3.13 E Kaminda na Kristo

3.13 Santifikashon di Beibel

 

1 . Kua sùplika den Skritura Santu ta indiká e standarte di loke un Cristian mester ta? 

1 Tesalonisensenan 5: 23 Awor, ku e Dios di pas mes santi­fiká boso kompletamente; i ku boso spi­ritu i alma i kurpa sea preservá komple­to, sin kulpa na e binida di nos Señor Jesu-Cristo.   

 

2 . Kon nesesario e ta pa nos eksperensha santifikashon? 

Hebreonan 12: 14 Aspirá pa tin pas ku tur hende, i santifikashon, sin kual ningun hende lo no mira Señor.   

 

3 . Kua animashon ta wòrdu duná komo yudansa pa risibí santifikashon? 

1 Tesalonisensenan 4: 3 Pasobra esaki ta e boluntat di Dios: boso santifikashon, esta, pa boso apstené boso di inmoralidat seksual,

 

4 . Ku kua propositi Hesus tabatin ora El a entregá Su mes pa su iglesia? 

Efesionan 5: 25, 26

25  Esposonan, stima boso esposa, meskos ku Cristo tambe a stima e iglesia i a entregá Su mes p'é,

26  pa E santifik'é despues di a purifik'é pa medio di e labamentu di awa ku e palabra,

 

5 . Ki sorto di iglesia E ke presentá na Su mes?

Efesionan 5: 27  pa E presentá na Su mes e iglesia den tur su gloria, sin mancha ni ploi ni nada pare­sido, ma pa é por ta santu i sin kulpa.

 

 6 . Kon hende, den su eksperensha di santifikashon, mester ta enfrente di e bérdat?                 

2 Tesalonisensenan 2: 13 Ma nos mester gradisí Dios semper pa boso, rumannan stimá di Señor, paso­bra Dios a skohe boso for di prinsipio pa salbashon pa medio di e obra di santifi­kashon dor di e Spiritu i fe den e bèrdat.

 

7 . Kua palabranan ta prueba ku santifikashon ta un obra progresivo? 

2 Pedro 3: 18  ma krese den e grasia i konosementu di nos Señor i Salbador Jesu-Cristo. Na E sea e gloria, awor i te na e dia di etèrnidat. Amèn.  

2 Pedro 1: 3-5  

3  komo ku Su poder divino a duna nos tur kos ku ta pertenesé na bida i santidat, dor di e konosementu bèrdade­ro di Esun ku a yama nos pa medio di Su mes gloria i ekselensia.

4  Pasobra pa medio di esakinan El a duna nos Su promesanan presioso i maraviyoso, ku pa medio di nan boso por a bira partisi­pante den e naturalesa divino, ya ku boso a skapa for di e korupshon ku tin den mundu pa kou a di pashon.

5  Awor pa e mesun motibu aki tambe, hasiendo tur diligensia, añadí na boso fe, birtut, i na boso birtut, konosementu;

 

8 . Dor di kiko purifikamentu di pika i preparashon pa servisio di Dios ta wòrdu ehekutá? 

Hebreonan 9: 13, 14 

13  Pasobra si e sprèngumentu di sanger di kabritu i toro i di e shinishi di un bishé muhé, riba esnan ku a wòrdu kontaminá, ta santifiká pa purifikashon di e karni,

14  kuantu mas e sanger di Cristo, Kende, pa medio di e Spiritu etèrno, a ofresé Su mes sin de­fekto na Dios, lo purifiká boso konsen­shi di obranan morto pa sirbi e Dios bibu?

Hebreonnan 10: 29 Kuantu mas pisá bo ta kere ku e kastigu mester ta pa esun ku a trapa e Yu di Dios bou di su pia, i ku a konsiderá impuru e sanger di e aliansa, pa medio di kual el a wòrdu santifiká, i a insultá e Spiritu di grasia?

 

 9 . Ki kambio ta tuma luga prome?

Romanonnan 12: 2  I no sea konforme e mundu aki, ma sea transformá pa medio di e renobamentu di boso mente, pa boso por komprobá kiko ta e bon i agradabel i perfekto boluntat di Dios.

 

10. Un hende por gaba ku e ta sin pika?

1 Juan 1: 8 Si nos bisa ku nos no tin piká, nos ta gaña nos mes, i e bèrdat no ta den nos.

 

11. Kiko e profeta ta atvertí nos pa buska?

Sofonias 2: 3  Buska Señor, boso tur umildenan di tera ku a kumpli ku Su ordenansanan; buska hustisia; buska umildat. Kisas boso lo wòrdu skondí riba e dia di e rabia di Señor.    

 

12. Den nòmber di ken tur kos mester wòrdu hasí?

Kolosensenan 3: 17  I tur loke boso hasi ku palabra òf ku echo, hasi tur den e nòmber di Señor Jesus, dunando gradisimentu dor di djE na Dios e Tata.

 

13. Gloria pa ken mester ta nos intenshon den tur kos ku nos ta hasi?

1 Korintionan 10: 31  Asina anto, sea ku boso ta kome òf bebe òf kiko ku boso ta hasi, hasi tur pa e gloria di Dios.  

 

14. Kua klase di hendenan nesesariamente lo wòrdu ekskluí for di e reino di Dios?

1 Korintionan 6: 9, 10

9  òf boso no sa ku e inhustunan lo no eredá e reino di Dios? No laga nan gaña boso; ni fornikadó, ni adoradó di dios falsu, ni adúltero, ni esnan a feminá, ni homoseksual,

10  ni ladron, ni esnan go­los pa plaka, ni buraché, ni blasfemadó, ni estafadó ' lo no eredá e reino di Dios.

 

15. Kiko mester wòrdu krusifiká i wòrdu di ban for di nos bida, si nos ta deseá santidat?

Kolosensenan 3: 5, 6

5  Pesei, konsiderá e miembronan di boso kurpa terenal komo morto pa inmo­ralidat, impuresa, pashon, deseo malu, I golosidat, ku ta igual na idolatria.

6  Pa­sobra ta pa motibu di e kosnan aki ku e furia di Dios lo bin riba e yunan di desobedensia,

 

16. Den kua estado un hende ta, ku a wòrdu purifiká di piká, i pa kiko e ta prepará?

2 Timoteo 2: 21 Pe­sei, si un hende purifiká su mes di e kosnan aki, e lo ta un instrumènt pa onor, santifiká, útil pa e Maestro, prepará pa tur bon obra.