4. Bida, komparashonnan i milagernan di Hesus

4.11 E segunda Binida di Cristo

 

1 . Ki promesa Cristo a duna tokante Su binida? 

Juan 14:1-3

1  "No lag a boso kurason bira in­trankil; kere den Dios, kere tam­be den Mi.

2  Den kas di Mi Tata tin hopi lugá-di-biba; si no tabata asina, lo Mi a bisa boso; pasobra Mi ta bai pa prepará un lugá pa boso.

3  I ora Mi bai i prepará un lugá pa boso, lo Mi bin atrobe i risibi boso serka Mi, pa kaminda Ami ta, boso tambe por ta.

 

2 . Kiko Cristo a bisa ku lo sosode despues di e signal di Su binida?  

Lukas 21:27  I e ora ei nan lo mira e Yu di Hende ta bin den un nubia ku poder i gran gloria.

 

3 . Mundu lo ta prepará  pa enkontrel’E?  

Mateo 24:30  "E ora ei e señal di e Yu di Rende lo paresé na shelu, i e ora ei tur e tribunan di riba tera lo lamentá, i nan lo mira e Yu di Hende ta bin riba e nubia­nan di shelu ku poder i gran gloria.

Revelashon 1:7 Mira, E ta bin ku e nubianan, i tur wowo lo mir'E, tambe esnan ku a traspas'E; i tur e tribunan di tera lo lamentá pa Su motibu.   Sí Amèn.

 

4 . Pakiko hopi lo no ta prepará pa e evento aki? 

Mateo 24:48-51

48  Ma si e esklabu malba­do ei bisa den su kurason: 'Mi shon lo no bin p'awor,'

49  i e kuminsá bati su kompañeronan-esklabu i kome i bebe huntu ku burachénan,

50  e shon di e es­klabu ei lo bin riba un dia ku e no ta sper'é i na un ora ku e no sa,

51  I lo kòrt'é na pidapida i lo dun'é un lugá huntu ku e hipokrítnan; ayanan lo tin yoramentu i mordementu riba djente.

 

5 . Ku kiko mundu lo okupá su mes ora Cristo ta bini?

Mateo 24:37-39

37  Pasobra e binida di e Yu di Hende lo ta meskos ku e dianan di Noe.

38  Pasobra meskos ku den e dianan ei ku tabata promé ku e diluvio, nan tabata kome i bebe, nan tabata kasa i duna pa kasa, te dia ku Noe a bai den e arka,

39  i nan no a komprendé te ora ku e diluvio a bin i a bai ku nan tur, asina e binida di e Yu di Hende lo ta.

 Lukas 17:28-30

28  Tabata meskos ku a sosodé den e dianan di Lot: nan tabata kome, nan tabata bebe, nan tabata kumpra, nan ta­bata bende, nan tabata planta, nan tabata traha kas;

29  ma riba e dia ku Lot a sali for di Sodoma a yobe kandela i swafel for di shelu i a destruí nan tur.

30  Lo ta meskos riba e dia ku e Yu di Hende wòrdu revelá.

 

6 . Ken ta hasi e hendenan siegu pa e evangelio di Cristo? 

2 Korintionan 4: 4 den kende nan kaso e dios di e mundu aki a siega mente di esnan ku no ta kere, pa nan no mira e lus di e evangelio di e gloria di Cristo, Kende ta e imagen di Dios.

 

7 . Ki siguridat a wòrdu duna na e asenshon di Cristo tokante Su binida? 

Echonan 1:10, 11

10  I mientras ku nan tabata fiha nan bista na shelu segun ku E tabata subi bai, ata dos hòmber bist! na blanku a bin para banda di nan,

11  kendenan tambe a bisa: "Hòmbernan di Galilea, pakiko boso ta para wak na shelu? E Jesus aki, Kende a wòrdu tumá for di boso na shelu, lo bolbe di e mesun manera ku boso a mir'E ta bai shelu.

 

8 . Kon bieu e siñansa di e binida di Cristo ta? 

Judas 14, 15

14  I tokante di esakinan Enok tambe, den e di shete generashon for di Adam, a profetisá, bisando: "Mira, Señor a bin ku hopi miles di Su santunan,

15  pa ehe­kutá huisio kontra tur, i pa kondená tur e hendenan impio pa tur nan echonan di impiedat ku nan a kometé den impiedat, i pa tur e kosnan duru ku pekadónan impio a papia kontra djE.

 

9 . Ki konfiansa Job tabatatin den binida di Cristo? 

Job 19:25-27

25  Pasobra mi sa ku mi Redentor ta biba, i ku na final E lo para riba tera.

26  I despues ku mi kueru keda destruí, mi sa esaki, ku den mi karni lo mi mira Dios,

27  Kende ami mes lo mira, i mi mes wowo lo mira i ningun otro hende.

Mi kurason ta anhelá den mi.

 

10. Kon David ta papia tokante e binida di Cristo?

Salmo 96:13  dilanti di SEÑOR, pasobra E ta bin pasobra E ta bin pa huzga tera. E lo huzga mundu ku hustisia, i e pueblonan den Su fieldat.

 

11. Kon Pablo ta ekspresá e speransa aki?

Filipensenan 3:20  Ma nos siudada­nia ta den shelu, for di unda nos ta spera ansiosamente pa un Salbador, e Señor Jesu-Cristo,

Tito 2:13  wardando riba e speransa bendishoná ie aparishon di e gloria di nos gran Dios i Salbador, Cristo Jesus,

 

12. Ki testimoño Pedro ta duna tokante e binida di Cristo?

2 Pedro 1:16  Pasobra nos no a sigui fábulanan trahá ku astusia ora nos a hasi konosi na boso e poder i binida di nos Señor Jesu­Cristo, ma nos tabata testigu ku a mira Su mahestat ku nos mes wowo.

 

13. Ki ora e sanutunan lo ta meskos ku Cristo?

1Juan  3:2  Stimánan, awor nos ta yunan di Dios, i ainda no a wòrdu revelá kiko nos lo ta. Nos sa si ku ora E paresé nos lo ta meskos kunE, pasobra nos lo mir'E ma­nera E ta. 

 

14. Kua skritura ta mustra ku e binida di Cristo lo ta un tempu di rekompensa?

Mateo 16:27  Pasobra e Yu di Hende lo bin den e gloria di Su Tata, huntu ku Su angelnan; anto E lo rekompensá kada hende segun su obra­nan.

Revelashon  22:12  Mira, Mi ta bin pronto, i Mi re­kompensa ta ku Mi, pa duna kada hende segun loke el a hasi.

 

15. Na ken salbashon ta wòrdu primití na e paresementu di Cristo?

Hebreonan 9:28  asina Cristo tambe, Kende a wòrdu ofresi un biaha so pa karga e pikánan di hopi hende, lo paresé pa di dos biaha, no pa karga piká, ma pa salbashon di esnan ku ta sper'E

 

16. Kua influensia e speransa aki tin riba e bida?

1 Juan 3: 2,3

2  Stimánan, awor nos ta yunan di Dios, i ainda no a wòrdu revelá kiko nos lo ta. Nos sa si ku ora E paresé nos lo ta meskos kunE, pasobra nos lo mir'E ma­nera E ta. 

3  I kada un ku tin e speransa aki den djE ta purifiká su mes, meskos ku E ta puru.

 

17. Na ken, segun Pablo, un korona di hustisia ta wòrdu primintí?

2 Timoteo 4:6-8

6  Pasobra ami ta wòrdu bashá kaba komo un ofrenda di bibida, i mi tempu di bai a yega.

7  Mi a lucha e bon lucha, mi a tèrminá e kareda, mi a warda e fe;

8  den futuro ta wardá pa mi e korona di hustisia, kual Señor, e Hues hustu, lo dunami riba e dia ei; i no na ami so, ma tambe na tur esnan ku a stima Su binida.

 

18. Kiko esnan ku ta spera Cristo lo bisa ora e ta bini?

Isaias 25:9  Anto den e dia ei hende lo bisa: "Mira, esaki ta nos Dios, riba Kende nos a spera pa E salba nos. Esaki ta e Señor, riba Kende nos a spera;  laga nos regosihá i sea kontentu den Su salbashon."

 

19. Un tempu eksakto di e binida di Cristo a wòrdu revelá?

Mateo 24:36  Ma di e dia ie ora ei ningun hende no sa, ni e angelnan di shelu tampoko, ni e Yu, sino e Tata so.

 

20. A base di echo aki, kiko Cristo a bisa nos pa hasi?

Mateo 24:42  Sea alerta anto, pasobra boso no sa ki dia boso Señor ta bin.

 

21. Kua spiertamentu Cristo a duna pa e efento grandi aki no bin direpiente riba nos?

Lukas 21: 34-36

34  Tene kuidou pa boso kuras on no ta kargá pa kousa di paranda i buracheria i e preokupashonnan di bida, i e dia ei no bin direpiente riba boso maner a un trampa;

35  pasobra e lo bin riba tur esnan ku ta biba riba superfisio di henter mun­duo

36  Ma sea alerta tur ora bai, hasiendo orashon pa boso por tin forsa pa skapa di tur e kosnan aki ku ta bai tuma lugá, i pa para dilanti di e Yu di Hende.

 

22. Kua birtut Kristian nos ta wòrdu avisá pa praktiká den nos speransa riba e evento aki?

Santiago 5: 7,8

7  Pesei, te ne pasenshi, rumannan, te na e binida di Señor. At'e kunukero ta spera e produkto presioso di e tera, te­niendo pasenshi kuné, te ora ku e haña e awaserunan tempran i lat.

8  Boso tambe tene pasenshi; fortalesé boso kurason, pasobra e binida di Señor ta serka.