3. E Kaminda na Kristo

3.9 Hustifikashon pa medio di Fe

 

1 . Kiko ta e base di hustifikashon di Dios?  

Tito 3: 7  pa nos, siendo hustifiká pa medio di Su grasia, por wòrdu hasî erederonan segun e speransa di bida etèrno.

 

 2 . Dor di kua medio e hustifikashon aki ta desponibel pa pekadornan?    

Romanonan 5: 9 Muchu mas anto, siendo hustifiká awor pa medio di Su sanger, nos lo ta salbá for di e furia di Dios dor di djE.

 

3 . Kon nos ta optené e hustifikashon aki?

Romanonan 3: 28  Pesei nos ta yega na e konklushon ku un hende ta hustifiká pa medio di fe, sin obra di Lei.

 

4 . Kiko ta e uniko manera riba kual pekadornan por wòrdu hustifiká?     

Galationan  2: 16  sin­embargo, sabiendo ku un hende no ta wòrdu hustifiká pa medio di e obranan di Lei ma dor di fe den Cristo Jesus, nos tambe a kere den Cristo Jesus, pa nos por wòrdu hustifiká pa medio di fe den Cristo, i no pa medio di e obranan di Lei; komo ku pa medio di e obranan di Lei ningun hende" lo no wòrdu hustifiká.

 

5 . Kua ehempel bibu ta klarifiká e nifikashon di e doktrina aki?

Genisis 15: 5, 6

5  I EI a bai pafó kuné i a bisa: "Awor wak na e shelunan i konta e streanan, si bo por konta nan." I EI a bis'é: "Asina bo de­sendientenan lo ta. "

6  E ora ei el a kere den Señor, i EI a konta esaki komo hustisia p'é.

 

 6 . Kon hustifikashon ku ta wòrdu risibí, ta wòrdu deskribí?  

Filipensenan 3: 9  i  por wòrdu hañá den djE, no teniendo un hustisia di mi mes ku ta bin for di Lei, ma esun ku ta dor di fe den Cristo, e hustisia ku ta bin di Dios pa medio di fe,

 

7 . Riba kua base hustifikashon ta resultá?   

Romanonan 5: 16  I e don no ta manera loke a bin dor di esun ku a peka; pasobra di un banda huisio a bin dor di un transgreshon ku a resultá den kondenashon, ma di otro banda e don di grasia a bin dor di hopi transgre­shon ku a resultá den hustifikashon.

 

8 . Riba kua base e regalo, ku ta wòrdu duná na esnan ku ta traha, ta wòrdu duná?  

Romanonan 4: 4  Awor pa esun ku ta traha, su pago no ta wòrdu kontá komo fabor, ma komo aIgu meresí,

 

9 . Riba kual kondishon  hustifikashon  pa fe ta wòrdu duná? 

Romanonan 4: 5  Ma pa esun ku no ta traha, ma ta kere den Esun ku ta hustifiká e impio, su fe ta wòrdu kontá komo husti­sia,

 

10. Kon grasia, ku ta e base di hustifikashon, ta tene hustifikashon pa medio di obranan afo?

Romanonan 11: 6  Ma si ta pa grasia, anto no ta a base di obra mas, sino grasia no ta grasia mas.

 

 11. Riba ki manera Hudiunan komo paganunan ta wòrdu hustifiká?

Romanonan 3: 29, 30

29  òf Dios ta e Dios di hudiu so? E no ta e Dios di pagano tambe? Sî, di pagano tambe,

30  komo ku tin ún Dios, Kende lo hustifiká esnan sirkumsi­dá pa medio di fe i esnan insirkumsidá dor di fe.

 

 12. Kua palabranan ta tesifiká di e fe di Abraham?

Romanonan 4: 20, 21

20  tòg, rela­shoná ku e promesa di Dios, e no a duda dor di inkredulidat, ma a bira fuerte den fe, dunando gloria na Dios,

21  siendo kompletamente sigur ku loke EI a pri­mintí, E tabata kapas di hasi tambe.

 

 13. Kiko tabata e resultado di su fe?

Romanonan 4: 22  Pesei tambe esaki a wòrdu kontá komo hustisia p'é.

 

14. Kon nos por risibí e mesun hustifikashon por wòrdu kontá pa nos?

Romanonan 4: 23, 24

23  Awor no ta pa su motibu so a wòrdu skirbí ku esaki a wòrdu kontá p'é,

24  ma pa nos motibu tambe, na kendenan esaki lo wòrdu kon­tá, komo esnan ku ta kere den Esun ku a lanta Jesus, nos Señor, for di e morto­nan,

 

15. Di kon hustifikashon pa fe ta mará na e morto tantu komo e resurekshon di Cristo?

Romanonan 4: 25  Kende a wòrdu entregá pa motibu di nos transgreshonnan, i a wòrdu lantá pa motibu di nos hustifikashon.

 1 korintionan 15: 17  i si Cristo no a wòrdu lantá, boso fe ta sin balor; ainda boso ta den boso pikánan.

 

 16. Kiko ta inseparabelmente konektá na hustifikashon pa medio di fe?

Echonan 13: 38, 39

38  Pesei, sabi anto, ruman­nan, ku pa medio di djE pordon di piká ta wordu proklamá na boso,

39  i pa medio di djE tur esnan ku ta kere ta hustifiká di tur kos, di kualnan boso no por a wòrdu hustifiká dor di e Lei di Moisés.

 

 17. Kon Cristo a hasi posibel ku hustifikashon por wòrdu kontá pa pekadornan?

Romanonan  5: 19  Pa­sobra meskos ku dor di desobedensia di esun hende hopi a wòrdu hasi pekadó, asina tambe dor di obedensia di Esun hopi lo wòrdu hasí hustu.

 

 18. Kua splikashon profetiko a profetisá e berdat aki?

Isaias 45: 25  Den Señor tur e yunan di Israel lo ta hustifiká i lo gloria."

 

 19. Kua otro profesia ta papia di e mesun berdat aki ?

Isaias 53 : 11  Komo resultado di e angustia di Su alma, E lo mira esaki i lo keda satisfecho; dor di Su konosementu Esun Hustu, Mi Sirbidó, lo hustifiká hopi hende, pasobra E lo karga nan inikidatnan.

 

20. Pa kiko e hustifikashon ku Cristo a kontá pa nos, ta demonstrá ku Dios ta hustifiká hende i tog ta keda hustu?

Romanonan 3: 26  pa demostrá Su hustisia den e tempu pre­sente, pa E por ta hustu i Esun ku ta hustifiká e hende ku tin fe den Jesus.

 

 21. Ku kua nomber Cristo ta wòrdu menshoná apropiádamente?   

Jeremias 23: 5, 6

5  "Ata, e dianan ta bin," Señor ta deklará, "ku lo Mi lanta un Rama hustu pa David. I E lo reina komo rei i aktua ku sabiduria, i hasi huisio i hustisia den e tera.

6  Den Su dianan Juda lo wòrdu salbá, i Israel lo biba den siguridat; i esaki ta e nòmber ku E lo karga: 'Señor nos hustisia.'

 

 22. Ki eksperensia ta sigui ora nos akseptá Cristo komo nos hustifikashon?

Romanonan 5: 1  Pesei, siendo hustifiká pa medio di fe, nos tin pas ku Dios dor di nos Señor Jesu-Cristo,

 

23. Kiko Cristo pa e motibu ei ta bira pa e kreyente?

Efesio  2: 14  Pasobra E mes ta nos pas, Kende a hasi tur dos grupo bira ún, i a tumba e muraya meimei ku ta separá,

 

24. A base di kiko no tin posibilidat pa e pekador pa wòrdu hustifiká?

Romanonan 3: 20  pasobra pa medio di e obranan di Lei ningun hende lo no ta hustifiká den Su bista; pasobra dor di Lei ta bin konosementu di piká.

 

 25. Kon e morto di Cristo ta testifiká di esei?

Galationan  2: 21  Mi no ta anulá e grasia di Dios; pasobra si hustisia ta bin dor di Lei, e ora ei ta enbano Cristo a muri. "

 

26. Kiko ta wòrdu probá ora kada bes ta hasi esfuerso pa wòrdu hustifika pa medio di lei?

Galationan  5: 4  Boso a wòrdu se­pará tor di Cristo, boso ku ta buska pa wòrdu hustifiká pa medio di lei; boso a kai for di grasia.

 

 27. Pa ki motibu Israel no alkansá hustifikashon?

Romanonan 9: 31, 32

31  ma Israel, ku tabata buska un lei di hustisia, no a alkansá e lei ei.

32  Paki­ko? Pasobra nan no a busk'é pa medio di fe, ma komo si fuera e tabata pa medio di obranan. Nan a trompeká riba e piedra di trompeká,

 

 28. Kiko ley ta revelá?

Romanonan 3: 20  pasobra pa medio di e obranan di Lei ningun hende lo no ta hustifiká den Su bista; pasobra dor di Lei ta bin konosementu di piká.

 

 29. Kiko ta testifiká di e berdadero hustifikashon dor di fe pero fuera di obranan?

Romanonan 3: 21  Ma awor fuera di Lei e hustisia di Dios a wòrdu manifestá, di kual e Lei i e Profetanan ta testifiká,

 

30. Fe ta anulá Lei?

Romanonan 3: 31  Ta anulá nos ta anulá Lei anto dor di fe? Di ningun manera! Alkontrario, nos ta stablesé Lei.

 

31. Kua parti di Skritura ta mustra, ku hustifikashon risibí dor di grasia pa medio di fe, no mester ta motibu pa kontinuá den piká?

Romanonan  6: 1, 2

1  Kiko nos lo bisa anto? Nos mester sigui den piká pa grasia por oumen­tá?

2  Di ningun manera! Kon nos, ku ta morto pa piká, lo sigui biba den djé?

 

 32. Fe ta ekskluí obranan?

Santiago 2: 20  Ma bo ta dispuesto pa rekonosé, abo hende bobo, ku fe sin obranan ta inútitil?

 

33. Kiko ta e signal di fe berdadero i bibu?

Santiago 2: 18  Ma un hende por bisa: "Abo tin fe i ami tin obranan.

"Mustrami bo fe sin e obranan, i ami lo mustrabo mi fe pa medio di mi obranan."  

 

34. Kiko ta e pruebanan visibel di berdadero hustifikashon pa medio di fe?

Santiago 2: 22, 24

22  Bo ta mira ku fe tabata traha huntu ku su obranan, i komo resultado di e obranan, fe a wòrdu perfekshoná;

24  Boso ta mira ku un hende ta wòrdu hustifiká pa medio di obranan, i no pa medio di fe so.