4. Bida,komparashonnan i milagernan di Hesus

4.10 Cristo Nos Ayudo i Amigoe

 

1 . Kiko Cristo a habri pa e kas di David? 

Zakarias 13: 1  Den e dia ei un fuente lo wòrdu habri pa e kas di David i pa e habitantenan di Jerusalèm, pa piká i pa impuresa.

 

2 . Ken a karga nos pikánan  i semper ta na nos yudansa? 

Isaias 63: 1  Ken esaki ta ku ta bin for di Edàm, for di Bosra, ku bisti kórá, Esun aki ku ta mahestuoso den Su bistí, ku ta marcha den e grandesa di Su fortalesa?

"Ta Ami ku ta papia den hustisia, ku ta poderoso pa salba.

 

 3 . Ku ki proposit Cristo a bin den e mundu aki?

Lukas 19: 10  Lo Pasobra e Yu di Hende a bin pa buska i salba loke tabata pèrdí.

 

4 . Pa medio di kiko Cristo a bira un Salbador  kompletu i perfekto? 

Hebreonan 2: 10  Pasobra tabata kumbiní  Esun, pa Kende tur kos ta eksistí i pa medio di Kende tur kos ta eksistí, dor di trese hopi yu na gloria, pa perfekshoná e outor di nan salbashon pa medio di sufrimentu­nan.

 

5 . Pa medio di esaki, kiko Cristo ta kapas pa hasi? 

Hebreonan 2: 18  Pasobra komo ku E mes a wòrdu tentá den loke EI a sufri, E por bin na yudansa di esnan ku ta wòrdu tentá.

 

6 . Kon kompleto e ta nos Salbador? 

Hebreonan 7: 25  Pesei tambe E por salba pa semper esnan ku ta hala serka Dios pa medio di djE, komo ku semper E ta biba pa inter­sedé pa nan.

 

7 . Di kiko e por warda nos? 

Judas 24-25

24  Awor na Esun ku ta poderoso pa warda boso di trompeká, i pa hasi boso para sin kulpa den e presensia di Su gloria ku gran alegria,

25  na e úniko Dios nos Salbador, pa medio di Jesu-Cristo nos Señor, sea gloria, mahestat, dominio i outoridat, promé ku tur tempu i awor i pa semper. Amèn.

 

 8 . Kon e ta yama esnan ku a aksept’E? 

Juan 15: 15  Mi no ta yama boso esklabu mas, pasobra e esklabu no sa kiko su shon ta hasi; ma Mi a yama boso amigu, pasobra tur kos ku Mi a tende di Mi Tata, Mi a partisipá na boso.

 

9 . Kua typo di amigu E ta? 

Proverbionan 18: 24  Un hende ku tin hopi amigu por yega na ruina, ma tin un amigu ku ta mas pegá ku un ruman.

 

10. Na kiko bo ta rekonosé un berdadero amigu?

Proverbionan 17: 17  Un amigu ta stima tur ora bai, i un ruman ta nasí pa tempu di atversidat.