6. E Palabra Sigur Di Profesia

6.6 E asina yamá Suplente di Kristo

 

1 .Kiko a paresé na Daniel den 538 v.C e mesun aña ku Babilonia a kai? 

Daniel 8:1 Den e di tres aña di e reinado di rei Belsasar a paresé na ami, Daniel, un vishon, despues di esun ku a paresé na mi anteriormente.

 

2 . Unda Daniel tabata e tempu ei?

Daniel 8:2 I mi a wak den e vishon, i a sosodé ku mientras mi tabata wak, mi tabata den e sitadel di Susa, ku ta keda den e provinsia di Elam; i mi a wak den e vishon ku mi tabata banda di Riu Ulai.

Nota: Un karakterístika pekuliar di e palabra di Dios ta e eksaktitut ku kua tempu i sirkumstanshanan ta wòrdu sitá. Vers 1 ta duna e tempu ku Daniel a mira e visón. Vers 2 ta denotá e luga na unda Daniel tabata, e sitadel di Susa.Susa a bira e kapital di e reino di Persia.

 

 3 .Kiko a hala atenshon di e profeta?

Daniel 8:3  Anto mi a hisa mi kara wak, i mira, un karné chubatu, ku tabatin dos kachu, tabata pará dilanti di e riu. Awor e dos kachunan tabata largu, ma esun tabata mas largu ku e otro, i esun mas largu a sali ultimo.

Nota: E karné chubatu tabatin dos kachu i esun mas largu a Sali pa ultimo. E Media tabata prome ku Persia pero Persia a bira mas grandi i a konkistá Media. Pero Persia a será un pakto ku Media pa no trata nan komo inferior.

 

4 . Kua reino tabata wordu representá dor di e karné chubatu ku dos kachu?

Daniel 8:20  E karné chubatu ku bo a mira ku e dos kachunan ta representá e reinan di Media i Persia.

Nota: Un angel a revelá na Daniel ta ken e karné chubatu ta representá.

 

5 . Kon e lantamentu di e poder i su trabao a wòrdu deskribí?

Daniel 8:4 Mi a mira e karné chubatu ta kacha pabou, panort i pasùit, i ningun otro bestia no por a para su dilanti; tampoko no tabatin ni un ku por a libra for di su poder; ma e tabata hasi manera e tabata kier i e tabata halsa su mes. 

Nota: Prome e ta kacha pabou, esun mas particular, kual ta Lydië,konkistá dor di Siro den 547 p. Kr, i Babel den 539 p. Kr.

Bao di Kambyses el a kacha pa suit kual ta Egyto i Etiopia. Bao di Darius Hystaspes el a kacha pa nort, kual ta Scythië den 513 p. Kr

 

6 . Despues, kua simbolo ta wòrdu introdusí den e vishon?

Daniel 8:5 Mientras ku mi tabata opservá, ata un kabritu chubatu tabata bin di pabou riba superfisio di henter e tera, sin toka suela; i e kabritu chubatu tabatin un kachu masha riparabel meimei di su wowonan.

 

7 . Ken e kabritu chubatu ku e kachu masha riparabel ta representá?

Daniel 8:20, 21

20  E karné chubatu ku bo a mira ku e dos kachunan ta representá e reinan di Media i Persia.

21  I e kabritu chubatu yen di lana ta repre­sentá e reino di Gresia, i e kachu grandi meimei di su wowonan ta e promé rei.

Nota: E angel ta duna Daniel atrobe e interpretashon di e Kabritu chubatu.  

 

 8. Kon e konkista di Medo Persia dor di Gresia a wòrdu representá den e profesia simboliko aki?

Daniel 8:7 I mi a mir'é ta bin banda di e karné chubatu, i e tabata furioso riba djé; i el a dal e karné chubatu i a kibra su dos kachunan na pida-pida, i e karné chubatu no tabatin forsa pa resistié. Asina el a tir'é abou na suela i a trapa riba djé, i no tabatin ningun hende pa libra e karné chubatu for di su poder.

Nota: E triunfo di Alexander e Grandi ta un espektákulo di pasado. Ku velosidat inkreibel, komo un leopardo ku kuater hala (Lesa Daniel 7: 6). el a dal e karné chubatu ku tabata para komo invensibel. Den vers 21 e angel ta bisa ta ken e kachu masha riparabel ta representá. E ta mustra riba Alexander e Grandi e prome rei di Gresia.

 

 9 . Kiko a sosodé ora e karné chubatu a bira grandi?

Daniel 8:8  Anto e kabritu chubatu a engrandesé su mes masha hopi mes. Ma asina ku el a bira poderoso, e kachu largu a kibra; i na su lugá a sali kuater kachu masha riparabel den direkshon di e kuater bientunan di shelu.

Nota: Gresia no a wòrdu konkistá. Ora Alexander a bira poderoso el a muri dor di abuso di bibida alkoholiko el a muri na edat di 32 aña. E tabata tragiko pa Gresia.

 

10. Ken o wòrdu representá dor di e kachu grandi i kiko a sosodé ora e kachu a kibra?

Daniel 8: 21,22

21  I e kabritu chubatu yen di lana ta repre­sentá e reino di Gresia, i e kachu grandi meimei di su wowonan ta e promé rei.

22  I e kachu kibrá i e kuater kachunan ku a sali na su lugá ta representá kuater reino ku lo lanta for di su nashon, ma no ku su poder.

Nota: A Sali kuater kachunan na su luga. Alexander a muri sin susesor i su kuater generalnan a disidí pa parti e reino den kuater. Zijn vier generaals die de overhand hadden, besloten het rijk in vier te delen.

Macedonia bou di Cassander

Thracië en Klein-Azië bou di Lysimachus

Syria bou di Seleucus

Egypto bou di Ptolemeus

E kuater reino a lanta sin su poder. Aki bo ta mira e eksaktitut di e profesia.

 

11. Kiko a sali for di un di e kuater kachunan di e karné chubatu?

Daniël 8:9-12

9  I for di un di nan a sali un kachu chikitu ku a krese bira masha grandi mes den direkshon sùit, den direkshon pariba i den direkshon di e Tera Bunita.

10  I el a krese bai te na e ehérsito di shelu i a hasi parti di e ehérsito i parti di e strea­nan kai na tera, i el a trapa riba nan.

11   Asta el a halsa su mes pa ta igual ku e Komandante di e ehérsito; i el a kita e sakrifisio di tur dia for di djE, i e lugá di Su santuario a wórdu bentá abou.

12  I pa motibu di transgreshon e ehérsito lo wòrdu entregá na e kachu, huntu ku e sakrifisio di tur dia; i e lo benta bèrdat abou na suela i lo hasi loke e kier, i lo prosperá.

Nota: Roma a krusa laman Adriatiko i a konkista Masedonia den e geura di Pydna. E echo aki ta wòrdu mira komo e kumisament di e poder mundial di Roma. For di akinan el a  ekstendé su dominio.

Den direkshon Zuid, Egypto, den direkshon Pariba, Seleucié i den direkshon di e Tera Bunita (Palestina) den 63 p. Kr

E ehérsito di shelu ta e pueblo di Dios (lesa vers. 24) i e streanan ta e lidernan di e pueblo di Dios. E poder aki a trapa nan kual ta mustra e inhumanidat ku kual Roma pagano i Roma spiritual a persigui e yunan di Dios.

Tambe el a lanta contra e Komandante di e ehérsito i kita e sakrifisio di tur dia, kual ta mustra riba e destrukshon di Jerusalem 70 despues di Kr. Esaki Kristo a presidí den Mateo 24: 15 e destrukshon di e tèmpel i e kitamentu di e sakrifisio di tur dia for di e Hudiunan.

 

12. Kiko a kachu chikitu aki a hasi ku e pueblo di Dios?

Daniel 8:10 I el a krese bai te na e ehérsito di shelu i a hasi parti di e ehérsito i parti di e strea­nan kai na tera, i el a trapa riba nan.

 

13. Den kua palabranan literal e persekushon di e pueblo di Dios a wòrdu deskribí?

Daniel 8:24  I e lo bira masha pode­roso, ma no dor di su mes poder, i e lo destruí na un manera ekstraordinario i lo prosperá i lo hasi loke e kier; e lo destrui hòmbernan poderoso i e pueblo santu.

 

14. Kon e kachu chiki aki lo halsa su mes kontra Kristo i su trabao komo mediadó?

Daniel 8:11 Asta el a halsa su mes pa ta igual ku e Komandante di e ehérsito; i el a kita e sakrifisio di tur dia for di djE, i e lugá di Su santuario a wórdu bentá abou.

 

15. Kon e halsamentu di mes a wòrdu deskribí den e interpretashon di e vishon?

Daniel 8:25  I dor di su astusia e lo hasi engaño prosperá bou di su influensia. I e lo halsa su mes den su kurason, i e lo destrui hopi, mientras ku nan ta trankil di nan. Tambe e lo lanta kontra e Prens di prens­nan, ma e lo wòrdu kibrá, i no ku man di hende.

 

 16. Kua palabranan eksakto Pablo a husa pa deskribí e poder aki?

2Thessalonicensen 2:3,4

3  No laga ni un hende gaña boso di nin­gun manera, pasobra e dia ei lo no bin promé ku e kaimentu for di fe yega i e hòmber di piká keda manifestá, e yu di pèrdishon,

4  kende ta oponé i ta halsa su mes riba tur loke ta wòrdu yamá Dios òf opheto di adorashon, asina ku e ta tuma asiento den e tèmpel di Dios, proklaman­do su mes komo Dios.

Nota: Aki nos ta mira kla e poder spiritual di Roma representá dor di e kachu chikí. Ningun otro poder ta kumpl ku e deskripshon aki.

 

17. Kiko a wordu intregá den man di e poder aki, ku ta wòrdu representá dor di e kachu Chikí?

Daniel 8:12 I pa motibu di transgreshon e ehérsito lo wòrdu entregá na e kachu, huntu ku e sakrifisio di tur dia; i e lo benta bèrdat abou na suela i lo hasi loke e kier, i lo prosperá.

Nota: E poder aki a instituí su mes sistema di sakrifisio i ta posishoná su mes komo mediado entre Dios i hende. Hesus ta e uniko mediado entre Dios i hende.

 

18. Kiko e poder aki a hasi ku e berdat?

Daniel 8:12  I pa motibu di transgreshon e ehérsito lo wòrdu entregá na e kachu, huntu ku e sakrifisio di tur dia; i e lo benta bèrdat abou na suela i lo hasi loke e kier, i lo prosperá.

Nota: E pueblo di Dios lo a wòrdu entregá na e servisio di sakrifisio falsu dor di e mesun poder.Roma no a stop di eksistí despues di e dekadensia di e imperio Romano. El a kotinuá komo Roma spiritual. Daniel ta mira Roma prome den su fase imperial ku ta persigui e hudiunan i e prome Kristianan. Despues a ta mir’é de su fase spiritual ku ta trapá e berdat. Tur dos fase nos ta mira den e profesia aki.

 

19. Kua pregunta a wòrdu hasí den oido di e profeta?

Daniel 8:13 E ora ei mi a tende un santu ta papia, i un otro santu a bisa esun ei ku tabata papia: "Kuantu tempu e vishon di e sakrifisio di tur dia lo dura, mientras ku e transgreshon ta kousa horor, pa pèrmiti pa tantu e lugá santu komo e ehérsito wòrdu trapá?"

 

20. Ki kontesta a wòrdu duná na Daniel?

Daniel 8:14  I el a bisami: "Dos mil tres shen anochi i mainta; e ora ei e lugá santu lo wòrdu purifiká."

 

21. Kua era profetiko ta kuminsá na e tempu ku e obra di sakrifisio di tur dia di kristo a wòrdu kita foi djE dor di e poder aki?

Daniel 12:11 I for di e tempu ku e sakrifisio di tur dia wòrdu abolí, i e abominashon di desolashon wòrdu stablesí, lo ta mil dos shent'i nobenta dia.

Nota: En van de tijd af dat het dagelijkse offer wordt gestaakt en een gruwel wordt opgericht, die verwoesting brengt, zijn het duizend tweehonderd en negentig dagen;

 

22. Ki siguridat a wòrdu na Daniel tokante e periodo menshoná den versikulo 14?

Daniel 8:26  "I e vishon di e anochinan i e maintanan, ku a wòrdu duná na bo, ta bèrdat. Ma tene e vishon sekreto, paso­bra e tin di hasi ku hopi dianan den futuro. "