2. Orígen, Konsekuensia i Remedi Kontra Piká

2.1 Kreashon i Kreador

 

1 . Ken a krea shelu i tera?

Genesis 1:1 Den prinsipio Dios a krea e shelunan i tera.

 

2 . Dor di ken Dios a krea tur kos?

Kolosensenan 1: 16 Pa­sobra pa medio di djE tur kos a wòrdu kreá

tantu den e shelunan komo riba tera, visibel i invisibel, sea trononan

òf dominionan òf gobernantenan òf outori­datnan tur kos a wòrdu

kreá pa medio di djE i p'E.

Juan 1:3

Pa­sobra pa medio di djE tur kos a wòrdu kreá, tantu den e shelunan

 komo riba tera, visibel i invisibel, sea trononan òf dominionan òf

gobernantenan òf outori­datnan tur kos a wòrdu kreá pa medio di djE i

 p'E.

 

3 . Kiko e shelunan ta konta nos?

Salmo 19: 2 E shelunan ta konta di e gloria di Dios; i e firmamentu ta proklamá e obra di Su mannan.

 

4 . Kiko tabata e meta di Dios ku kreashon di tera?

Isaias 45: 18 Pasobra, asina SEÑOR, Kende a krea e shelunan, ta bisa (E ta e Dios, Kende a forma tera i a trah'é; El a stables'é, i no a krea esaki pa e keda bashí, ma El a form'é pa e wòrdu habitá.

 

5 . Segun ken su imagen hende a wòrdu krea?

Genesis 1: 27 I Dios a krea hende segun Su mes imagen; segun e imagen di Dios El a krea hende; hòmber i muhé El a krea nan.

 

6 . Ki hogar Dios a traha pa hende den prinsipio?

Genesis 2: 8-15

8 I SEÑOR Dios a planta un hòfi parti pariba, na Edén; i ayanan EI a pone e hòmber ku EI a forma.

9 I  for di suela SEÑOR Dios a hasi nase tur palu ku ta agradabel pa bista i bon pa kuminda; tambe e palu di bida meimei di e hòfi, i e palu di konosementu di bon i malu.

10  Awor un riu tabata sali for di Edén pa muha e hòfi, i for di einan el a parti i a bira kuater riu.

11 Nòmber di e promé ta Pison; esaki ta kore rònt di hen ter tera di Havila, kaminda tin oro.

12  I e oro di e tera ei ta bon; aya tin bedelio i piedra di òneks.

13  Nòmber di e di dos riu ta Gihon; esaki ta kore rònt di henter tera di Kus.

14  Nòmber di e di tres riu ta Tigris; esaki ta kore pariba di Asiria. I e di kuater riu ta Eufrates.

15 E ora ei Señor Dios a kohe e hòmber i a pon'é den e hòfi di Edén pa kultiv'é i kuid'é.

 

7 . Kiko nos por komprendé for di e kosnan ku Dios a krea?

Romanonan 1: 20  Pasobra desde kreashon di mun­du Su atributonan invisibel, Su poder etèrno i naturalesa divino, a wòrdu mirá klaramente, siendo komprendí dor di loke a wòrdu trahá, asina ku nan no tin èkskùs.

 

8 . Ken su obra nos ta?

Efesionan 2:10 Pasobra nos ta e obra di Su man, kreá den Cristo Jesus pa bon obranan, kualnan Dios a prepará di an­temano, pa nos kana den nan.

 

9 . Ki siguransa nos tin ku e poder di e Kreador nunka lo faya?

 Isaias 40: 28 Bo no sa? Bo no atende? E Dios Etèrno, e SEÑOR, e Kreador di e finnan di tera no ta bira kansá ni fatigá. Su komprendementu ta inskudriñabel.

 

10. Kua palabranan animante ta sigui?

Isaias 40: 29 E ta duna forsa na esun kansá, i E ta oumentá poder pa esun ku ta falta poder.

 

11. Na ken, esnan ku ta sufri, ta wòrdu enkomendá nan alma?

1Pedro 4: 19 Pesei, laga esnan tambe ku ta sufri segun e boluntat di Dios enkomendá nan almanan na e fiel Kreador den e hasi­mentu di loke ta korekto.

 

12. Kiko tabata duna e huramentu di e angel nifikashon partikular?

Revelashon 10: 5,6

5  I e angel ku mi a mira pará riba laman i riba tera a lanta su man drechi na shelu,

6  i a hura pa Esun ku ta biba pa semper i semper, Kende a krea shelu i e kosnan ku tin den djé, tera a i e kosnan ku tin den djé, laman i e kosnan ku tin den djé, ku lo na tin tardansa mas,

 

13. Ki kontraste Skritura ta duna entre Dios i e diosnan falsu?

Jeremias 10: 11-16

11  Asina lo bo bisa nan: "E diosnan ku no a traha e shelunan i tera lo peresé for di riba tera i for di bou di e shelu­nan."

12  Ta El a traha tera ku Su poder, El a stablesé mundu ku Su sabiduria;

i ku Su konosementu El a span e shelunan.

13  Ora ku E laga Su bos resoná, tin un tumulto di awanan den e shelunan,

i E ta hasi e nubianan lanta for di e fin di tera;

E ta traha strena pa awaseru, i ta trese bientu for di Su depósitonan.

14  Tur hende ta sin sintí, sin komprendementu; tur platé ta keda na bèrguensa pa motibu di nan idolonan; pasobra nan imagennan bashá ta engañoso, i no tin rosea den nan.

15  Nan ta sin balor, kos ridîkulo; na tempu di nan kastigu nan lo peresé.

16  E porshon di Jakob no ta manera esakinan, pasobra E ta Esun ku ta traha tur kos, i Israel ta e tribu di Su erensia; e SEÑOR di ehérsitonan ta Su nòmber,

 

14. Na ken nos tin ku dirigí nos adorashon?

Salmo 95: 6  Laga nos ban adorá i buig te na suela; laga nos hinka rudia dilanti di SEÑOR, Esun ku a traha nos.

 

15. Kiko Dios a primintí en relashon ku maldishon ku ta riba kreashon?

Isaias 65: 17 "Pasobra mira, Mi ta krea shelunan nobo i un tera nobo; i e kosnan di antes lo no wòrdu rekòrdá mas ni bin na memoria.

 

16. Riba kiko hermandat di hende ta basá?

Malakias 2: 10 "Nos tur no tin ún tata? No ta ún Dios a krea nos? Pakiko kada un di nos ta trata su ruman ku traishon i ta profaná e aliansa di nos tatanan?