1. E Beibel, kon pa skrudiñá i komprendé

1.2 E Skudriñamentu di Skritura Santu

                                                                   

1 .Kiko Hesus a bisa e hudiunan tokante skudriñamentu di Skritura?

Juan 5: 39  Boso ta sku­driñá e Skrituranan, pasobra boso ta kere ku ta den nan boso tin bida etèrno; i ta esakinan ta duna testimonio di Mi;

 

2 .Pa ki motibu e hendenan di Berea tabata wòrdu elogiá?

Echonan 17: 11  Awor esakinan tabata hen­de di mentalidat mas nobel ku esnan na Tesalónika, pasobra nan a risibí e pala­bra ku bon boluntat i tabata skudriñá e Skrituranan tur dia, pa mira si e kosnan aki tabata asina.

 

3 . Ki komparashon ta mustra ku algun parti di skritura ta mas difisil pa komprende ku otro?

Hebreonan 5: 12   Pasobra ounke pa e tempu aki ya boso mester tabata maes­tronan kaba, boso tin mester di un hende pa siña boso e prinsipionan elemental di e palabra di Dios tur di nobo, i boso mester di lechi i no kuminda sólido.

 

4 . Na ki manera e komparashon aki ta wòrdu klarifiká?

Hebreonan 5: 13,14

13  Pasobra tur ku ta biba di lechi so ta sin eksperensia den asunto di hustisia, paso­bra ta un bebi e ta.

14  Ma kuminda sólido ta pa hende madurá, kendenan, pa moti­bu di práktika, tin nan mente entrená pa diserni loke ta bon i loke ta malu.

 

5 .Kua Skrituranan ta kontené kosnan ku ta difisil pa komprendé?

2 Pedro 3: 15.16

15  i konsiderá e pasenshi di nos Señor komo salbashon, meskos ku nos ruman stimá Pablo tambe, segun e sabi­duria ku a wòrdu duná na djé, a skirbi boso,

16  meskos tambe den tur su karta­nan, papiando den nan di e kosnan aki, den kualnan tin algun kosnan ku ta difi­sil pa komprendé, kualnan esnan ku no a wòrdu siñá i e inkonstantenan ta trose, meskos ku nan ta hasi tambe ku e restu di e Skrituranan, pa nan mes destruk­shon.

 

6 .Ken solamente ta komprendé e kosnan di Dios?

1 Korintionan 2:11 Paso­bra ta ken konosé e pensamentunan di un hende, sino e hende su spiritu ku ta den djé? Asina tambe ningun hende no konosé e pensamentunan di Dios, sino e Spiritu di Dios.

 

7 .Kon profundu e Spiritu ta skudriña e tesoronan skondí di Berdat? 

1 Korintionan 2:10  Pasobra na nos Dios a revelá nan pa medio di e Spiritu. Pasobra e Spiritu ta investigá tur kos, asta e profundidatnan di Dios.

 

8 .Kiko ta un di e propositonan pa kual Spiritu Santu a wòrdu  deramá?  

Juan 14:26 Ma e Konsolador, Spiritu Santu, Ken­de e Tata lo manda den Mi nòmber, E lo siña boso tur kos i hasi boso rekòrdá tur loke Mi a bisa boso.

 

9 . Di kon un hende no spiritual no por komprende e kosnan di Dios?  

1 Korintionan 2:14 Ma un hende ku no ta spiritual no ta aseptá e kosnan di e Spiritu di Dios; pasobra nan ta lokura p'é, i e no por komprendé nan, pasobra ta spiritualmente nan ta wòrdu huzgá.

 

10. Pa kua iluminashon spiritual tur hende mester resa? 

Salmo 119:18  Habri mi wowo, pa mi por kontemplá kosnan maraviyoso for di Bo lei.

 

11. Pa kua don spiritual apostel Pablo tabata resa? 

Efesionan 1:17 pa e Dios di nos Señor Jesu-Cristo, e Tata di gloria, por duna boso un spiritu di sabiduria i di revela­shon den e konosementu di djE.

 

12. Riba ki kondishon komprendementu di donnan spiritual  ta wòrdu duná?

Proverbionan 2 :3-5

3  pasobra si bo sklama pa disernimentu, halsa bo bos pa komprendementu,

4  si bo busk'é manera plata,  i rondi'é manera tesoro skondí,

5  e ora ei lo bo diserní e temor di SEÑOR, i deskubrí e konosementu di Dios.

 

13. Ki  bendishon riku Kristu a duna Su disipelnan despues di Su resurekshon? 

Lukas 24:45 E ora ei EI a habri nan huisio pa nan komprendé e Skrituranan,

 14.Kua sernan di orden mas haltu ku hende ta desea di skudriña e berdatnan ku a wòrdu revelá dor di e evangelio di Kristu?  

 1 Pedro 1:12 A wòrdu revelá na nan ku no tabata nan mes, sino boso, nan tabata sirbi den e kosnan aki, ku awor a wòrdu anunsiá na boso dor di esnan ku a prediká e evangelio na boso pa medio di Spiritu Santu, mandá for di shelu-kos­nan ku e angelnan ta anhelá di mira.

 

 15. Kiko ta wòrdu primintí esnan ku ta desea pa hasi boluntat di Dios?

Juan 7: 17  Si un hende kier hasi Su boluntat, e lo sa di e siñansa, si ta di Dios e ta, òf si ta Mi mes ta papia.

 

16. Kon Kristu a amonestá esnan ku no tabata komprende Skritura, aunke nan tabata na altura di lèter di dj’E. 

Mateo 22: 29  Ma Jesus a kontestá i a bisa nan: "Boso ta kiboká; boso no ta komprendé e Skrituranan, ni e poder di Dios.

 

17. Kiko e Skrituranan ta kapas pa hasi pa esnan ku ta kere den nan?  

2 Timoteo 3: 15  i ku for di infansia bo a konosé e skrituranan santu, kualnan por dunabo e sabiduria ku ta hiba na salbashon pa medio di fe, ku ta den Cristo Jesus.

 

18. Ora e hoben a puntra Hesus e kondishonnan pa eredá bida eterno, na kiko Hesus a dirigí su atenshon?

Lukas 10:26  I Jesus a bis'é: "Kiko ta pará skirbí den Lei? Kiko (kon) bo ta lesa den djé?"

 

19. Ken Hesus a jama bendishiná?

Lukas 11: 28  Ma EI a bisa; "Alkontrario, bendi­shoná ta esnan ku ta tende e palabra di Dios, i ta ward'é."

 

20. Kiko Hesu a bisa di e buki di Daniel? 

Mattheus 24: 15  "Pesei, ora boso mira e ABOMINA­SHON DI DESOLASHON'y ku profeta Da­niel a papia di djé, ta para den e lugá santu (laga esun ku ta lesa, komprendé),

 

21. Kua otro buki di Beibel ta wòrdu rekomendá na nos pa studia?

E buki di Revelashon

Revelashon 1:3  Bendishoná ta esun ku lesa i esnan ku tende e palabranan di e profe­sia, i ku paga atenshon na e kosnan ku ta pará skirbí den djé; pasobra e tempu ta serka.