4. Bida, komparashonnan i milagernan di Hesus

4.6 E Sufrimentu di Cristo

 

1 . Ku ki proposito Cristo a bini na mundu?  

1 Timoteo 1: 15    Esaki ta un palabra fiel, ku ta me­resé pa wòrdu aseptá kompletamente, ku Cristo Jesus a bin na mundu pa salba pekadó, entre kendenan ami ta esun di promé.

 

2 . Kiko a move Dios pa dun Su uniko Yu pa muri pa humanidat?  

Juan 3: 16  Pasobra Dios a stima mundu asina tantu, ku El a duna Su Yu unigénito, pa ken ku kere den djE no bai pèrdí, ma tin bida etèrno.

1 Juan 4: 9-10

9  Pa medio di esaki e amor di Dios a wòrdu manifestá den nos, ku Dios a manda Su Yu unigénito den mun­du pa nos por a biba pa medio di djE.

10  Den esaki amor ta konsistí, no ku ta nos a stima Dios, ma ku ta El a stima nos i a manda Su Yu pa ta e propisiashon pa nos pikánan.

Romanonan 5: 8  Ma Dios ta demostrá Su mes amor pa ku nos den esaki, ku tempu nos tabata pekadó ainda, Cristo a muri  pa nos.

 

 3 . Kiko e profeta Isaias a bisa ku Cristo lo a soportá?  

Isaias 53: 7-8

7  E tabata oprimí i E tabata afligí, tòg E no a habri Su boka; manera un lamchi ku ta wòrdu hibá pa mata, i manera un karné ta ketu dilanti di su peladónan, asina E no a habri Su boka.

8  Pa medio di opreshon i huisio nan a bai kunE. I pa loke ta Su generashon: ta ken a konsiderá ku EI a wòrdu kòrta kitá for di e tera di e bibunan, pa e transgreshon di mi pueblo ku tabata meresé e gòlpi?

 

 4 . Cristo tabata sa kon E lo a wòrdu risibí?    

Lukas 18: 31-33

31 I El a hala e diesdosnan un banda i a bisa nan: "Mira, nos tabai Jerusalèm, i tur kos ku ta skirbí pa medio di e profetanan tokante di e Yu di Rende lo wòrdu kumpli.

32 Pasobra E lo wòrdu entregá na e paganonan, i lo wòrdu bo­foná i maltratá i skupí.

 33 I nan lo sut'E i mat'E. I riba e di tres dia E lo lanta for di morto.

33 en zij zullen Hem geselen en doden , en ten derden dage zal Hij opstaan . 

 

5 . Kon pisa tabata  e peso ku tabata prima riba djE e anochi ku El a wòrdu traishoná?   

Mateo 26: 37-38

37  I El a hiba Pedro i e dos yu hombeman di Zebedeo huntu kunE, i a kuminsá bira tristu i masha angustiá.

38  E ora ei El a bis a nan: "Mi alma ta masha tristu mes, te na morto; keda akinan i vigilá huntu kuMi.

 

 6 . Kua orashon di Cristo ta mustra  ku salbashon di un mundu perdí tabata den balansa durante e oranan teribel aki?  

Mateo 26: 39  I El a bai un poko mas leu for di nan i a tira Su kurpa abou ku Su kara te na suela, i a hasi orashon, bisando: "Mi Tata, si ta posibel, laga e kop a aki pasa bai for di Mi; sinembargo, no manera Ami kier, ma manera Abo kier."

 

 7 . Kon grandi tabata Su angustia?  

Lukas 22: 44  I siendo den ansha di morto E tabata hasi orashon masha ferviente. I Su sodó a bira manera gotanan di sanger ku tab a­ta kai abou na suela.

 

8 . Kiko a sosode despues ku El a hasi e orashon remarkabel aki tres biaha?  

Lukas 22: 47-48

47  Mientras ku E tabata papia ainda, ata, un multitut a bin, i esun ku yama Judas, un di e diesdosnan, tabata kana nan dilanti, i el a kana bin serka Jesus pa dun'E un sunchi.

48  I Jesus a bis'é: "Ju­das, bo ta traishoná e Yu di Rende ku un sunchi?

 

 9 . Na unda nan a hiba Hesus? 

Lukas 22: 54  I despues di a arest'E, nan a bai kunE i a hib'E na kas di e sumosaserdote; i Pedro tabata sigui na un distansia.

 

10. Kon Pedro a ninga Hesus den kas di e Suna Saserdote?

Lukas22: 59-61

59  I mas o menos un ora despues un otro hòmber a insistí, bisando: "Sigur­sigur e hòmber aki tambe tabata huntu kunE, pasobra e tambe ta un galileo."

60  Ma Pedro a bisa: "Hòmber, mi no sa di kiko bo ta papia. " I mesora, mien­tras ku e tabata papia ainda, un gai a kanta.

61  I Señor a drai wak Pedro. I Pedro a kòrda e palabra di Señor, kon El a bis'é: "Promé ku un gai kanta awe, lo bo nengaMi tres biaha."

62  I Pedro a bai pafó, i a yora amárgamente.

 

11. Kua insultonan Cristo sufri na kas di e Suma Saserdote?

Lukas 22: 63-64

63  I e hòmbeman ku tabata tene Jesus prezo tabata hasi bofon di djE i tabata sut'E,

64  i nan tabata tapa Su kara i tabata puntr'E, bisando: "Profetisá, ta ken t'esun ku a dal Bo?"

12. Unda na hiba Cristo despues?

Lukas 22: 66  I ora dia a habri, e ansianonan di e pueblo a reuni, tantu saserdote prinsipal komo eskriba, i nan a hib'E na nan sala di konsilio,

 

13. Kua rekonosémentu a wòrdu eksigui di djE, pa nan haña rason pa kondené?

 Lukas 22: 70-71

70  I nan tur a bisa: "Ta Abo ta e Yu di Dios anto?" I El a bisa nan: "Bosonan mes ta bisa kui, Ami ta.

71  I nan a bisa: "Ki testimonio mas nos mester? Pasobra nos mes a ten de esaki for di Su mes boka."

 

14. Kua sigiuente paso nan a tuma pa haña sosten di e outoridat legal pa nan plan ilegal?

Lukas 23: 1 E ora ei henter e multitut di nan a lanta i a hib'E dilanti di Pilato.

 

15. Kon na a kontradisí Pilato, ora e tabata ke duna Cristo libertat?  

Lukas 23: 5  Ma nan a keda insistí, bisando: "E ta instigá e pueblo, siñando den henter Judea, kuminsando for di Galilea te na e lugá aki."

 

16. Kiko Pilato a hasi, ora El a tende ku Cristo tabata foi Galilea?

Lukas 23: 7  I ora ku el a haña sa ku E tabata di e teritorio di Herodes, el a mand'E serka Herodes, kende tambe tabata na Jerusa­lèm den e dianan ei.

 

17. Ken a paresé pa kulpa Cristo dilanti Pilato?

 Lukas 23: 10  I e saserdotenan prinsipal i eskriba­nan tabata pará einan i tabata akus'E fuertemente.

 

18. Na kua tratamentu indigno Herodes eksponé e salbador?   

Lukas 23: 11  I Herodes ku su sòldánan a trat'E ku despresio i a hasi bofon di djE, i a bistiE un mantel luhoso i a mand'E bèk serka Pilato.

 

 19. Kiko Pilato a proponé pa hasi ki Hesus, ora nan a trese back serka djE?

Lukas 23: 22  I el a bis a nan pa di tres biaha: "Pakiko? Ta ki malu e hòmber aki a hasi? Mi no a haña ningun kulpa den djE ku meresé morto; pesei lo mi laga sut'E i dun'E libertat.

 

20. Na luga di duna konsentímentu pa lagé liber, kiko e akusadornan a eksigui di Cristo awor?

Lukas 23: 23  Ma nan a keda insistí, pidiendo na bos haltu pa E wòrdu krusifiká. I nan gritamentu a prevalesé.

 

21. Ounke Pilato a ekspresá su fe den inosensia di Cristo, kua kastigu kruel el a imponé riba djE?

Juan 19: 1  E ora ei Pilato a tuma Jesus i a laga sut'E. 

 

22. Kua tratamentu bergonsoso Cristo a risibí na man di e soldánan?

Mateo 27: 29-30

29  I despues di a flègt un korona di sumpiña, nan a pone esei rib a Su kabes, i un richi den Su man drechi; i nan a hinka rudia Su dilanti i a hasi bofon di djE, bisando: "Saludo, Rei di e hudiunan!"

30  I nan a skupi riba djE i a kohe e richi i a kuminsá dal E riba Su kabes.

23. Kua bibida nan ofresé Kristo, ora nan a hib’E na e luga di krusifikshon pa verdoof’E?  

Mateo 27: 34  nan a dun'E biña mesklá ku hal pa bebe, ma ora ku El a purb'é, E no kier a beb'é.

 

24. Den kua orashon pa esnan ku a krusifik’E, Hesus a revelá e berdadero spiritu di e evangelio?

Lukas 23: 34  I Jesus a bisa: "Tata, pordoná nan, pasobra nan no sa kiko nan ta hasi." I nan a tira lot i a parti Su pañanan entre nan.

 

25. Ku kua palabranan e saserdotenan prinsipal i e otronan a hasi bofon di Hesus, mientras a tabata kologá na e krus?

Mateo 27: 41-42

41  I di e mesun manera e saserdotenan prinsipal tambe, huntu ku e eskribanan i e ansianonan, tabata hasi bofon di djE, i bisa:

42  "El a salba otronan; E no por salba Su mes. E ta Rei di Israel; lagu'E baha for di e krus awor, i nos lo kere den djE.

 

26. Ora El grita den Su agonia profundo na e krus: “Mi tin set”, Kiko nan a dunel’E?

Mateo 27: 48  I mesora un di nan a kore kohe un spons; el a pap'é ku binager, hink'é na un richi, i a dun'E di bebe.

Juan 19: 28-29

28  Despues di esaki, Jesus, sabiendo ku tur kos a keda kumpli kaba, pa e Skritura por wòrdu kumpli, a bisa: "Mi tin set."

29  I tabatin un butishi yen di binager poni einan; i nan a hinka un spons, papá ku binager, riba un richi di hisòp i a pone esaki na Su boka.

 

27. Kon e drama horibel aki a finalisá?

Juan 19: 30  0ra Jesus a tuma e binager, El a bisa: "Ta kumpli!" I EI a baha Su kabes i a entregá Su spiritu.

28. Dor di kua obranan milagroso i fenómeno natural Dios a indiká e karakter di akto ku a wòrdu kometé?

Lukas 23: 44, 45

44  I tabata mas o menos diesdos or, i skuridat a baha riba henter e tera te tres or di atardi,

45  i solo a bira skur; i e kortina di tèmpel a sker na dos.

 

29. Kua proposito dibino a wòrdu alkansá dor di e sufrimentu di Cristo?

Hebreonan 2: 10  Pasobra tabata kumbinf Esun, pa Kende tur kos ta eksistï i pa medio di Kende tur kos ta eksistï, dor di trese hopi yu na gloria, pa perfekshoná e outor di nan salbashon pa medio di sufrimentu­nan.

 

30. Pa motibo di ken Cristo a sufri tur e kosnan aki?

Isaias 53: 5  Ma EI a wòrdu traspasá pa nos transgreshonnan, El a wòrdu gòlpiá pa nos inikidatnan; e kastigu ku a trese pas pa nos tabata riba djE, i pa medio di Su heridanan nos ta kurá.

 

31. Kuantu ta enserá den e don di Cristo pa salbashon di hende?     

Romanonan 8: 32  Esun ku no a spar ni Su mes Yu, ma a entregu'E pa nos tur, lo E no duna nos tur-tur kos tambe huntu kunE?