2. Orígen, Konsekuensia i Remedi Kontra Piká

2.5 E Karakter i e Karakterístikanan di Dios

 

1 . Den kua palabra en karakter di Dios ta wòrdu expresá?

1 Juan 4: 8  Esun ku no ta stima no konosé Dios, pasobra Dios ta amor.

 

2 . Kua ta algun di e karakterístika di Dios? 

Salmo 145: 17  Señor ta hustu den tur Su kamindanan, i miserikòrdioso den tur Su obranan.

 

3 . Cristu tambe tin e mesun karakterístikanan ?

Isaias 53:  11 Komo resultado di e angustia di Su alma, E lo mira esaki i lo keda satisfecho; dor di Su konosementu Esun Hustu, Mi Sirbidó, lo hustifiká hopi hende, pasobra E lo karga nan inikidatnan..

Echonan 2: 27 pasobra lo Bo no entregá mi alma na Hades, ni pèrmiti Bo Santu mira korupshon. 

 

4 . Kon Moizes a deskribí e karakter di Dios?

 Exodo 34: 5-7 

5  I Señor a baha den e nubia i a keda para einan huntu kuné, i a proklamá e nòmber di Señor.

6  E ora ei Señor a pasa su dilanti i a proklamá: " Señor, Señor Dios, yen di yen di kompashon i grasia, Kende no ta rabia lihé i Kende ta abundá den miserikòrdia i bèrdat;

Kende ta mantené miserikòr­dia pa milnan, Kende ta pordoná iniki­dat, transgreshon i piká; sinembargo, di ningun manera E lo no laga di kastigá e kulpabel, ma ta bishitá e inikidat di tata­nan riba e yunan i riba e nietunan te na e di tres i e di kuater generashon."

 

5 . Kiko ta wòrdu bisá tokante e kompashon di Dios?

 Salmo 86: 15   Ma Abo, O Señor, ta un Dios yen di kompashon i grasia, Kende no ta rabia lihé, i ta abundante den miserikòrdia i bèrdat.

 

6 . Kiko ta wòrdu bisa tokante Dios su fieldat pa kumplí ku Su promesanan? 

Deuteronomio 7: 9   Pesei, sabi ku Señ bo Dios, E ta Dios, e Dios fiel, Kende ta warda Su aliansa i Su miseri­kordia pa ku esnan ku ta stim'E i ta warda Su      mandamentunan te na e di mil generashon;

 

7. Kiko ta wòrdu bisa tokante e poder i komprendementu  di Dios?

Job 36: 5  "Mira, Dios ta poderoso, ma E no ta despresiá ningun hende; E ta  poderoso den forsa di komprendementu.

 

8 . Kua tesoronan ta skonde den Kristo?  

Kolosensenan 2: 3 den Kende tur e tesoronan di sabiduria i konosementu ta skondi,

 

9 . Ku ki palabranan e hustisia di Dios ta wòrdu deskribí?

Deuteronomio  32: 4 E Baranka! Su obra ta perfekto, pasobra tur Sukamindanan ta hustu; un Dios di fieldat i sin inhustisia, hustu i rekto E ta.

 

10. Den kua palabranan Su imparsialidat ta wòrdu ekspresá?

Deuteronomio 10: 17 Pasobra SEÑOR boso Dios ta e Dios di diosnan i e Señor di señornan, e Dios grandi, poderoso i temibel, Kende no ta hasi distinshon di persona, ni ta aseptá plaka pasá bou di mesa.

Echonan 10: 34, 35

34  I Pedro a habri su boka i a bisa: "Di bèrdat mi ta komprendé awor ku Dios no ta hasi distinshon di persona,

35  ma den tur nashon e hende ku ta tem'E i ku ta hasi hustisia ta aseptabel p'E.

 

11. Pa kuantu hende Dios ta bon?

Salmo 145: 9 SEÑOR ta bon pa tur, i Su miserikòrdianan ta riba tur Su obranan.  

 

12. Di kon Cristo a ordená nos pa stima nos enemigunan?

Mateo 5: 44, 45

44  Ma Ami ta bisa boso, stima boso ene­migunan, bendishoná esnan ku ta maldi­shoná boso, hasi bon na esnan ku ta odia boso, i hasi orashon pa esnan ku ta maltratá boso i ta pèrsiguí boso,

45  pa boso por ta yunan di boso Tata ku ta den shelu: pasobra E ta hasi    Su solo sali riba mal hende i riba bon hende, I ta laga awa yobe riba hende hustu I riba hende inhustu.

 

 13. Kon perfekto Cristo ke pa su sigidornan ta?

Mateo 5: 48 Pesei boso mester ta perfekto, mes'kos ku boso Tata selestial ta perfekto