5.4 E donnan di Profesia

 

1 . Kon Dios tabata tene komunion ku hende den e hofi di Eden?  

Genesis 3:9  E ora ei Señor Dios a yama e hòmber i a bis'é: "Unda bo ta?

 

2 . Kon Dios a hasi Su boluntat  konosí na hende desde di entrada di piká? 

Oseas  12:10  Tambe Mi a papia ku e profetanan, i Mi a duna hopi vishon; i pa medio di e profetanan Mi a duna parábolanan.

 

3 . Kua kosnan ta pertenesé na Dios i kua ta pertenesé na nos?  

Deuteronomio 29:29   E kosnan sekreto ta pertenesé na SEÑOR nos Dios, ma e kosnan revelá ta pertenesé na nos i na nos yunan pa semper, pa nos kumpli ku tur e palabra­nan di e lei aki.     

 

4 . Kon kompleto Dios ta revelá su intenshonnan i na ken?  

Amos 3:7  Siguramente, Señor Dios no ta hasi nada, sin ku E revelá Su konseho sekreto na Su sirbidónan, e profetanan.

 

5 . E sabionan di e mundu aki, nan por  pronostiká e futuro?  

Daniel 2:27   Daniel a kontestá dilanti di rei i a bisa: "Pa loke ta e misterio di kual rei a puntra, ni sabio, ni astrólogo, ni mago, ni adivinadó no por konta rei esei.

 

6 . Ken segun Daniel por revela misterionan?  

Daniel 2:28   Sin­embargo, tin un Dios den shelu ku ta revelá misterio, i EI a hasi konosí na rei Nabukodonosor kiko lo sosodé den e ultimo dianan. Esaki tabata bo soño i e vishonnan ku a pasa den bo mente, mien­tras ku bo tabata riba bo kama.

 

7 . Ku kua palabranan Daniel a rekonosé  e fayo di sabiduria humano?  

Daniël 2:30   Ma pa loke t'ami, e misterio aki no a wòrdu revelá na mi pa motibu ku tin mas sabiduria den mi ku den kualkier otro hende bibu, sino pa e propósito di hasi e interpretashon konosi na rei, i pa bo komprendé e pen­samentunan di bo kurason.

 

8 .  Kiko Daniel a bisa, despues ku ela revela i spliká e soño?  

Daniel 2:45  Meskos ku bo a mira ku un piedra a wördu kòrtá for di e seru, no ku man, i ku esaki a garna e heru, e brons, e klei, e plata i e oro e gran Dios a hasi konosi na rei kiko ta bai sosodé den futuro; asina e soñio ta bèrdat, i su interpretashon ta di konfia.    

   

9 . Kon Dios ta mustra Su  konosementu adelantá?  

Isaias 42:9   Mira, e kosnan di antes apasa, awor Mi ta deklará kosnan nobo; promé ku nan sali na kla, Mi ta anunsiá nan na boso.

 

10. Kon Señor ta revelá Su mes na e profetanan?

Numbernan 12:6   El a bisa: "Tende Mi palabranan awor: Si tin un profeta meimei di boso, Ami, Señor, lo hasi Mi mes konosi na djé den un vishon. Lo Mi papia kuné den un soño.

 

11. Bao di kua influensha profetanan tabata papia den tempunan di antaño?

2Samuel 23:2   E Spiritu di Señor a papia pa medio di mi, i Su palabra tabata riba mi lenga.

2Pedro 1:21  pasobra nunka profesia no a wordu duná pa medio di e boluntat di hende, ma hòmbernan santu di Dios a papia, inspirá dor di Spiritu Santu.

 

 12. Kon e origen di profesia tantu e medio pa komunik’é ta wòrdu mustrá?

Revelashon 1:1  E Revelashon di Jesu-Cristo, ku Dios a dun'E pa mustra Su sirbidónan e kosnan ku mester sosodé pronto; i El a manda esaki i a komunik'é pa medio di Su angel na Su sirbidó Juan,

 

13. Kua angel tabata splika Daniel su vishonnan i su soñonan ?

Daniël 9: 21-22

21  mien­tras mi tabata papia ainda den orashon, e hòmber Gabriel, kende mi a mira den e vishon anteriormente, a bin serka mi ora mi tabata morto kansá na e ora di e ofrenda di atardi.

22  I el a dunami in­strukshon i a papia ku mi, i a bisa: "0 Daniel, awor mi a bin pa dunabo diser­nimentu i komprendementu.

Lesa Daniel 10 i Revelashon 22: 9, 10

 

 14. Kua Spiritu tabata den e profetanan ku tabata indiká na palabranan i nan pronostikánan?

1 Pedro 1: 10, 11

10  I di e salbashon aki e profetanan, kendenan a profetisá di e grasia ku lo a bin pa boso, a hasi buskeda i investiga­shon ku tur diligensia,

11  buskando pa sa ki persona òf ki tempu e Spiritu di Cristo den nan tabata indiká ora ku El a pronos­tiká e sufrimentunan di Cristo i e gloria­nan ku lo a sigui.

 

15. Kon e palabranan di Dios na e profetanan a keda wardá?

Daniel 7:1  vishonnan den su mente, mientras ku e tabata riba su kama; anto el a skirbi e soño i a duna e siguiente resumen di djé.

Jeremias 51:60   Asina Jeremias a skirbi den un solo rol henter e kalamidat ku lo bin riba Babilonia, esta, tur e palabranan aki ku a wòrdu skirbi tokante di Babilonia.

 

16. Pa media di ken Dios a papia ku nos den e ultimo dianan?

Hebreonan 1:1, 2

1  Dios, despues ku El a papia hopi tempu pasá ku e tatanan pa medio di

e profetanan, na hopi okashon i na varios manera,

2  den e ultimo dianan aki a papia ku nos pa medio di Su Yu, Kende El a nòmbra komo eredero di tur kos, pa medio di Kende tambe El a traha mundu.

 

 17. Kua tabata un di e puestonan ku e Mesias lo a okupá?

Deuteronomium 18:15  Señor bo Dios lo lanta pa bo un profeta manera ami for di meimei di bo, for di bo paisa­nonan; boso mester skucha na djé.

 

18. Kiko e profeta Joel a pronostiká?

Joel 2:28   I lo sosodé despues di esaki ku lo Mi basha Mi Spiritu riba henter humanidat; i boso yu hòmbernan i yu muhénan lo profetisá, boso ansianonan lo soña soñonan, boso hobennan lo mira vishonnan.

 

19. Ki ora e pronóstiko aki a wòrdu kumplí?

Echonan 2:16,17

16  ma esaki ta loke a wòrdu papiá pa medio di profeta Joel:

17  'I lo sosodé den e ultimo dianan,' Dios ta bisa, 'ku lo Mi basha di Mi Spiritu riba henter humanidat; i boso yu hòmbernan i boso yu muhénan lo profetisá,

i boso hobennan lo mira vishonnan, i boso ansianonan lo soña soñonan;

 

20. Kua ta algun di e donnan ku Cristo a duna na Su iglesia?

Efeze 4:8-11

8  Pesei ta wòrdu bisá: "Ora ku EI a subi bai den haltura, EI a hiba un ehérsito di katibunan komo katibu, i El a duna donnan na hende

9  Awor e ekspreshon aki: "EI a subi," ta kiko esaki ta nifiká, sino ku El a baha tambe den e partinan mas abou di tera?

10  Esun ku a baha ta e Mesun tambe ku a subi bai muchu mas haltu ku tur e shelunan, pa E yena tur kos.

11  I EI a duna algun komo apostel, i algun komo profeta, i algun komo evangelista, i al­gun komo pastor i siñadó,

 

21. Pa medio di kiko Israel a wòrdu salbá i wardá?

Oseas 12:14   Ma pa medio di un profeta Señor a saka Israel for di Egipto, i pa medio di un profeta e tabata wardá.

 

22. Ora Moses a keha ku su lenga ta pisá, kiko Dios a bisa ku Aaron lo ta p’e?

Exodo 4:16   Ademas, e lo papia ku e pueblo pa bo; i lo sosodé ku e lo ta manera un boka pa bo, i abo lo ta manera Dios p'é.

 

23. Kon Dios a yama Aaron despues?

Exodo 7: 1   E ora ei Señor a bis a Moisés: "Mira, Mi ta hasibo manera Dios pa Farao, i bo ruman Aaron lo ta bo profeta.

 

24. Pa medio di kua prueba profetanan falsu por wòrdu deskubrí?

Deuteronomio 18:22 si un profeta papia den nòm­ber di Señor i e kos no sosodé ni bira realidat, esei ta loke Señor no a papia. E profeta a papia esaki ku tribilidat; no tene miedu di djé.

 

25. Kua otro prueba mester wòrdu utilisá, promé ku aseptá e konfiabilidat di un profeta?   

Deuteronomio 13:1-4

1  Si un profeta òf un soñadó di soño lanta meimei di boso i

dunabo un señal òf un milager,

2  i e señal òf milager ku el a papia ku bo di djé sosodé, i e bisabo: 'Laga nos sigui otro diosnan (ku bo no a konosé) i laga nos sirbi nan,'

3  bo no mester skucha e pala­branan di e profeta ei ni di e soñadó di soño ei; pasobra ta Señor boso Dios ta pone boso na prueba, pa haña sa si boso ta stima Señor boso Dios ku hen ter boso kurason i ku henter boso alma.

4   Boso mester sigui Señor boso Dios i tin temor p'E; i boso mester warda Su mandamen­tunan, skucha Su bos, sirbiE i pega na djE.

 

26. Kua regla Cristo a duna pa medio di kual por distingui profetanan falsu?

Mateo 7:20   Asina anto, na nan fruta boso lo konosé nan.

 

27. Kua regla general a wòrdu duná pa tèst tur profetanan?

Isaias 8:20   Bai na e lei i na e testimonio! Si nan no ta papia konforme e palabra aki, ta pasobra nan no tin lus den nan.

 

28. Kon e profetanan di antaño di Dios tabata utilisá e palabranan di e profetanan ku tabata biba prome ku nan, pa konsehá e pueblo pa obedesé?

Zacharias 7: 7   Esakinan no ta e palabranan ku Señor a proklamá pa medio di e profeta­nan di promé aya, tempu ku Jerusalèm tabata habitá i tabata prosperá ku su statnan tur rònt di djé, i ku Negèv i e sabana­nan na pia di seru tabata habitá?

 

29. Kiko ta wòrdu primintí na esnan ku ta kere e profetanan di Dios?

2Kronikanan  20: 20   I nan a lanta mainta tempran i a sali bai na e desierto di Tekoa; i ora nan a sali bai, Josafat a para i a bisa: "Skucha­mi, O Juda i habitantenan di Jerusalèm, pone boso konfiansa den Señor boso Dios, i boso lo ta stablesí. Pone boso konfiansa den Su profetanan i prospe­rá.

 

30. Kua spiertamentu ta wòrdu duná tokante e donnan di profesia?

1Thesalonisensenan  5:20,21

20  no despresiá profesia.

21 Saminá tur kos; tene duru na loke ta bon;

 

31. Pa medio di kiko e ultimo iglesia òf remanente lo distingui su mes?

Revelashon 12:17   I e dragon tabata furioso riba e muhé, i a bai pa hasi guera ku e restu di su desendientenan, kendenan ta warda e mandamentunan di Dios i tin e testimo­nio di Jesu-Cristo,

 

32. Kiko ta testimoño di Hesus?

Revelashon 19: 10   I mi a tira mi kurpa abou na su pia pa ador'é. I el a bisami: "No hasi esei; mi ta un ko sirbidó di bo i di bo ruman­nan, kendenan tin e testimonio di Jesus; adorá Dios. Pasobra e testimonio di Jesus ta e spiritu di profesia.  

Revelashon 1: 9   Ami Juan, boso ruman i ko-partisipante den tribulashon, i den e reino i e pasenshi di Jesu-Cristo, tabata riba e isla ku yama Patmos, pa motibu di e palabra di Dios i e testimonio di Jesus.

 

33. Kiko ta e resultado si e don aki no ta presente?

Proverbionan 29:18   Kaminda no tin vishon e pueblo ta laga tur frena bai, ma felis ta esun ku ta warda lei.

Salmo 74: 9   Nos no ta mira nos señalnan; no tin ningun profeta mas; no tin ningun hende meimei di nos tampoko ku sa kuantu tempu esaki lo dura.