6. E Palabra Sigur Di Profesia

6.7 Un Gran Epoka Profetiko

 

1 . Kiko Daniel a ripará, imediatamente despues di e vishon di  Daniel 8, dor di studia e profesianan di Jeremias?

 Daniël 9: 2   den e promé aña di su reinado, ami, Daniel, a opservá den e bukinan e kantidat di aña ku a wòrdu revelá komo e palabra di SEÑOR na pro­feta Jeremias, pa e kumplimentu di e desolashonnan di Jerusalèm, esta, seten­ta aña.

Nota: Daniel i su kompañeronan a wòrdu hiba na Babylonia den e aña 606 v.Chr.

E setenta añanan di e profesia de Jeremias lo jega na su fin den e aña  536 v. Chr.  E prome aña di Darius tabata 538 B.C  i e tempu di restorashon tabata solamente dos aña for di e fecha.

 

2 . Na unda e revelashon aki a hiba Daniel?  

Daniël 9: 3 Asina mi a pone atenshon na Señor Dios pa busk'E pa medio di ora­shon i súplika, ku yunamentu, paña di­ saku i shinishi.

 

3. Ki petishon urgente di e profeta ta konektá e orashon aki ku e vishon di e kitamentu di e `sakrifisio di tur dia i e destrukshon di e Santuario, pa kual Daniel a papia di dj’e den Daniel 8?

Daniël 9: 17  "Awor nos Dios, skucha e orashon di Bo sirbidó i su súplika­nan, i pa Bo kousa, O Señor, laga Bo kara resplandesé riba Bo san­tuario desolá.

 

4. Ki siguransa Gabriel a duna Daniel, ora el a kaba su orashon?

Daniel 9: 22  I el a dunami in­strukshon i a papia ku mi, i a bisa: "o Daniel, awor mi a bin pa dunabo diser­nimentu i komprendementu.

 

5 . A base di kiko Daniel ta ofrese su petishon?

Daniel 9:16  O Señor, konforme tur Bo echonan hustu, laga awor Bo rabia i Bo furia wòrdu kitá for di riba Bo stat Jerusalèm, Bo seru santu; pasobra pa motibu di nos pikánan i e iniki­datnan di nos tatanan, Jerusalèm i Bo pueblo a bira un reproche pa tur esnan ku ta rònt di nos.

 

6 . Pakiko mas informashon tokante e vishon tabata nesesario?

Daniël  8: 27  Anto ami, Daniel, a keda agotá i malu pa dianan largu. E ora ei mi a lanta atrobe i a sigui ku e asuntonan di rei, ma e vishon a lagami tur babuká, i no tabatin ningun hende pa duna splikashon di djé.

 

7 . Na kiko Gabriel ta hala Daniel su attenshon?

Daniël  9:  23  Na ku­minsamentu di bo súiplikanan e òrdu a wòrdu duná, i mi a bin pa kontabo esaki, pasobra bo ta masha stimá; asina, paga tino na e mensahe i komprendé e vishon.

Nota: Daniel mester a paga tino na e vishon den Daniel 8: 26 tokante e vishon di e anochinan i maintanan. Einan Gabriel a bisé tambe ku e vishon ta berdat. Awor Gabriel a bini pa suigi ku e splikashon. Ta pesei Daniel mester paga tino i komprende.

 

8 . Kua parti di e 2300 dianan (añanan) tabata destina pa e hudiunan?

Daniël 9: 24  "Setenta siman a wòrdu stipulá pa bo pueblo i bo stat santu, pa tèrminá e transgreshon, pa pone un fin na piká, pa hasi ekspiashon pa inikidat, pa trese hus­tisia etèrno, pa seya vishon i profesia, i pa ungi e lugá santisimo.

 Nota: E setenta simannan òf 490 dianan profetiko òf 490 añanan literal  ta part di e 2300 dianan profetiko òf 2300 añanan literal. Na a kuminsa den 457 BC ora e òrdu a wòrdu duná pa restorá i rekonstruí Jeruzalem. (Dan 9: 25)

 

 9. Kiko lo a wòrdu kumplí na fin di e setenta simannan?

Daniël 9: 24

"Setenta siman a wòrdu stipulá pa bo pueblo i bo stat santu, pa tèrminá e transgreshon, pa pone un fin na piká, pa hasi ekspiashon pa inikidat, pa trese hus­tisia etèrno, pa seya vishon i profesia, i pa ungi e lugá santisimo.

Nota:

1. pa tèrminá e transgreshon: Dios lo no tolera e inikidatnan di Su pueblo mas.

pa pone un fin na piká: lo no ta necesario mas pa trese ofrenda di pika pasobra Kristo a bira e antitypo di e ofrendanan sakrifisial.

pa hasi ekspiashon pa inikidat: Kristo, dor di su sakrifisio riba Kalvario a proveé rekonsiliashon pa tur ku ta akseptá Su sakrifisio

3. pa trese hus­tisia etèrno:

Kristo no a bin solamente pa kita piká, pero tambe pa rekonsilia hende ku Dios i imputa i imparta Su hustisia na e pekadonan penitente i asina kubri nan ku Su hustisia pa nan por para dilanti Dios manera nunca nan no a peka

pa seya vishon i profesia:

pa konfirmá òf ratifiká e kumplimentu di predikshonnan konektá ku Su prome binida komo Mesias manera spesifiká den profesia i pa sigurá ku e otro asuntunan di e profesia, notabelmente e 2300 dianan profetiko, lo kumpli sigur.

pa ungi e lugá santísimo: pa ungi e santuario celestial djies prome Kristo Su inaugurashon komo Sumo Saserdote.

 

10. Kua parti di e periodo lo yega te ku Kristo òf e Mesias?

Daniël 9: 25 "Sabi anto i komprendé ku for di e momento ku e òrdu a wòrdu duná pa restorá i rekonstruí Jerusalèm te na e Mesias, e Prens, lo tin shete siman i sesent'i dos siman; e lo wòrdu trahá atrobe, ku kaya i roi, den tempu di an­gustia.

 Nota: E siete siman òf 49 dianan òf 49 aña ta jega te na 408 v. Chr. Esei ta e tempu di rekonstrukshon di Jeruzalem.

E òrdu pa rekonstruí Jeruzalem a kuminsá  457 v. Chr. 69 simannan òf 483 añanan ta jega te na e bautismo di Hesus na 27 a.D

 

11. Kiko lo a pasa ku e Mesias na fin di e tempu stipulá?

Daniël 9: 26 Anto despues di e sesent'i dos simannan e Mesias lo wòrdu kòrtá kitá afó, i lo no tin nada, i e pueblo di e prens ku lo bin lo destrui e stat i e santuario. I su fin lo bin ku un diluvio; te na fin lo tin guera; i desolashonnan ta determiná.

Nota: E 62 simannan òf 434 añanan, despues di e 7 simannan òf 49 añanan ta jega te na 27 n. Chr. E aña ku Kristo a wòrdu batisá. Nos ta yega 69 simannan.

 

12. Kon e destrukshon di Jeruzalem i e santuario dor di e Romanonan wòrdu pronostiká ?

Daniël 9: 26  Anto despues di e sesent'i dos simannan e Mesias lo wòrdu kòrtá kitá afó, i lo no tin nada, i e pueblo di e prens ku lo bin lo destrui e stat i e santuario. I su fin lo bin ku un diluvio; te na fin lo tin guera; i desolashonnan ta determiná.

 

13.  Kiko e Mesias mester a hasi durante e di 70 siman?

Daniël 9: 27 I e lo hasi un aliansa firme ku hopi hende pa un siman, ma meimei di e siman e lo pone ún fin na sakrifisio i ofrenda di mainshi; i riba hala di abomi­nashonnan lo bin ún ku ta trese desola­shon te na un destrukshon kompleto,un ku ta wòrdu dekretá, ta wòrdu dramá riba esun ku ta trese desolashon."

Nota: E di 70 siman òf e ultimo siman di e 70 añanan a kuminsa  A.D 27, e kuminsamentu di Kristo Su ministerio publiko na tempu di Su bautismo. Mei mei di e siman aki òf 3 aña i mei, Kristo a wòrdu krusifiká i e sakrifisionan terenal a jega na nan fin. E sobra 3 aña i mei e jega na e piedramentu di Esteban. E echo aki a jega na e fin di e 70 simannan òf 490 añanan ku a wòrdu stipulá pa e pueblo di Daniel. Esaki tabata tempunan pisa pa Daniel i su pueblo.

 

14. Kiko lo a wòrdu kita meimei di e siman aki?

Daniël 9: 27  I e lo hasi un aliansa firme ku hopi hende pa un siman, ma meimei di e siman e lo pone ún fin na sakrifisio i ofrenda di mainshi; i riba hala di abomi­nashonnan lo bin ún ku ta trese desola­shon te na un destrukshon kompleto,un ku ta wòrdu dekretá, ta wòrdu dramá riba esun ku ta trese desolashon."

 

15. Kon e huisionan, ku lo a bini riba Jeruzalem, a bolbe wòrdu ripití?

Daniël 9: 27  I e lo hasi un aliansa firme ku hopi hende pa un siman, ma meimei di e siman e lo pone ún fin na sakrifisio i ofrenda di mainshi; i riba hala di abomi­nashonnan lo bin ún ku ta trese desola­shon te na un destrukshon kompleto,un ku ta wòrdu dekretá, ta wòrdu dramá riba esun ku ta trese desolashon."

 

16. Kua pregunta a wòrdu hasi den e vishon di Daniel?

Daniël 8: 13  E ora ei mi a tende un santu ta papia, i un otro santu a bisa esun ei ku tabata papia: "Kuantu tempu e vishon di e sakrifisio di tur dia lo dura, mientras ku e transgreshon ta kousa horor, pa pèrmiti pa tantu e lugá santu komo e ehérsito wòrdu trapá?"

 

17. Kua époka profetiko ta expande te na e tempu di koutiverio di e pueblo di Dios den e Babilon moderno i ku nan lo bolbe resibí e mediashon di Kristo?

Daniël 8: 14  I el a bisami: "Dos mil tres shen anochi i mainta; e ora ei e lugá santu lo wòrdu purifiká."

 

18. Kiko ta wòrdu bisá di esnan ku lo biba pa ta testigu di e redenshon for di Babylon moderno i lo bolbe prediká e evangelio?

Daniel 12: 12  bendishoná ta esun ku ta sigui spera i ku ta yega na e mil tres shent'i trint'i sinku dianan!

Nota: Den vers 7 tin e periodo di tempu, tempunan i mitar tempu òf 1260 añanan. E tempu aki a kuminsá den aña 538 v. Chr. (See Rev 7: 25)

Den vers 11 tin e priodo di 1290 añan. E dos tempunan aki ta kubri e mesun tempu historiko. E kuminsamentu di 1260 añanan ta kuminsa ku nasementu di e kachu chikí. (538 v. Chr). E 1290 añanan ta kuminsa ku: " for di e tempu ku e sakrifisio di tur dia wòrdu abolí, i e abominashon di desolashon wòrdu stablesí. lo ta mil dos shent'i nobenta dia.  (Dan 12: 11). Tur e dos periodo aki ta kaba den 1798 ora a papa a wòrdu kue presu.

Den vers 12 tin un periodo di 1335 aña. E periodo aki ta kuminsa na mes un tempu di 1290 añan. E 1335 aña ta kaba den 1843, e kuminsamentu di movementu Adventista ku e Milleritanan. Vers 4 i 9  di Daniel 12 ta referí na e tempu di fin.

4  Ma pa loke t'abo, Daniel, te ne e palabranan aki skondí i seya e buki te na e tempu di e fin; hopi hende lo kore pariba pabou, i konose­mentu lo oumentá."

9  I el a bisa: "Sigui bo kaminda, Da­niel, pasobra e palabranan aki ta keda skondi i seyá te na e tempu di e fin.

Na fin di e 1335 aña  e partinan seá di e buki di Daniel lo wòrdu komprende . E tempu aki a kuminsá den 1843.