3. E Kaminda na Kristo

3.15 E Berdat Presente

 

1 .Dor di kiko un hende ta wòrdu santifiká?   

Juan 17: 17 Santifiká nan den e bèr­dat; Bo palabra ta bèrdat.  

 

2 . Na kua konosementu Dios ke pa tur hende yega?

1 Timoteo 2: 4  Kende ta deseá pa tur hende wòrdu salbá i yega na konosementu di e bèrdat.

 

 3 .Kiko hende mester hasi pa wòrdu santifiká, despues di risibí konosementu di e berdat?

2 Tesalonisensenan  2: 13  Ma nos mester gradisí Dios semper pa boso, rumannan stimá di Señor, paso­bra Dios a skohe boso for di prinsipio pa salbashon pa medio di e obra di santifi­kashon dor di e Spiritu i fe den e bèrdat.

 

4 .Fuera di e berdat kiko mas ta nesesario?  

1 Pedro 1: 2  de uitverkorenen naar de voorkennis van God , de Vader, in heiliging door de Geest,  tot gehoorzaamheid en besprenging met het bloed van Jezus Christus: genade en vrede worde u vermenigvuldigd.     

  

5. Ki efekto obedensia na berdat tin? Welke uitwerking heeft gehoorzaamheid aan de waarheid?

1 Pedro 1: 22  Komo ku den obedensia na e bèrdat boso a purifiká boso alma pa un amor sinsero pa ku e rumannan, stima otro fervientemente di kurason,

 

6. Kon e berdat semper mester wòrdu di apresiá?

Proverbionan 23: 23  Kumpra bèrdat, i no bend'é, tambe sabiduria, instrukshon i komprendementu.   

 

7 . Beibel ta rekonosé loke por a wòrdu yamá “Berdat Presente”  

2 Pedro 1: 12  Pesei semper lo mi ta kla pa rekòrdá boso e kosnan aki, maske boso sa di nan kaba, i a wòrdu stablesí den e bèrdat ku boso tin awor.

 

8. Kiko tabata e mensahe pekuliar den e dianan di Noe?

Genesis 6: 13, 14 

13  E ora ei Dios a bis a Noe: "E fin di tur karni  a bin Mi dilanti, pasobra tera ta yen di violensia pa nan motibu; i mira, Mi ta bai destrui nan huntu ku tera.

14  Traha pa bo mes un arka di palu di gofer; traha karnber den e arka i klafati'é di paden i pafó ku breu.

 

9. Kon Noe a duna prueba di su fe den e mensahe aki?

Hebreonan 11: 7  Pa medio di fe Noe, siendo spièrtá pa Dios tok ante di kosnan ku no a wòrdu mirá ainda, ku temor di Dios a prepará un arka pa salbashon di e hendenan di su kas, pa medio di kual el a kondená mun­du i a bira un eredero di e hustisia ku ta segun fe.

 

 10. Kuantu hende a wòrdu salbá den e arka?

1 Pedro 3: 20  kendenan un tempu tabata desobedesido, tempu ku e pasenshi di Dios a keda spera den e dianan di Noe, durante di konstrukshon di e arka, den kual algun, esta, ocho persona, a wòrdu hibá sano i salvo dor di e awa.

 

11. Kua mensahe partikular a wòrdu duná na Jonas pa Nineve?

Jonas 3: 3, 4

3  Asina Jonas a lanta bai Nînive kon­forme e palabra di Señor. Awor Ninive tabata un stat masha grandi mes; tabata tuma tres dia pa por a pasa dor di djé,"

4  Anto Jonas a kuminsá pasa dor di e stat riba e promé dia di kaminda; i el a prediká i a bisa: "Aki kuarenta dia Nini­ve lo wòrdu des trui.”

 

12. Kiko a salba e hendenan for di e destrukshon pronostiká?

Jonas  3:8  Ma laga tantu hende komo bestia wòrdu tapá ku paña di saku; i laga hende sklama na Dios ku tur sin­seridat, pa kada un bira for di su mal kaminda i for di e violensia ku tin den su man.  (lesa 5-10); 

Jeremias  18: 8  anto e nashon ei ku Mi a spièrta bira for di su maldat, lo Mi repenti di e kalamidat ku Mi a plania pa trese riba djé.  (lesa7-10) 

 

 13. Kiko tabata e mensahe partikular di Juan?

Juan 1: 6, 7

6  Tabatin un hòmber, mandá di Dios, ku tabata yama Juan.

7  El a bin komo testigu pa e duna testimonio di e lus, pa tur kere pa medio di djé.

 

14. Ki kontesta el a duna ora el a wòrdu kuestioná tokante su mishon?

Juan  1: 23  El a bisa: "Am i ta e bos di un ku ta grita den desierto: 'Hasi e kaminda di Señor stret,' manera profeta Isaias a bisa.   

 

15. Kiko Cristo a bisa esnan ku a rechasá e mensahe di Juan?

Lukas 7: 30  Ma e fariseo­nan i e ekspertonan di Lei a rechasá e propósito di Dios pa nan mes, komo ku nan no a wördu batisá dor di Juan.

 

16. Kiko esnan, ku a wòrdu batisá dor di Juan, a hasi?

Lukas 7: 29  I ora henter e pueblo i e publikano­nan a ten de esaki, nan a rekonosé Dios Su hustisia, komo ku nan a wòrdu batisá ku e boutismo di Juan.

 

17. E pueblo skohí di Dios a akseptá Cristo, ora El a bini?

Juan 1: 11  EI a bin serka esnan ku tabata di djE, i esnan ku tabata di djE no a risibiE.

 

18. Ki motibu nan a duna di no aksept,E?

Juan 9: 29  Nos sa ku Dios a papia ku Moisés, ma pa loke ta e hòmber aki, nos no sa di unda El a bin."

 

19. Kiko Hesus a bisa, tabata e motibu ku nan a rechasá Hesus?

Mateo 23: 29, 30

29  "Ai di boso, eskribanan i fariseo­nan, hipokrítnanl Pasobra boso ta traha e tumbanan di e profetanan i ta dòrna e monumentonan di e hustunan,

30  i boso ta bisa: 'Si nos tabata biba den e dianan di nos tatanan, nos lo no tabata nan kómplise den dramamentu di sanger di e profetanan.'

 

20. Kiko tabata e resultado final pa e hudiunan ku no a akseptá?

Mateo 23: 38  Mira, boso kas ta keda desolá pa boso!    

 

21. Tin un mensahe partikular ku lo wòrdu tendé den e ultimo dianan?

Mateo 24: 44, 45 

44   Pa e motibu aki boso tambe sea prepará, pasobra e Yu di Hende lo bin na un ora ku boso no ta pensa.

45  "Ken anto ta e esklabu fiel i prudente ku su shon a laga enkargá ku su kas pa duna nan nan kuminda na su debido tempu?

 

22. Kiko Cristo ta bisa di e esklabu ku lo duna nan nan kuminda na su debido tempu ora E lo bini?

Mateo 24: 46  Bendishoná ta e esklabu ei, ku su shon ta haña ta hasi asina ora ku e bin.     

 

23. Kiko lo ta e mensahe prinsipal di e ultimo mensahe di evangelio?

Revelashon 14: 6-10

6  I mi a mira un otro angel ta bula meimei di shelu, kende tabatin un evan­gelio etèrno pa prediká na esnan ku ta biba riba tera, i na tur nashon i tribu i lenga i pueblo;

7  i el a bisa na bos haltu: "Teme Dios i dun'E gloria, pasobra e ora di Su huisio a yega; i adorá Esun ku a traha shelu i tera i laman i fuentenan di awa."

8  I un otro angel, un di dos, a sigui, bisando: "El a kai! Ata e gran Babilonia a kai, esun ku a hasi tur e nashonnan bebe di e biña di e pashon di su inmora­lidat.

 9  I un otro angel, un di tres, a sigui nan, bisando na bos haltu: "Si un hende

adorá e bestia i su imagen, i risibi un marka na su frenta of na su man,

10  lo e tambe di e biña di e furia di Dios, ku ta wòrdu bashá puru den e kòmchi di Su rabia; i e lo wòrdu tormentá ku kan­dela i swafel den presensia di e angelnan santu i den presensia di e Lamchi.

 

 24. Kon esnan ku a akseptá e mensahe aki ta wòrdu deskribí?

Revelashon 14: 12  At'aki e pèrse­veransia di e santunan ku ta warda e mandamentunan di Dios i nan fe den Jesus.

 

 25. Ku kuantu seriedat e obra aki mester wòrdu kontinuá?

Lukas 14: 23  I e shon a bisa e esklabu: 'Bai na tur e kamindanan grandi i banda di e serkánan, i obligá nan drenta, pa mi kas por ta yen.