4. Bida, komparashonnan i milagernan di Hesus
4.5 Milagernan di Cristo
1 . Ki testimoño e saserdotenan i Fariseonan a duna tokante e trabao do Cristo?
Juan 11: 47 Pesei, e saserdotenan prinsipal i e fariseonan a konvoká un konsilio, i tabata bisa: "Kiko nos ta hasi? Pasobra e hòmber aki ta hasi hopi milager.
2 . Pa ki motibu Pedro a bisa riba dia di pentekost, ku a bin na kla ku Cristo tabata un hòmber aprobá di Dios?
Echonan 2: 22 Hòmbernan di Israel, skucha e palabranan aki: Jesus di Nazarèt, un Hòmber aprobá pa Dios boso dilanti ku milagernan, maraviyanan i señalnan ku Dios a hasi pa medio di djE meimei di boso, manera boso mes sa,
3 . Pa medio di kiko , Cristo a bisa, ku e ta saka demoñonan?
Mateo 12: 28 Ma si Ami ta saka demoño pa medio di e Spiritu di Dios, anto e reino di Dios a yega serka boso.
4 . Riba ki base Nikodemo a basa su fe , ku Cristo tabata un maestro mandá di Dios?
Juan 3:2 e hòmber aki a bin serka Jesus den anochi i a bis'E: "Rabi, nos sa ku Bo a bin di Dios komo un maestro, pasobra ni un hende no por hasi e milagernan aki ku Abo ta hasi si Dios no ta kuné."
5 . Despues ku El a kura un hòmber siegu pa medio di kiko e Fariseonan a purba pa proba ku Cristo no di Dios.
Juan 9: 16 Pesei algun di e fariseonan tabata bisa: "E Hòmber aki no ta di Dios, pasobra E no ta warda Sabat." Ma otronan tabata bisa: "Kon un hende, ku ta un pekadó, por hasi milagernan asina?" I tabatin divishon entre nan.
6 . Kua pregunta otro hende hasi kontradiktoria na esun di Fariseonan?
Juan 9: 16 Pesei algun di e fariseonan tabata bisa: "E Hòmber aki no ta di Dios, pasobra E no ta warda Sabat." Ma otronan tabata bisa: "Kon un hende, ku ta un pekadó, por hasi milagernan asina?" I tabatin divishon entre nan.
7 . Kiko tabata e rusultado di obranan maravioso ku Cristo a hasi riba su prome fiesta di pasku?
Juan 2: 23 Awor ora ku E tabata na Jerusalèm durante di e Fiesta di Pasku, hopi hende a kere den Su nòmber ora nan a mira Su milagernan ku E tabata hasi.
8 . Ki pregunta hopi hende a hasi ku a mira e obranan maravioso?
Juan 7: 31 Ma hopi di e multitut a kere den djE; i nan tabata bisa: "Ora ku e Cristo bin, lo E hasi mas milager ku esnan ku e Hòmber aki ta hasi?"
9 . Pa ki motibu hopi hende tabata sigui Cristo?
Juan 6: 2 I un multitut grandi tabata siguiE, pasobra nan tabata mira e milagernan ku E tabata hasi na esnan ku tabata malu.
10. Kiko e hendenan tabata bisa, ora nan a mira tur e kosnan aki?
Marko 7: 37 I nan a keda masha asombrá mes, bisando: "El a hasi tur kos asina bon; E ta hasi sordo tende i mudo papia
11. Ki sortu di malesanan Hesu a kura?
Mateo 4: 23 I Jesus tabata pasa den henter Galilea, i tabata siña den nan snoanan, i proklamá e evangelio di reino i kura tur sorto di en fermedat i tur sorto di malesa den e pueblo.
Mateo 12: 15 Ma Jesus, sabiendo esaki, a retirá for di einan. I hop i hende tabata siguiE, i El a kura nan tur,
12. Ken nan tabata trese serka dj’E pa wòrdu kurá?
Mateo 4: 24 I Su fama a piama den henter Siria; i nan tabata trese serka djE tur hende ku tabata afligf ku tur sorto di malesa i doló, hende posei pa demoño, epiléptikonan i paralitikonan; i E tabata kura nan.
13. Kiko Hesus a bisa e muhe, ku a mishi kun’E i wòrdu kurá?
Mateo 9: 22 Ma Jesus a drai wak, i mirando é, El a bisa: "Mi yu, tene kurashi; bo fe a salbabo." I mesora e muhé a bira bon.
14. Kiko El a bisa e dos siegunan, ora El’a kura nan ?
Mateo 9: 29 E ora ei El a mishi ku nan wowo, bisando: "Ku sosodé ku boso segun boso fe.
15. Kiko Cristo a bisa na un otro ku El a duna su bista?
Lukas 18: 42 I Jesus a bis'é: "Risibi bo bista; bo fe a salbabo.
16. Ki les Cristo ke pa wòrdu siñá di e kuramentu di esnan afligí?
Lukas 5: 24 Ma pa boso sa ku e Yu di Hende tin outoridat riba tera pa pordoná pikánan," El a bisa e paralitiko: "Mi ta bisabo, lanta, kohe bo kama i bai kas."
17. Ki efekto e milagernan di Cristo tabatin riba esnan ku a wòrdu kurá i e mulititut ku tabata testigu?
Lukas 18: 43 I mes ora el a rekobrá su bista i a siguiE, glorifikando Dios. I ora tur e hendenan a mira esaki, nan a duna alabansa na Dios.
Lukas 13: 17 I ora ku El a bisa esaki, tur Su kontrapartidanan a keda na bèrguensa; i henter e multitut tabata regosihá pa tur e kosnan glorioso ku E tabata hasi.
18. Ki mensahe Cristo a manda pa Juan Bautista pa fortalesá su fe, mientras e ta tabata sinta den prison?
Mateo 11: 4-6
4 I Jesus a kontestá i a bisa nan: "Bai konta Juan loke boso ta tende i mira:
5 e siegunan ta mira, e lamnan ta kana, e leprosonan ta wòrdu hasi limpi, i e sordonan ta tende, e mortonan ta wòrdu lantá i na e pobernan e evangelio ta wòrdu prediká.
6 I bendishoná ta esun ku no ta sinti su mes ofendi pa Mi motibu."
19. Ku kua obra milagroso Cristo a oumentá su trabao na un punto kulminante?
Juan 11: 43, 44
43 I despues ku El a bisa e kosnan aki, El a yama na bos haltu: "Lázaro, bin pafó!.
44 I esun ku a muri a bin pafó, ku su mannan i pianan lorá den paña di graf, i tabatin un lensu lorá rònt di su kara. Jesus a bis a nan: "Los é i lagu'é bai.
20. Ki konsekuensia e milager grandi aki tabatatin?
Juan 11: 45 Pesei hopi di e hudiunan, ku a bin serka Maria i ku a mira loke El a hasi, a kere den djE.
21. Kiko e Fariseonan a bisa , ora nan mira e interes ku e milager aki a kousa?
Juan 12: 19 E fariseonan anto tabata bisa otro: "Boso ta mira ku boso no ta logra nada. Mira, henter mundu ta bai Su tras.
22. Kiko Hesus a trese dilanti pa e hendenan komo e fundeshi di nan konfiansa den dj’E?
Juan 10: 37-38
37 Si Mi no ta hasi e obranan di Mi Tata, no kereMi;
38 ma si Mi ta hasi nan, maske boso no ta kereMi, kere e obranan, pa boso por sa i komprendé ku e Tata ta den Mi i Ami den eTata."
Juan 14: 11 KereMi ku Mi ta den e Tata, i e Tata den Mi; sino, kere pa motibu di e obranan mes.
23. Hesus a hasi uso di medionan diario ora e tabata hasi milagernan?
Juan 9: 6-7
6 0ra ku El a kaba di bis a esaki, El a skupi abou i a traha lodo ku e skupi, i a hunta e lodo na su wowonan,
7 i a bis'é: "Bai, laba bo mes den e tanki di Siloam" (ku tradusi ta nifiká: Mandá). I asina el a bai i a laba su mes, i a bin ta mira.
Marko 7: 33-35
33 I El a hal'é un banda, apartá for di e multitut, i a hinka Su dede den su orea, i El a skupi i a mishi ku su lenga,
34 i El a hisa Su kara wak na shelu, a hala un rosea profundo i a bis'é: "Efata!" esta: "Sea habrí!
35 I su oreanan a habri mesora, i e kuèrdè di su lenga a los, i el a kuminsá papia klakla.
Marko 8: 23-25
23 I El a kohe e siegu na su man i a hib'é pafó di e pueblito; i despues di a skupi riba su wowonan i di a pone Su mannan riba djé, El a puntr'é: "Bo ta mira aigu?
24 I e hòmber a hisa kara wak i a bisa: "Mi ta mira hende, pasobra mi ta mira nan manera palu ta kana rònt."
25 Djei El a bolbe pone Su mannan riba wowo di e hòmber; i el a mira bon i a keda restorá, i tabata mi ra tur kos kla-kla,
Lesa 2 Reinan 5: 1-14
24. Dikon e obranan milagroso di Cristo a wòrdu poné den Beibel dor di e Skritornan di Beibel?
Juan 20: 30-31
30 Tambe Jesus a hasi hopi otro señal den presensia di Su disipelnan, kualnan no ta pará skirbí den e buki aki;
31 ma esakinan a wòrdu skirbi pa boso kere ku Jesus ta e Cristo, e Yu di Dios; i pa, keriendo, boso por tin bida den Su nòmber.