2. Orígen, Konsekuensia i Remedi Kontra Piká

2.4 Kreashon i Rekreashon

 

1 . Kiko ta wòrdu revelá den e prome versíkulo di Beibel tokante Dios? 

Genesis 1: 1 Den prinsipio Dios a krea e shelunan i tera.

 

2 . Ki kontraste ta wòrdu repití kontinuamente den Skritura entre Dios i e diosnan falsu?

Jeremias 10: 11-16

11  Asina lo bo bisa nan: "E diosnan ku no a traha e shelunan i tera lo peresé for di riba tera i for di bou di e shelu­nan."

12  Ta El a traha tera ku Su poder, El a stablesé mundu ku Su sabiduria;

i ku Su konosementu El a span e shelunan.

13  Ora ku E laga Su bos resoná, tin un tumulto di awanan den e shelunan,

i E ta hasi e nubianan lanta for di e fin di tera; E ta traha strena pa awaseru, i ta trese bientu for di Su depósitonan.

16  E porshon di Jakob no ta manera esakinan, pasobra E ta Esun ku ta traha tur kos, i Israel ta e tribu di Su erensia; e SEÑOR di ehérsitonan ta Su nòmber,

Jeremias 14: 22 Tin sikiera ún entre e idolonan di e nashonnan ku ta duna awaseru? Òf e shelunan por duna yobida? No ta Abo, O SEÑOR nos Dios?

Pesei nos ta spera den Bo, pasobra ta Abo ta Esun ku a hasi tur e kosnan aki.

  Echonan 17: 22-29

22  I Pablo, pará den sentro di Areópa­go, a bisa: "Hòmbernan di Atenas, mi ta mira ku boso ta masha religioso den tur sentido.

23  Pasobra mientras ku mi taba­ta pasa dor di boso stat i tabata opservá e ophetonan di boso adorashon, mi a haña tambe un altar ku e inskripshon aki: 'NA UN Dios DESKONOSI.' Pesei, loke boso ta adorá den ignoransia, esei mi ta proklamá na boso.

24  "E Dios ku a traha mundu i tur kos ku tin den djé, siendo Señor di shelu i di tera, no ta biba den tèmpel trahá ku man;

25  ni E no ta wòrdu sirbî dor di man di hende, komo si fuera E tabatin mester di kualkier kos, komo ku E mes ta duna tur hende bida i rosea i tur kos;

26  i for di ún sanger El a traha tur nashon di hende pa biba riba henter mundu, i El a fiha nan tempunan stipulá i e límitenan di nan lugánan di biba,

27  pa nan buska Dios, si di algun manera, fulando, nan por hafi'E, maske E no ta leu di kada un di nos;

28  pasobra den djE nos ta biba i ta move i ta eksistí, manera algun di boso mes poetanan a bisa: 'Pasobra nos tambe ta Su desendensia. '

29  "Siendo anto desendensia di Dios, nos no mester pensa ku e Naturalesa Divino ta manera oro òf plata òf piedra, un imagen formá dor di arte i imagina­shon di hende.

 

3 . Dor di ken Dios a obra pa kreashon tur kos?

Juan 1: 1-3

1  Na prinsipio tabata e Palabra, i e Palabra tabata ku Dios, i e Palabra tabata Dios.

2 E tabata na prinsipio ku Dios.

3  Tur kos a bin na eksistensia pa me­dio di djE, i fuera di djE nada di loke ta eksistf no a bin na eksistensia.

 

 4 . Dor di ken rekreashon ta tuma luga? 

Romanonan 5: 8, 9

8  Ma Dios ta demostrá Su mes amor pa ku nos den esaki, ku tempu nos tabata pekadó ainda, Cristo a muri  pa nos.

9  Muchu mas anto, siendo hustifiká awor pa medio di Su sanger, nos lo ta salbá for di e furia di Dios dor di djE.

 

 5 . Den kua skritura nos ta lesa ku Cristo, ku tabata autor di kreashon, tambe ta e kabes di e iglesia? 

Kolosensenan 1: 16-18

16  Pa­sobra pa medio di djE tur kos a wòrdu kreá, tantu den e shelunan komo riba tera, visibel i invisibel, sea trononan òf dominionan òf gobernantenan òf outori­datnan tur kos a wòrdu kreá pa medio di djE i p'E.

17  I E ta promé ku tur kos, i den djE tur kos ta konsistí,

18  E ta tambe kabes di e kurpa, e iglesia; i E ta e prinsipio, e primogénito for di e morto­nan; pa E mes por bin haña e promé lugá den tur kos.

 

 6 . Den kua skritura nos ta lesa ku e Kreador ta na mésun manera e Salbador?

Isaias 43: 1 .Ma awor, asina SEÑOR, bo Kreador, ta bisa, 0 Jakob, i Esun ku a formabo, 0 Israel: "No tene miedu, pasobra Ami a redimíbo; Mi a yamabo na bo nòmber; bo ta di Mi!

 

 7 . Di ken ta wòrdu bisa ku e ta e fuente di forsa pa e debilnan?

 Isaias 40: 28, 29

28  Bo no sa? Bo no atende? E Dios Etèrno, e SEÑOR, e Kreador di e finnan di tera no ta bira kansá ni fatigá. Su komprendementu ta inskudriñabel.

29  E ta duna forsa na esun kansá, i E ta oumentá poder pa esun ku ta falta poder.

 8 .Kua orashon di David ta mustra ku e tabata konsiderá salbashon komo un obra di kreashon?   

Salmo 51: 10  Krea den mi un kurason limpi, O Dios, i renobá un spiritu rekto den mi.

 

 9 .Ken ta mantene e astronan den nan kamindanan?

Isaias 40: 25, 26

25  "Ku ken anto bo kier komparáMi, òf ken ta Mi igual?" Esun Santu ta bisa.

26   Hisa bo wowo wak ariba i mira ta ken a krea e streanan aki; Esun ku ta guia nan ehérsito segun nan kantidat, ta E ta yama nan tur na nan nòmber; pa motibu di e grandes a di Su forsa i Su poder ningun di nan no ta falta.

 10.1 Kiko e mesun Dios Santu por hasi pa e kreyentenan?

Judas 24, 25

24  Awor na Esun ku ta poderoso pa warda boso di trompeká, i pa hasi boso para sin kulpa den e presensia di Su gloria ku gran alegria,

25  na e úniko Dios nos Salbador, pa medio di Jesu-Cristo nos Sefior, sea gloria, mahestat, dominio i outoridat, promé ku tur tempu i awor i pa semper. Amèn.

 

 11. Kiko ta e midi di forsa ku ta na alkanse di e kreyente?  

Efesionan 1: 17- 20

17  pa e Dios di nos Señor Jesu-Cristo, e Tata di gloria, por duna boso un spiritu di sabiduria i di revela­shon den e konosementu di djE.

18  Pa e wowonan di boso kurason wòrdu ilumi­ná, pa asina boso por sa kual ta e speran­sa di Su yamada, kiko ta e rikesa di e gloria di Su erensia den e santunan,

19  i kual ta e grandesa sobresaliente di Su poder pa ku nos ku ta kere, segun e obramentu di e forsa di Su poder

20  ku El a ehersé den Cristo, ora ku El a lant'E for di e mortonan, i a hasiE sinta na Su man drechi den e lugánan selestial,

 

 12. Kon grandi e salbahon di Israel for di Egypte tabata?

Deuteronomio 4: 32-34

32"Di bèrdat, puntra awor tokante di e tempunan pasá ku tabata promé ku bo, for di e dia ku Dios a krea hende riba tera, i puntra for di esun banda di e shelunan te na e otro banda, si aIgu igual ku e kos grandi aki a wòrdu hasi, òf si a yega di tende aIgu igual ku esaki.

33  Akaso kualke otro pueblo a yega di tende e bos di Dios ta papia for di meimei di kandela, manera abo a tende, i a sobrebibî?

34  òf un dios a yega di purba saka un nashon pa su mes for di meimei di un otro nashon pa medio di prueba­nan, señalnan i maraviyanan i pa medio di guera, pa medio di un man poderoso i un brasa ekstendi, i pa medio di teror­nan grandi, manera SEÑOR boso Dios a hasi pa boso na Egipto dilanti di boso wowo?

 

 13. Kua parti di skritura ta mustra klaramente ku ta Dios su poder di kreashon ta kambia e kreyente 

Efesionan 2:10  Pasobra nos ta e obra di Su man, kreá den Cristo Jesus pa bon obranan, kualnan Dios a prepará di an­temano, pa nos kana den nan.

 

 14. Di kua gran obra Sabat ta un memoria di kreashon tantu komo un señal?

Exodo 20: 8-11

8  "Kòrda dia di sabat, pa santifik'é.

9  Seis dia bo mag traha i hasi tur bo trabou,

10  ma e di shete dia ta sabat di SEÑOR bo Dios; riba e dia ei bo no mag hasi ningun trabou, ni abo ni bo yu hòmber ni bo yu muhé, ni bo sirbidó hòmber ni bo sirbidó muhé, ni bo baka­nan, ni esun ku ta keda biba pa un tempu serka bo.

11   Pasobra den seis dia SEÑOR a traha shelunan i tera, laman i tur loke tin den nan, i a sosegá riba e di shete dia; pesei SEÑOR a bendishoná dia di sabat i a santifik'é.

 Exodo 31: 17 E ta un señal entre Ami i e yunan di Israel pa

semper; pasobra den seis dia SEÑOR a traha shelu i tera, ma riba e

di shete dia El a sosegá i a keda refreská."

 

 14. Di kiko sabat ta un señal, fuera di e kreashon origal?

Ezekiel 20: 12 Tambe Mi a duna nan Mi sabatnan komo un señal entre Ami i nan, pa nan por sa ku Ami ta SEÑOR, Kende ta santifiká nan.

 

 15. Dor di ken su poder e universo visibel ta wòrdu mantené?  

 Kolosensenan 1: 17 I E ta promé ku tur kos, i den djE tur kos ta konsistí

 

 16. Kua palabranan ta proba ku tur kos material komo spiritual ta wòrdu mantené dor di mesun persona? 

1 Korintionan 8: 6 tòg pa nos tin un Dios so, e Tata, for di Kende tur kos ta bin, i nos ta eksistí p'E; i ún Señor, Jesu-Cristo, pa medio di Kende tur kos ta eksistí, i nos ta eksistí pa medio di djE.

 17.Pakiko Dios ta digno pa risibí, onor i gloria? 

Revelashon 4: 11 tòg pa nos tin un Dios so, e Tata, for di Kende tur kos ta bin, i nos ta eksistí p'E; i ún Señor, Jesu-Cristo, pa medio di Kende tur kos ta eksistí, i nos ta eksistí pa medio di djE.