2. Orígen, Konsekuensia i Remedi Kontra Piká

2.10 Salbashon, solamente dor di Kristo

 

1 . Ku kual proposito Kristo a bin den mundu? 

1 Timoteo 1: 15  Esaki ta un palabra fiel, ku ta me­resé pa wòrdu aseptá kompletamente, ku Cristo Jesus a bin na mundu pa salba pekadó, entre kendenan ami ta esun di promé.

 

2 . Di kon e mester a wòrdu yamá Hesus? 

Mateo 1: 21  I e lo haña un Yu hòmber; i lo bo dun'E e nòmber Jesus, pasobra ta E ta Esun ku lo salba Su pueblo di nan pikánan."

 

3 . Tin salbashon den un ortro?  

Echonan 4: 12 I no tin salbashon den ningun otro; pasobra no tin bou di shelu ningun otro nòmber ku a wòrdu duná na hende, pa medio di kual nos mester wòrdu salbá."

 

4 . Dor di ken nos ta wòrdu rekonsiliá ku Dios? 

2 Korintionan 5: 18. 19

18  Awor tur e kosnan aki ta bin di Dios, Kende a rekonsiliá nos ku Su mes dor di Cristo, i a duna nos e ministerio di rekonsilia­shon,

19  esta, ku Dios den Cristo tabata rekonsiliando e mundu ku Su mes, sin tuma nan pikánan na kuenta, i EI a en­kargá nos ku e palabra di rekonsiliashon.

 

5 . Kiko Kristo a wòrdu hasí pa nos i ku ki proposito?

2 Korintionan 5: 21  EI a hasi Esun, Kende no tabata konosé piká, bira piká pa nos, pa nos por bira e hustisia di Dios den djE.

 

 6 . Kon masha nos ta depende di Kristo pa salbashon?

Juan 15: 5  "Ami ta e mata di wendrùif, boso ta e ramanan; esun ku keda den Mi, i Ami den djé, esei ta duna hopi fruta, pasobra separá di Mi boso no por hasi nada.

 

 7 . Kua tres krakteristikanan nesesario den un salbador, a wòrdu hañá den Kristo? 

 

A .Divinidat= bo trono o Dios 

Hebreonan 1: 7, 8

7  I di e angelnan E ta bisa: "Kende ta hasi Su angelnan bientu, i Su sirbidónan flam di kandela. 

8  Ma di e Yu E ta bisa: "Bo trono, O Dios, ta pa semper i semper, i e sèpter di hustisia ta e sèpter di Bo reino.

 

B .Humanidat = nasi di un muhe

Galationan 4:4   Ma ora ku e plenitut di e tempu a yega, Dios a manda Su Yu, nasi di un muhé, nasi bou di Lei,

 

C .Mester ta sin pika= kende no a komete pika

1 Pedro 2: 22  Kende no a kometé piká, ni mentira no a wòrdu hañá den Su boka

 

8 . Kon Kristo a mustra foi skritura ku e Salbador di mundu primintí  mester tabata tantu hende komo Dios? 

Mateo 22: 41-45

41  Awor ora ku e fariseonan a bin huntu, Jesus a hasi nan un pregunta,

42  bisando: "Kiko boso ta pensa di e Cristo, ken su yu Eta?" i nan a kontest'E: "Yu di David."

43  EI a puntra nan: "Di kon anto, den Spiritu, David ta yam'E 'Señor", bisan­do:

44  'Señor a bisa mi Señor: "sinta na Mi man drechi, te ora Mi pone Bo enemigunan bou di Bo pianan'"?"

45  Si t'asina ku David ta yam'E 'Señor,' kon anto E por ta su yu?"

 

9 . Kua dos echonan ta testifiká di e unidat di divinidat ku humanidat?

Romanonan 1: 3, 4

3  tokante di Su Yu, Kende a nase di un desendiente di David segun karni,

4  Kende a wòrdu deklará di ta e Yu di Dios ku poder pa medio di resurekshon for di e mortonan, segun e Spiritu di santidat: Jesu-Cristo, nos Señor.

 

 10. Kon kompleto e viktoria di Kristo riba morto tabata?  

Revelashon 1: 17, 18

17  I ora mi a mir'E, mi a kai na Su pia manera un hòmber morto. I El a pone Su man drechi riba mi, bisando: "No tene miedu; Ami ta e Promé i e Ultimo,

18  i Esun ku ta biba; i Mi tabata morto, i mira, Mi ta bibu pa semper, i Mi tin e yabinan di morto i di Hades.

 

11. Kon kompleto e salbashon ta ku ta wòrdu risibí den Kristo?

 Hebreonan 7: 25  Pesei tambe E por salba pa semper (kompleto) esnan ku ta hala serka Dios pa medio di djE, komo ku semper E ta biba pa inter­sedé pa nan.

 

12. kiko ta sobra nos di bisa di un salbador asina? 

2 Korintionan 9: 15 Grasia sea na Dios pa Su don ineksplikabel!