2. Orígen, Konsekuensia i Remedi Kontra Piká

2.6 E Amor di Dios

 

1 . Kiko Dios, ta segun e Palabra?

1 Juan 4: 16  I nos a konosé i a kere e amor ku Dios tin pa nos. Dios ta amor, I esunku ta permanesé den amor ta permanesé den Dios, i Dios ta permanesé den djé.

 

2 . Kon grandi e amor di Dios ta pa e mundu? 

Juan 3:16  Pasobra Dios a stima mundu asina tantu, ku El a duna Su Yu unigénito, pa ken ku kere den djE no bai pèrdí, ma tin bida etèrno.

 

3 . Dor di kua echo Dios a demonstra Su amor en partikular?

1 Juan 4: 9  Pa medio di esaki e amor di Dios a wòrdu manifestá den nos, ku Dios a manda Su Yu unigénito den mun­du pa nos por a biba pa medio di djE.

 

4 . Den kiko Dios tin delisia?

Mikeas 7: 18  Ken ta un Dios manera Bo, Kende ta pordoná inikidat i ta pasa e akto di rebeldia di erestante di Su erensia forbei? E no ta keda rabiá pa semper, pasobra E tin delisia den miserikòrdia ku no ta kambia.

 

5 . Kon e miserikòrdia di Dios kontinuamente ta bin na kla?

Lamentashonnan 3: 22, 23

22 Di bèrdat, e miserikòrdia di Señor no ta kaba nunka, pasobra Su kompashon nunka no ta faya.

23 Tur mainta nan ta nobo; grandi ta Bo fieldat.

 

6 . Riba kua hende Dios ta deramá su bendishonnan?

Mateo 5: 45  pa boso por ta yunan di boso Tata ku ta den shelu: pasobra E ta hasi Su solo sali riba mal hende i riba bon hende, I ta laga awa yobe riba hende hustu I riba hende inhustu.

 

7 . Kiko Hesus ta bisa di esnan ku ta stimÉ?

Juan 14: 21 Esun ku tin Mi mandamentunan i ta warda nan, esei ta esun ku ta stimaMi; i esun ku ta stimaMi lo wòrdu stimá dor di Mi Tata, i Ami lo stim'é i lo manifestá Mi mes na djé."

 

8 . Den ki relashon ku Dios su amor ta hasi nos kapas? 

1 Juan 3: 1 Mira ki un amor grandi e Tata a duna nos, ku nos por wàrdu yamá yunan di Dios; i esei nos ta. Pesei mundu no konosé nos, pasobra e no a konos'E.

 

9 . Kon nos por sa ku nos ta yunan di Dios? 

Romanonan 8: 14-16

14  Pasobra tur esnan ku ta wòrdu guiá dor di e Spiritu di Dios, esakinan ta yunan di Dios.

15  Pasobra boso no a risibi un spiritu ku ta hasi boso esklabu di temor atrobe, ma boso a r isibî e Spiritu di adopshon komo yunan, pa medio di kual nos ta sklama: "Abba," Tata!"

16  E Spiritu mes ta duna testimo­nio huntu ku nos spiritu ku nos ta yu di Dios,

 

 10. Kon e amor di Dios ta wòrdu anunsiá na e keriente?

Romanon 5: 5  i speransa no ta desapuntá, pasobra e amor di Dios a wòrdu dranamá den nos kurason dor di Spiritu Santu, Kende a wòrdu duná na nos.

 

11. Kiko ta wòrdu sperá di nos pa motibu di e gran amor di Dios?  

1 Juan 4: 11  Stimánan, si Dios a stima nos asina tantu, nos tambe mester stima  otro.

 

12. Ku kual midí do amor nos mester sirbi otro? 

1 Juan 3: 16  Na esaki nos konosé amor, ku El a entregá Su bida pa nos; i nos mester entregá nos bida pa e rumannan.

 

13. Kua amonestashon ta basá riba e amor di Kristo pa nos? 

Efesionan 5: 2  i kana den amor meskos ku Cristo tambe a stima boso, i a entregá Su mes pa nos, un ofrenda i un sakrifisio na Dios komo un holó dushi.

 

14. Riba ki fundeshi e trabao di Dios pa pekador ta basá? 

Efesionan 2: 4-6

4   Ma Dios, siendo riku den miserikòrdia, pa motibu di Su gran amor ku kual El a stima nos,

5  asta tempu ku nos tabata morto den nos transgreshen­nan, a hasi nos bibu huntu ku Cristo (pa medio di grasia boso a wòrdu salbá),

6  i a lanta nos huntu kunE, i a hasi nos sinta huntu kunE den e lugánan selestial, den Cristo Jesus,

Tito 3: 5, 6

5  EI a salba nos, no a base di obranan ku nos a hasi den hus­tisia, ma segun Su miserikòrdia, pa me­dio di e labamentu di regenerashon i renobashon pa medio di Spiritu Santu,

6  Kende El a basha rikamente riba nos pa medio di Jesu Kristo nos Salbador,

 

15. Na ki manera e amor di Dios tin biaha ta wòrdu revelá na nos? 

Hebreonan 12: 6  pasobra esnan ku Señor ta stima, E ta disipliná, i E ta suta tur yu ku E ta  risibí."

 

16. Kiko nos por spera ku konfiansa, pasó Dios ta mustra tantu amor pa nos?  

Romanonan 8: 32  Esun ku no a spar ni Su mes Yu, ma a entregu'E pa nos tur, lo E no duna nos tur-tur kos tambe huntu kunE?

 

17. Kiko e amor di Dios ta kapas pa hasi pa su yiunan? 

Deuteronomio 23: 5  Sinembargo, Señor bo Dios no tabata kier a skucha Balaam, ma Señor bo Dios a kambia e maldishon den un bendishon pa bo, pasobra Señor bo Dios ta stimabo.

 

18. Kiko e hendenan ta hasi ku ta apresiá e amor di Dios?

Salmo 36: 8  Nan ta bebe nan barika yen di e abundansia di Bo kas; i Bo ta duna nan di bebe for di e riu di Bo delisianan.

 

19. Kon firme ta e amor di Dios pa nos?

Jeremias 31: 3  For di leu aya Señor a paresé na djé, bisando: "Mi a stimabo ku un amor etèrno; pesei ku miserikòrdia Mi a halabo.

 

20. Tin ainda algu ku por separá e berdadero yiu di Dios for di e amor di Dios?  

Romanonan 8: 38, 39

38  Pasobra mi ta konvensi ku ni morto, ni bida, ni angelnan, ni prinsipadonan,' ni kosnan presente, ni kosnan futuro, ni podernan,

39  ni haltura, ni profundidat, ni ningun otro kos kreá, lo por separá nos for di e amor di Dios ku ta den Cristo Jesus nos Señor.

 

21. Ken e santunan lo duna honor den tur eternidat? 

Revelashon 1: 5, 6

5  i di Hesu-Kristo, e testigu fiel, e primogénito di e mortonan i e gobernante di e reinan di tera. Na Esun ku ta stima nos, i ku a libra nos di nos pikánan pa medio di Su san­ger.

6  i El a hasi nos bira un reino, saserdotenan pa Su Dios i Tata-na djE sea e gloria i e dominio pa semper i semper. Amèn.