5. E Spiritu Santu

5.1 E Spiritu Santu i Su Trabao

 

1 .Kua dushi promesa Hesus a hasi na Su disipelnan prome ku Su krusifikshon?

Juan 14: 16 I lo Mi pidi e Tata, i E lo duna boso un otro Konsola­dor, pa E keda serka boso pa semper,

 

2 .Ken ta e Konsolador i kiko e lo a hasi?  

Juan 14:26  Ma e Konsolador, Spiritu Santu, Ken­de e Tata lo manda den Mi nòmber, E lo siña boso tur kos i hasi boso rekòrdá tur loke Mi a bisa boso.

 

 3 .Dikon mundu no por risibi’E?   

Juan 14: 17  esta, e Spiritu di bèrdat, Kende e mun­du no por risibi, pasobra e no ta mir'E ni konos'E, ma boso konos'E pasobra E ta biba serka boso i lo ta den boso.

 

4 .Kon intimo e laso di unidat ta entre E i e kreyente? 

Juan 14:17 esta, e Spiritu di bèrdat, Kende e mun­du no por risibi, pasobra e no ta mir'E ni konos'E, ma boso konos'E pasobra E ta biba serka boso i lo ta den boso.

 

5 .Ken, su presensia, Spiritu Santu ta sigurá den bida di e kreyente?  

Juan 14:18  Lo Mi no laga boso manera wérfano; lo Mi bin serka boso.

 

6 .Kua promesa, dje manera ei, a wòrdu kumplí?  

Mateo 28:20 i siña nan pa kumpli ku tur loke Mi a ordená boso; i mira, Mi ta ku boso semper, te na fin di mundu." Amèn

Juan 14: 21-23

21  Esun ku tin Mi mandamentunan i ta warda nan, esei ta esun ku ta stimaMi; i esun ku ta stimaMi lo wòrdu stimá dor di Mi Tata, i Ami lo stim'é i lo manifestá Mi mes na djé."

22  Judas (no Iskariot) a bis'E: "Señor, di kon anto Bo ta bai manifestá Bo mes na nos i no na e mundu?"

23  Jesus a kontestá i a bis'é: "Si un hende ta stimaMi, e lo warda Mi palabra; i Mi Tata lo stim'é, i Nos lo bin serka djé i biba serka djé.

 

 7 . Ki laso tripel ta wòrdu realisá dje manera ei?  

Juan 14:20  Riba e dia ei boso lo sa ku Ami ta den Mi Tata, i boso den Mi, i Ami den boso

 

8 . Kon Hesus ta buska entrada den kada kurason?  

Revelashon 3: 20  Ata, Mi ta para na porta i ta bati; si un hende tende Mi bos i habri porta, lo Mi drenta serka djé, i lo sena kuné i é ku Mi.

 

9 . Dikon tabata nesesario pa Cristo a bai?  

Juan 16:7 Ma Mi ta bisa boso e bèrdat, ta kumbini boso ku Mi ta bai; pasobra si Mi no bai, e Konsolador lo no bin serka boso; ma si Mi bai, lo Mi mand'E serka boso.

 

 10.Kiko a Konsolador lo a hasi ora E bini?  

Juan 16:8  I E, ora ku E bin, lo konbensé mundu di piká, i di hustisia i di huisio;

 

 11. Ku kua otro nòmber e Konsolador ta wòrdu yamá?

Juan 15: 26  Ora ku e Konsolador bin, Kende lo Mi manda serka boso for di eTata, es desir e Spiritu di bèrdat, Kende ta sali for di eTata, E lo duna testimonio di Mi,

 

 12. Kiko Hesus a bisa ku e Spiritu di bèrdat lo hasi?

Juan 16:13  Ma ora ku E, e Spiritu di bèrdat, bin, E lo guia boso den tur bèrdat; pasobra E lo no papia di Su mes, ma tur loke E tende, E lo papia; i loke tin di bin, E lo revelá na boso.

13. Ken Hesus a bisa ku e Spiritu Santu lo a glorifiká?

Juan 16:14 E lo glorifikáMi, pa­sobra E lo tuma for di loke ta di Mi, i lo revelá esaki na boso.

 

 14. Kon Dios a revelá nos e misterionan di e Reino?

1Korintionan 2: 10  Pasobra na nos Dios a revelá nan pa medio di e Spiritu. Pasobra e Spiritu ta investigá tur kos, asta e profundidatnan di Dios.

 

 15. Ken a inspirá e profetanan pa entregá na mensahenan?  

2 Pedro 1:21 pasobra nunka profesia no a wordu duná pa medio di e boluntat di hende, ma hòmbernan santu di Dios a papia, inspirá dor di Spiritu Santu.

 

 16. Kon e evangelio a wòrdu prediká despues di pentekòster?

1 Pedro 1:12  A wòrdu revelá na nan ku no tabata nan mes, sino boso, nan tabata sirbi den e kosnan aki, ku awor a wòrdu anunsiá na boso dor di esnan ku a prediká e evangelio na boso pa medio di Spiritu Santu, mandá for di shelu-kos­nan ku e angelnan ta anhelá di mira.

 

17. Kon e kreyentenan ta wòrdu seyá?

Efesionan 1:13  Den djE boso a konfia tambe, despues di a tende e men­sahe di bèrdat, e evangelio di boso sal­bashon; den Kende tambe, despues di a kere, boso a wòrdu seyá ku e Spiritu Santu di promesa,

 

18. Ki spiertamentu ta wòrdu duná, pa esei?

Efesionan 4:30  I no hasi Spiritu Santu di Dios tristu, pa medio di Kende boso a wòrdu seyá pa e dia di redenshon.

 

19. Tin un fin na e lucha di Spiritu Santu ku hende?

Genesis 6:3  E ora ei Señor a bis a: "Mi Spiritu lo no lucha ku hende pa semper, pasobra di bèrdat ta karni e ta; sinembar­go, su dianan lo ta shent'i binti aña.

 

 20. Kiko David a pidi en relashon ku Spiritu Santu?

Salmo 51:11  No tirami for di Bo presensia, i no kita Bo Spiritu Santu for di mi.

 

 21. Kon dispuesto Dios ta pa duna nos e Spiritu Santu?

Lukas 11:13  Si boso anto, sien­do malbado, sa di duna kosnan bon na boso yunan, kuantu mas boso Tata seles­tiallo duna e Spiritu Santu na esnan ku pidiE!