3. E Kaminda na Kristo

3.7 Rekonsiliá ku Dios

 

1 . Ki suplika Dios ta hasi na nos pa medio di su mensaheronan skohí?

 2 Korinthionan 5: 20  Pesei nos ta embahadornan pa Cristo, komo si fuera Dios tabata spièrta dor di nos; nos ta roga boso den e nòmber di Cristo, sea rekonsiliá ku Dios.

 

 2 . Ken ta ehekutá e rekonsiliashon?  

2 Korintionan 5: 18  Awor tur e kosnan aki ta bin di Dios, Kende a rekonsiliá nos ku Su mes dor di Cristo, i a duna nos e ministerio di rekonsilia­shon,

 

 3 . Kiko tabata nesesario pa  realisá e rekonsiliashon?  

Romanonan 5: 10  Pasobra si tempu ku nos tabata enemi­gu, nos a wòrdu rekonsiliá ku Dios dor di morto di Su Yu, kuantu mas, siendo rekonsiliá, nos lo ta salbá pa medio di Su bida.

 

 4 . Ki fundeshi pa rekonsiliashon Cristo a hasi? 

Kolosensenan 1: 20  i dor di djE rekonsiliá tur kos kunE mes, sien­do ku El a hasi pas kaba dor di e sanger di Su krus; dor di djE, mi ta bisa, tantu kosnan riba tera komo kosnan den shelu.

 

 5 . Dor di ken nos ta  optené e rekonsiliashon? 

Romanonan 5: 11  I no solamente esaki, ma tambe nos ta regosihá den Dios dor di nos Señor Jesu-Cristo, dor di Kende awor nos a risibí rekonsiliashon.

 

6 . Den kua profesia e trabao di rekonsiliashon a wòrdu pronostiká?  

Daniel 9: 24  "Setenta siman a wòrdu stipulá pa bo pueblo i bo stat santu, pa tèrminá e transgreshon, pa pone un fin na piká, pa hasi ekspiashon pa inikidat, pa trese hus­tisia etèrno, pa seya vishon i profesia, i pa ungi e lugá santisimo.

 

7 . Ora Dios tabata rekonsiliando e mundu ku Su mes kon Ela relashoná Su mes ku hende?   

2 Korintionan 5: 19  esta, ku Dios den Cristo tabata rekonsiliando e mundu ku Su mes, sin tuma nan pikánan na kuenta, i EI a en­kargá nos ku e palabra di rekonsiliashon.

 

8 . Kiko a hasi posibel ku Dios por trata pekadornan di tal forma?  

 Isaias 53: 6  6  Nos tur a kana dwal manera karné, kada un a kohe su mes kaminda; ma Señor a hasi e inikidat di nos tur baha riba djE.

 

9 . Kiko Cristo a wòrdu hasí pa finalmente por slaba pekadornan? 

 2 Korintionan 5: 21  EI a hasi Esun, Kende no tabata konosé piká, bira piká pa nos, pa nos por bira e hustisia di Dios den djE.

 

10. Kon Ela wòrdu tratá?

 Isaias 53: 5  Ma EI a wòrdu traspasá pa nos transgreshonnan, El a wòrdu gòlpiá pa nos inikidatnan; e kastigu ku a trese pas pa nos tabata riba djE, i pa medio di Su heridanan nos ta kurá.

 

11. Kiko Juan a deklará tokante di djE?

Juan 1: 29  E siguiente dia Juan a mira Jesus ta bin serka djé i a bisa: "Ata e Lamchi di Dios ku ta kita piká di mundu!

 

12. Na unda Cristo a hiba e pikanan?

1 Pedro 2: 24  i E mes a karga nos pikánan den Su kurpa na e krus, pa nos, siendo morto pa piká, por a biba pa hustisia; pasobra pa medio di Su herida­nan boso a wòrdu kurá.

 

13. Kiko ta Cristo su proposito ku Su trabao di rekonsiliashon?

Kolosensenan 1: 21, 22

21  I maske anteriormente boso tabata stranhero i enemigu den mente, okupá ku mal echonan,

22  tàg awor El a rekon­siliá boso den e kurpa di Su karni dor di morto, pa presentá boso Su dilanti santu i sin kulpa i sin ningun reproche.