5. E Spiritu Santu

5.3 E Donnan di Spiritu

 

1 . Tokante kua punto nos mester risibí konosementu? 

1 Korintionan  12:1  Awor tokante di donnan spiri­tual, rumannan, mi no kier pa boso keda ignorante.

 

2 . Kiko Cristo a duna hende despues di Su asenshon?  

Efesionan 4: 8  Pesei ta wòrdu bisá: "Ora ku EI a subi bai den haltura, EI a hiba un ehérsito di katibunan komo katibu, i El a duna donnan na hende

 

 3 .  Kiko ta e donnan ku Cristo a duna na hende?  

Efesinano 4: 11  I EI a duna algun komo apostel, i algun komo profeta, i algun komo evangelista, i al­gun komo pastor i siñadó,

 

4 . Ku ki proposito e donnan a wòrdu duná na iglesia?  

Efesionan 4:12-15

12  pa ekipá e santunan pa e trabou di sirbishi, pa edi­fiká e kurpa di Cristo,

13  te ora nos tur yega na e unidat di fe i di e konosementu di e Yu di Dios, na bira un hòmber madurá, na e midi di e estatura di e plenitut di Cristo,

14  pa nos no ta mucha mas, tirá p'aki p'aya dor di olanan, i hibá dor di tur bientu di doktrina, dor di triki di hende, dor di astusia den trahamentu di plan engañoso;

15  ma papiando e bèr­dat den amor, nos tin di krese den tur aspekto den djE, Kende ta e kabes, esta, Cristo,

 

 5 . Na unda e praktikanan  di e donnan tin ku hiba iglesia?

Efesionan 4: 13  te ora nos tur yega na e unidat di fe i di e konosementu di e Yu di Dios, na bira un hòmber madurá, na e midi di e estatura di e plenitut di Cristo,

 

6 . Kon e unidat ta wòrdu mantené  dor di praktiká di diferente donnan?  

1 Korintionan 12: 4  Awor tin variedat di donnan, ma e mesun Spiritu.

 

7 . Ku ki proposito e manifestashon di e Spiritu ta wòrdu duná   

1 Korintionan 12: 7-10

7  Ma na kada un e manifestashon di e Spiritu ta wòrdu duná na bienestar di tur.

8  Pasobra na esun ta wòrdu duná e pala­bra di sabiduria dor di e Spiritu, i na un otro e palabra di konosementu segun e mesun Spiritu;

9  na un otro fe pa medio di e mesun Spiritu, i na un otro donnan di kura hende dor di e mesun Spiritu,

10  i na un otro hasimentu di milager, i na un otro profesia, i na un otro disernimentu di spiritu, i na un otro varios sorto di lenga i na un otro interpretashon di len­ga.

 

 8 . Ken ta elaborá e dunamentu di e donnan di Spiritu?  

1 Korintionan 12: 11  Ma ta ún i e mesun Spiritu ta hasi tur e kosnan aki, dunando na kada un en partikular manera E kier.

 

 9 . Ta plan di Dios ku tur hunde lo risibí e mesun donnan?  

  1 Korintionan 12: 29, 30

29  Akaso tur ta apostel? Ta tur ta profeta? Ta tur ta siñadó? Ta tur ta hasidó di milager?

30  Ta tur tin donnan di kura hende? Ta tur ta papia den lenga? Ta tur ta interpretá?

 

10. E donnan di Spiritu lo dura pa semper?

1 Korintionan 13: 8  Amor nunka no ta faya; ma pa loke ta donnan di profesia, nan lo wòrdu kitá; pa loke ta lenganan, eseinan lo stop; pa loke ta konosementu, es ei lo wòrdu kitá.

 

11. Ki ora lo no tin mester mas di e donnan di Spiritu?

1Korintionan 13: 10  ma ora loke ta perfekto bin, loke ta pa un parti lo wòrdu kitá.