3. E Kaminda na Kristo

3.8 Aseptashon di Dios

 

1 .  Den ken Dios a akseptá nos? 

Efesio 1: 3-6  

3  Bendishoná sea e Dios i Tata di nos Señor Jesu-Cristo, Kende a bendishoná nos ku tur bendishon spiritual den e lugánan selestial den Cristo,

4  meskos ku El a skohe nos den djE promé ku funda­shon di mundu, pa nos por ta santu i sin kulpa dilanti di djE.

5  Den amor El a predestiná nos pa wòrdu adoptá komo Su yunan pa medio di Jesu-Cristo, segun e bon intenshon di Su boluntat,

6  pa e ala­bansa di e gloria di Su grasia, ku El a duna nos na abundansia den Esun stimá.

 

 2  .Kua don grandi ta bira nos parti ku akseptashon dor di Cristo? 

Juan 6: 40  Pasobra esaki ta e boluntat di Mi Tata, ku tur ku mira e Yu, i a kere den djE, tin bida etèrno; i Ami mes lo lant'é den e ultimo dia."

Juan 17: 2   mes­kos ku Bo a dun'E outoridat riba tur karni, pa E duna bida etèrno na tur esnan ku Bo a dun'E.

 

3  .Kiko ta e prome siñal kla ku nos a wòrdu akseptá dor di Dios?  

1 Juan 5: 9-11

9  Si nos risibi e testimonio di hende, e testi­monio di Dios ta mas grandi; pasobra e testimonio di Dios ta esaki, ku El a duna testimonio tokante di Su Yu.

10  Esun ku kere den e Yu di Dios tin e testimonio den su mes; esun ku no ta kere Dios a hasiE un gañadó, pasobra e no a kere den e testi­monio ku Dios a duna tokante di Su Yu.

11  I e testimonio ta esaki, ku Dios a duna nos bida etèrno, i e bida aki ta den Su Yu.

 

4  .Di kon Juan a skirbi su testimonio tokante e amor i proposito di Dios manifestá den e don di Cristo?  

1 Juan 5: 13  E kosnan aki mi a skirbi boso ku ta kere den e nòmber di e Yu di Dios, pa boso por sa ku boso tin bida etèrno.

Juan 20: 31  ma esakinan a wòrdu skirbi pa boso kere ku Jesus ta e Cristo, e Yu di Dios; i pa, keriendo, boso por tin bida den Su nòm­ber.

 

 5  .Ki testimonio e berdadero keriente tin den Cristo, ku el a wòrdu akseptá dor di Dios?

1 Juan 5: 10  Esun ku kere den e Yu di Dios tin e testimonio den su mes; esun ku no ta kere Dios a hasiE un gañadó, pasobra e no a kere den e testi­monio ku Dios a duna tokante di Su Yu.

 

 6  .Kon solamente nos por bira yu di Dios?

Galationan 3: 26  Pasobra boso tur ta yunan di Dios dor di fe den Cristo Jesus.

 

7  .Kiko ta e base di fe?

Romanonan 10: 17  Asina ta ku fe ta bin for di tendemen­tu, i tendementu pa medio di e palabra di Cristo.

 

8  .Ki siguridat e keriente tin di su akseptashon di Dios?   

1 Juan 4: 13  Pa medio di esaki nos sa ku nos ta permanesé den djE i E den nos, pasobra El a duna nos di Su Spiritu.

 

9 .Kua tres testigunan Juan ta yama ku ta duna siguridat di akseptashon di Dios?

1 Juan 5: 8  Pasobra tin tres ku ta duna testimonio, e Spiritu i e awa i e sanger; i e tresnan ta di tin akuèrdo.

 

 10. Kon e Spiritu ta duna testimonio tokante akseptashon di Dios?

Galationan 4: 6 I pasobra boso ta yu, Dios amanda e Spiritu di Su Yu den nos kurason, sklamando: "Abba! Tata!"

Romanonan 8: 16  E Spiritu mes ta duna testimo­nio huntu ku nos spiritu ku nos ta yu di Dios,

 

 11. Di kiko bautismo ta testigua?

Galationan 3: 27  Pasobra boso tur, ku a wòrdu batisá den Cristo, a bisti boso mes ku Cristo.

 

12. Di kiko e sanger di Cristo ta testigua?

1 Juan 1: 4-7

4  I e kosnan aki nos ta skirbi, pa nos alegria wòrdu hasi kompleto.

Kanando den lus

5  I esaki ta e mensahe ku nos a tende di djE i ta anunsiá na boso, ku Dios ta lus i den djE no tin nada-nada di skuri­dat. '

6  Si nos bisa ku nos tin komunion kunE i sinembargo nos ta kan a den sku­ridat, nos ta gaña i no ta praktiká e bèrdat;

7  ma si nos ta kana den lus mes­kos ku E mes ta den lus, nos tin komu­nion ku otro, i e sanger di Jesus, Su Yu, ta limpia nos di tur piká.

Efesionan 1: 7  Den djE nos tin redenshon pa medio di Su sanger, e pordon di nos pikánan, segun e rikesa di Su grasia,

 

13. Ki ora nos por risibí akseptashon di Dios dor di Cristo?

2 Korintionan 6: 2  pasobra E ta bisa: "Den e tempu aseptabel Mi a skuchabo, i riba e dia di salbashon Mi a yudabo"mira, awor ta "e tempu aseptabel," mira, awor ta "e dia di salbashon."

 

 14. Ken anto nos mester duna gloria i honor?

Revelashon 1: 5, 6

5  i di Jesu-Cristo, e testigu fiel, e primogénito di e mortonan i e gobernante di e reinan di tera. Na Esun ku ta stima nos, i ku a libra nos di nos pikánan pa medio di Su san­ger-

6  i El a hasi nos bira un reino, saserdotenan pa Su Dios i Tata na djE sea e gloria i e dominio pa semper i semper. Amèn.

 

 15. Kiko mas ta duna testimonio di nos akseptashon di Dios?

1 Juan 3: 14  Nos sa ku nos a pasa di morto pa bida, pasobra nos ta stima e rumannan. Esun ku no ta stima ta permanesé den morto.

 

16. Ki siguransa maravioso ta wòrdu duna na tur kerientenan den Cristo?

Filipensenan 4: 7  I e pas di Dios, ku ta surpasá tur komprendementu, lo warda boso kurason i boso mente den Cristo Jesus.