3. E Kaminda na Kristo

3.10 Hustisia i Bida

 

1 .Kiko ta wòrdu sigurá na e kreyente? 

Juan 3: 16 Pasobra Dios a stima mundu asina tantu, ku El a duna Su Yu unigénito, pa ken ku kere den djE no bai pèrdí, ma tin bida etèrno.

 

2 .Kiko ta wòrdu revelá den e evangelio?    

Romanonan 1: 17  Pasobra den esaki e hustisia di Dios ta keda revelá di fe pa fe; manera ta pará skirbí: "Ma e hende hustu lo biba pa medio di fe.

 

3 .Kiko Cristo a trese na luz dor di e evangelio?  

2 Timoteo 1: 10  ma ku awor a wòrdu revelá pa medio di e aparishon di nos Salbador Cristo Jesus, Kende a aboli marto, i a trese bida i inmortalidat na kla pa medio di e evangelio

 

 4 .Kon intimo hustisia i bida ta konektá?

 Proverbionan 12: 28  Den e kaminda di hustisia tin bida, i den e kaminda ei no tin morto.

 

 5 .Dor di kiko grasia ta reina pa bida nobo?  

Romanonan 5: 21 pa mes­kos ku piká tabata reina den morto, asina tambe grasia por reina dor di hustisia pa bida etèrno dor di Jesu Cristo, nos Señor.

 

6 .Den kiko e bida di Spiritu ta eksistí realmente?  

Romanonan 8: 10 I si Cristo ta den boso, ounke e kurpa ta morto pa motibu di piká, tög e spiritu ta bibu pa motibu di hustisia..

 

7 .Kiko ta wòrdu deklará di e mandamentunan di Dios? 

Salmo 119: 172  Laga mi lenga kanta di Bo palabra, pasobra tur Bo mandamentunan ta hustisia.

 

 8 .Kiko Hesus ta deklará ku e mandementu di Dios ta?

Juan 12: 50  I Mi sa ku Su mandamentu ta bida etèrno; pesei e kosnan ku Mi ta papia, Mi ta papia presis manera e Tata a bisaMi.

 

9 . Ki nòmber Hesus lo kargá segun e profeta Jeremias?

Jeremias 23: 6  Den Su dianan Juda lo wòrdu salbá, i Israel lo biba den siguridat; i esaki ta e nòmber ku E lo karga: 'Señor nos hustisia.'.   

 

10 . Den ki kalidat hustisia por wòrdu risibí?  Als hoedanig wordt de rechtvaardigheid ontvangen?

Romanonan 5: 17 Pasobra si dor di transgreshon di esun morto tabata reina dor di esun ei, muchu mas esnan ku risibí e abundansia di grasia i e don di hustisia lo reina den bida dor di Esun, JesuCristo.  

 

11. Kon bida etèrno ta wòrdu otorgá?

Romanonan 6: 23 Pasobra e pago di piká ta morto, ma e don di grasia di Dios ta bida etèrno den Cristo Jesus, nos Señor.

12. Kiko Moises a indiká komo fundeshi di hustisia?

Deuteronomio 6: 25  I lo ta hustisia pa nos si nos pèrkurá di kumpli ku henter e manda­mentu aki dilanti di SEÑOR nos Dios, manera EI a ordená nos.    

 

 13. Kiko Christo a indiká komo nesesario pa risibí bida eterno?

Mateo 19: 17  I El a kontest'é: "Pakiko bo ta pun­tra Ami kiko ta bon? Tin solamente Un ku ta bon; ma si bo kier drenta bida, warda e mandamentunan."