3. Kaminda na Kristo

3.6 Bautismo

 

1 . Kua ordenansa  ta den un relashon intimo ku e fe den e evangelio? 

Marko 16: 15, 16 

15  I El a bisa nan: "Bai den henter mundu i prediká e evangelio na tur kriatura.

16  Esun ku a kere i a wòrdu batisá lo ta salbá; ma esun ku no a kere lo ta kondená.

 

2 . Kiko apostel Pedro a konektá na bautismo den su predikashi riba dia di Pentecoste?  

Echonan 2: 38  I Pedro a kontestá nan: "Repentí, i laga kada un di boso wòrdu batisá den e nòmber di Jesu-Cristo pa pordon di boso pikánan; i boso lo risibî e don di Spiritu Santu.

 

3 . Kiko Filipe a bisa e wardado di prison pa hasi riba su pregunta tokante salbashon?    

Echonan 16: 31  I nan a bisa: "buta bo konfiansa den Señor Jesus i lo bo ta salbá, abo i e hendenan di bo kas.

 

4 . Kiko a sosodé despues ku e  wardado di prison i su famia a aseptá Cristo komo nan salbador?     

Echonan  16: 33  I na e mesun ora di anochi ei el a bai ku nan pa laba nan heridanan, i el a wòrdu batisá mesora, é i tur e hen­denan di su kas.

 

5 . Kiko ta wòrdu labá dor di e bautismo Kristian? 

Echonan 22: 16  I awor, pakiko bo ta tarda? Lanta, i wòrdu batisá i laba kita bo pikánan, invokando Su nòmber.'

Tito 3: 5  EI a salba nos, no a base di obranan ku nos a hasi den hus­tisia, ma segun Su miserikòrdia, pa me­dio di e labamentu di regenerashon i renobashon pa medio di Spiritu Santu,

1 Pedro 3: 21  I korespondiendo na esei, bou­tismo awor ta salba boso no e kitamentu di sushi for di e karni, ma un apelashon na Dios pa un bon konsenshi pa medio di e resurekshon di Jesu Cristo,

 

 6 . Pa medio di kiko e pikanan ta wòrdu laba?

Revelashon 1: 5  i di Hesu-Kristo, e testigu fiel, e primogénito di e mortonan i e gobernante di e reinan di tera. Na Esun ku ta stima nos, i ku a libra nos di nos pikánan pa medio di Su san­ger.

 

7 . Den nòmber di ken e kerientenan ta wòrdu batisá?

Mateo 28: 19  Pesei, bai i hasi tur e nashonnan disipel di Mi, i batisá nan den nòmber di e Tata i di e Yu i di e Spiritu Santu,

 

 8 . Ora kerientenan wòrdu batisá den Cristo, ku ken nan ta wòrdu bistí?      

Galationan 3: 27  Pasobra boso tur, ku a wòrdu batisá den Cristo, a bisti boso mes ku Cristo.  

 

9 . Esnan ku a wòrdu batisá den Cristo den ki otro experensia di bautismo nan ta drenta?      Romanonan 6: 3  òf boso no sa ku nos tur ku a wòrdu batisá den Cristo Jesus a wòrdu batisá den Su morto?

 

10. Kon e bautismo aki ta wòrdu deskribí?

Romanonan 6: 4  Pesei nos a wòrdu derá huntu kunE dor di boutismo den morto, pa meskos ku Cristo a wòrdu lantá for di e mortonan dor di e gloria di e Tata, nos tambe por kana den nobedat di bida.

 

 11.Te ku kua altura nos ta wòrdu uní ku Cristo den Su experensia di morto resurekshon?     

Romanonan 6: 5  Pasobra si nos a wòrdu uni kunE den e semehansa di Su morto, siertamente nos lo ta uní kunE tambe den e semehan­sa di Su resurekshon,

 

12. Kiko ta resultá den e union ku Cristo den su morto i resurekshon?

Romanonan 6: 8 Awor, si nos a muri ku Cristo, nos ta kere ku nos lo biba kunE tambe,

 

13. Den ki efekto mester kere en relashon ku bautismo?

Kolosensenan  2: 12  siendo derá kunE den boutismo, den kual boso a wòrdu lantá tambe huntu kunE dor di fe den e poder di Dios, Kende a lant'E for di e mortonan.

 

14. Kua ehempel Hesus a duna su siguidornan na kuminsamentu di servisio publiko?

Mateo 3: 13  E ora ei Jesus a yega for di Galilea na Jordan serka Juan, pa E wòrdu batisá dor di djé.

 

 15. Kua evento pekuliar a tuma luga na e bautismo di Hesus?

Mateo 3: 16, 17

16  I despues di a wòrdu batisá, Jesus a sali mesora for di awa; i ata, e shelunan a wòrdu habri i el a mira e Spiritu di Dios baha manera un palomba i keda riba djE.

17  I ata, un bos for di e shelunan, bisan­do: "Esaki ta Mi Yu stimá, den Kende Mi tin goso."

 

 16. Ki promesa ta wòrdu duná na esnan ku a repentí i wòrdu batisá?

Echonan  2: 38  I Pedro a kontestá nan: "Repentí, i laga kada un di boso wòrdu batisá den e nòmber di Jesu-Cristo pa pordon di boso pikánan; i boso lo risibî e don di Spiritu Santu.

 

17. Ki pregunta e eunuko a hasi Filipe ora el a kaba predika Hesus na dje?

Echonan 8: 36  I siguiendo riba e kaminda, nan a yega na un lugá ku tin awa, i e eunuko a bis a: "Ata awa! Kiko ta stroba pa mi wòrdu batisá

 

18. Unda Filipe a hiba e eunuko pa wòrdu batisá?

Echonan  8: 38  I el a duna òrdu pa para e garoshi; i nan tur dos a baha bai den awa, tantu Felipe komo e eunuko; i Felipe a batis'é.

 

19. Di ki manera e hendenan di Samaria a testifiká den publiko, ku nan e kere e predikashi di Filipe?

Echonan  8: 12  Ma ora nan a kere Felipe, kende tabata prediká e bon nobo tokante di e reino di Dios i e nòmber di Jesu-Cristo, nan tabata wòrdu batisá, tantu hòmber komo muhé.

 

20. Kiko apostel Pedro a ordená pa hasi na e paganunan ku a kere?

Echonan 10: 47, 48 

47 Tin un hende ku por nenga e awa pa esakinan wòrdu batisá? Nan no a risibí Spiritu Santu meskos ku nos?

48  I el a ordená nan pa wòrdu batisá den e nòmber di Jesu Cristo. E ora ei nan a pidié pa keda algun dia serka nan.

 

21. Kon perfekto e unidat ta na kual e kerientenan ta wòrdu hibá dor di kere den Hesus?

 1 Korintionan 12: 12, 13

12  Pasobra meskos ku e kurpa ta ún i tòg tin hopi miembro, i tur e miembro­nan di e kurpa, maske nan ta hopi, ta un kurpa, asina Cristo tambe ta.

13  Pasobra pa medio di ún Spiritu nos tur a wòrdu batisá den ún kurpa, sea hudiu òf griego, sea esklabu òf liber, i na nos tur a wòrdu duná di bebe di ún Spiritu.

 

22. Kiko e keriente mester hasi, despues ku el a wòrdu uní ku Cristo den e igualdat den Su morto i reserekshon?

Kolosensenan 3: 1  Si boso a wòrdu lantá ku Cristo anto, sigui buska e kosnan djariba, kaminda Cristo ta, sintá na man drechi di Dios.