

2 Korintionan 3: 18  Ma nos tur, ku kara sin velo, mirando manera den un spil e gloria di Señor, ta wòrdu transformá den e mesun imagen di gloria pa gloria, manera dor di e Spiritu di Señor.

 

 18. Kiko ta e prueba eksterior ku un hende a nanse di Dios?

1 Juan 2: 29  Si boso sa ku E ta hustu, boso sa tambe ku ken ku ta praktiká hustisia a nase for di djE.

 1 Juan 4: 7  Stimánan, laga nos stima otro, paso­bra amor ta bin di Dios; i tur ku ta stima ta nasi di Dios I konosé Dios.

 

19. Kiko ta berdat tokante tur hende ku ta kere den Hesus?

1 Juan 5: 1 Ken ku ta kere ku Jesus ta e Cristo ta nasi di Dios; i ken ku ta stima e Tata ta stima e Yu nasí di djE.

 

 20. Kiko esnan, ku a nasi di Dios no ta hasi?

1 Juan 5: 18  Nos sa ku ni un hende ku ta nasi" di Dios no ta hasi piká; ma Esun ku a nase di Dios ta ward'é, i e malbado no ta mishi kuné.  

 

21. Kua poder ta strobe, esnan ku a nase di Dios, pa peka?

1 Juan 3: 9  Ni un hende ku a nase di Dios no ta praktiká piká, pasobra Su simia ta permanesé den djé; i e no por hasi piká, pasobra el a nase di Dios.

 1 Juan 5: 4  Pasobra tur loke ta nasi di Dios ta vense mundu; I esaki ta e viktoria ku a vense mundu nos fe.

 Genesis 39: 9  No tin ningun hende mas haltu den e kas aki ku ami, i e no a nengami nada sino abo so, pasobra abo ta su esposa. Kon anto mi por hasi e maldat grandi aki i peka kontra Dios?"

 

 22. Ki konklushon tin pa esnan ku a nase di Dios?

Welke bevinding hebben zij, die uit God geboren zijn?

Romanonan 8: 1  Pesei awor no tin kondenashon pa esnan ku ta den Cristo Jesus.