1. E Beibel, kon pa skrudiñá i komprendé

1.1 E Skritura Santu

 

1 .Kon Hesus ta yama e bukinan santu di Bijbel                   

Mateo 21:42  Jesus a bisa nan: "Boso no a lesa nunka den e Skrituranan:

 

2 .Kua otro titulo ta wordu duna na e revelashon di Dios na hende?  

Lukas 8:21  Ma EI a kontestá i a bisa nan: "Mi mama i Mi ruman hòmbernan ta esnan ku ta tende e palabra di Dios i ta hasié."

 

 3 .Kon E Skritura Santu a jega serka nos?

2 Timoteo 3:16  Tur Skritura ta inspirá pa Dios i ta útil pa siñansa, pa reprendementu, pa korekshon, pa eduká den hustisia,

 

 4 .Ken a inspira e hombernan ku a skrbi na nòmber di Dios?

2Pedro 1:21 pasobra nunka profesia no a wordu duná pa medio di e boluntat di hende, ma hòmbernan santu di Dios a papia, inspirá dor di Spiritu Santu.

 

5 .Kua ehempel di inspirashon apostel Pedro ta duna nos?

Echonan 1:16  "Rumannan, e Skritura mester a wòrdu kumpli, kual Spiritu Santu a papia di antemano pa medio di boka di David tokante di Judas, kende a bira un guiadó di esnan ku a arestá Jesus.

 

6 .Kon David mes ta ekspresá e berdat aki?

2 Samuel 23:2  "E Spiritu di SEÑOR a papia pa medio di mi, i Su palabra tabata riba mi lenga.

 

7 .Ken tabata papia dor di e hombernan aki?

Hebreonan 1:1  Dios, despues ku El a papia hopi tempu pasá ku e tatanan pa medio di e profetanan, na hopi okashon i na varios manera,

 

8 .Pa ki proposito Skritura a wordu formulá?

Romanonan 15:4  Paso­bra tur loke a wòrdu skirbî promé aya a wòrdu skirbí pa nos instrukshon, pa dor di pèrseveransia i e enkurashamentu di Skrituranan nos por tin speransa.

 

9 . Ki utilidat Skritura tin?

2Timoteo 3:16 Tur Skritura ta inspirá pa Dios i ta útil pa siñansa, pa reprendementu, pa korekshon, pa eduká den hustisia,

 

10.Kiko tabata Dios Su plan ku Skritura?  

2Timoteo 3:17 pa e hende di Dios por ta perfekto, ekipá pa tur bon obra.

 

11. Kon Job tabata konsiderá e Palabranan di Dios?

Job 23:12  Mi no a bandoná e mandamentu di Su lepnan; mi a stima e palabranan di Su boka mas ku mi porshon di kuminda di tur dia.

 

12. Riba ki testimoño Hesus tabata  basa Su posishon komo Mesias?

Lukas 24:27 I kuminsando ku Moi­sés i ku tur e profetanan EI a splika nan e kosnan tokante di Su mes den tur e Skrituranan.

 

13.Den kua tres sekshon Hesus a ordená e Skrituranan di Testament Bieu?

Lukas 24:44  I EI a bisa nan: "Esakinan ta Mi palabranan ku Mi a papia ku boso mien­tras ku Mi tabata serka boso ainda, ku tur kos ku ta pará skirbi tokante di Mi den e Lei di Moisés i e Profetanan i e Salmonan mester wòrdu kumpli. "

 

 14.Kiko Dios Su karakter ta strob’E pa hasi?

Tito 1:2  den e spe­ransa di bida etèrno, ku Dios, Kende no por gaña, a primintí hopi siglonan pasá,

 

15.Kon Dios ta wordu deskribí den Skritura Santu?

 Deuteronomio 32:4  E Baranka! Su obra ta perfekto, pasobra tur Su kamindanan ta hustu; un Dios di fieldat i sin inhustisia, hustu i rekto E ta.

 

 16.Konsekuentemente, kiko en Palabra di Dios ta? 

Johannes 17:17 Santifiká nan den e bèr­dat; Bo palabra ta bèrdat.

 

 17.Kon por determiná e berdtat segun E Skritura?

Isaias 8:20  Bai na e lei i na e testimonio! Si nan no ta papia konforme e palabra aki, ta pasobra nan no tin lus den nan.    

    

18. Den un mundu di skuridat, pika i morto kiko e palabra di Dios mester ta pa nos?

Psalm 119: 105 Bo palabra ta un lampi pa mi pia i un lus pa mi kaminda.

 

 19. Te na ki midi Dios a eksaltá Su palabra? 

Psalm 138:2  Lo mi bùig den direkshon di Bo tèmpel santu, i alabá Bo nòmber pa Bo miserikòrdia i Bo bèrdat, pasobra Bo a engrandesé Bo palabra riba henter Bo nòmber.

 

20. Den kiko e berdadero poesia di bida ta wordu haña? 

Psalm 119:54  Bo statutonan ta mi kantikanan den e kas di mi peregrinashon.

 

21. Pa kuantu tempu e palabra di Dios lo keda eksistí?

Jesaja 40:8  Yerba ta seka, flor ta marchitá, ma e palabra di nos Dios ta permanesé pa semper.

Mattheus 24:35 Shelu i tera lo pasa, ma Mi palabranan lo no pasa.